മുടി വളരാനുള്ള ഒരു കഷ്ടപ്പാടേ?

Published: Wednesday, March 2, 2016, 13:04 [IST]

ഭംഗിയുള്ള നീണ്ട മുടിയാണ് എല്ലാ പെണ്‍കുട്ടികളുടേയും ആഗ്രഹം. എന്നാല്‍ ഇന്നത്തെ കാലത്ത് നീണ്ട മുടി എന്നത് വെറും സ്വപ്‌നം മാത്രമായി അവശേഷിക്കുന്നു. നമ്മുടെ തന്നെ ശ്രദ്ധക്കുറവാണ് പലപ്പോഴും നമ്മുടെ മുടിയുടെ ആരോഗ്യത്തിന് വിലങ്ങ് തീര്‍ക്കുന്നത്.

എന്തൊക്കെയാണ് മുടി സമൃദ്ധമായി വളരാന്‍ നമ്മള്‍ ശ്രദ്ധിക്കേണ്ട ചില കാര്യങ്ങള്‍ എന്നു നോക്കാം. മുടി വളരാന്‍ മാത്രമല്ല മുടി കൊഴിച്ചില്‍ ഇല്ലാതാക്കാനും ഇത്തരം കാര്യങ്ങളില്‍ ശ്രദ്ധ പതിപ്പിക്കാം. മുടിക്ക്‌ ബലം നല്‍കാം

മുടി തുവര്‍ത്തുന്നത്

കുളി കഴിഞ്ഞ് മുടി തുവര്‍ത്തുന്നതില്‍ അല്‍പം ശ്രദ്ധിച്ചാല്‍ പ്രധാനമായും മുടി കൊഴിച്ചില്‍ എന്ന പ്രശ്‌നത്തെ ഇല്ലാതാക്കാം. അതുകൊണ്ട് തന്നെ മുടി തുവര്‍ത്തുമ്പോള്‍ അമര്‍ത്തി തുവര്‍ത്താതിരിക്കുകയാണ് ചെയ്യേണ്ടത്.

തലയോട്ടി മസ്സാജ് ചെയ്യുക

തലയോട്ടി മസ്സാജ് ചെയ്യുന്നതിന് പലപ്പോഴും നമ്മള്‍ സമയം കണ്ടെത്തേണ്ടിയിരിക്കുന്നു. ഇത് മുടിയുടെ വേരുകള്‍ക്ക് ആരോഗ്യം നല്‍കുകയും രക്തയോട്ടം വര്‍ദ്ധിപ്പിക്കുകയും ചെയ്യും. ഇത് മുടി വളര്‍ച്ച വര്‍ദ്ധിപ്പിക്കും.

ഹെയര്‍സ്റ്റൈല്‍ മാറ്റുക

ഇടക്കിടെ ഹെയര്‍സ്റ്റൈല്‍ മാറ്റുന്നതും നല്ലതാണ്. എന്നും ഒരേ രീതിയിലുള്ള ഹെയര്‍സ്റ്റൈല്‍ നമ്മുടെ മുടി വളര്‍ച്ച കുറയ്ക്കുന്നു.

മുടി വെട്ടുക

മുടി വെട്ടുന്ന കാര്യത്തിലും ഒരിക്കലും പിശുക്ക് കാണിയ്ക്കരുത്. അതുകൊണ്ട് തന്നെ മാസത്തില്‍ ഒരു തവണയെങ്കിലും മുടി വെട്ടാന്‍ ശ്രദ്ധിക്കുക. ഇത് മുടി വളര്‍ച്ച വര്‍ദ്ധിപ്പിക്കും.