കഷണ്ടിയില്‍ മുടി മുളക്കാന്‍ ആയുര്‍വേദം

ഉലുവ

ഉലുവയിലെ വൈറ്റമിന്‍ ബി6, മിനറലുകള്‍, അയേണ്‍, കാല്‍സ്യം എന്നിവയെല്ലാം മുടി വളരാന്‍ സഹായകമാണ്‌. ഉലുവ കുതിര്‍ത്തരച്ച്‌ കഷണ്ടിയുള്ള, അല്ലെങ്കില്‍ മുടി പോയ ഭാഗങ്ങളില്‍ പുരട്ടുക. ഉണങ്ങുമ്പോള്‍ കഴുകിക്കളയാം. ആഴ്‌ചയില്‍ 2 ദിവസമെങ്കിലും ഇതു ചെയ്യുന്നതു ഗുണം നല്‍കും.

തൈം ഓയില്‍

തൈം ഓയിലാണ്‌ മറ്റൊരു വഴി. ഇതിലെ തൈമോള്‍ രക്തപ്രവാഹം വര്‍ദ്ധിപ്പിയ്‌ക്കും. താരന്‌ പരിഹാരവും. തൈം ഓയില്‍ അല്‍പം കൈകളിലാക്കി ഇരുകൈകളും കൂട്ടിത്തിരുമ്മി ചൂടാക്കുക. ഇത്‌ തലയില്‍ മുടി പോയിടത്തു തേച്ചു പിടിപ്പിച്ച്‌ മസാജ്‌ ചെയ്യാം. പിന്നീട്‌ ചീപ്പുപയോഗിച്ചു ചീകാം.

കുങ്കുമപ്പൂ

ഒരു നുള്ള്‌ കുങ്കുമപ്പൂ നാലു ടീസ്‌പൂണ്‍ പാല്‍, 1 ടേബിള്‍ സ്‌പൂണ്‍ അതിമധുരം എന്നിവയില്‍ കലര്‍ത്തുക. ഇത്‌ കഷണ്ടിയുള്ള ഭാഗങ്ങളില്‍ രാത്രി കിടക്കാന്‍ നേരം പുരട്ടുക. രാവിലെ കഴുകിക്കളയാം.

റാഡിഷ്‌

വൈറ്റമിന്‍ എ, സി, കെ എന്നിവയടങ്ങിയ റാഡിഷ്‌ ജ്യൂസാണ്‌ മറ്റൊന്ന്‌. ഇത്‌ മുടിവേരുകള്‍ക്ക്‌ ജീവനും ഉറപ്പും നല്‍കും. ഇതിന്റെ ജ്യൂസെടുത്തു മുടിയില്ലാത്ത ഭാഗത്തു പുരട്ടി അല്‍പം ചൂടനുഭവപ്പെടുന്നതുവരെ മസാജ്‌ ചെയ്യുക.

കര്‍പ്പൂരതൈലം

രാത്രി കിടക്കും മുന്‍പ്‌ കര്‍പ്പൂരതൈലം തലയില്‍ തേച്ചു മസാജ്‌ ചെയ്യുന്നത്‌ മുടി വളര്‍ച്ചയ്‌ക്കു പറ്റിയ മറ്റൊരു മരുന്നാണ്‌.

ചെമ്പരത്തിപ്പൂ

ചെമ്പരത്തിപ്പൂ അരച്ച്‌ ഇതില്‍ ഏതാനും തുള്ളി ഒലീവ്‌ ഓയില്‍ ചേര്‍ത്ത്‌ തലയോടില്‍ ചേര്‍ത്തു പിടിപ്പിയ്‌ക്കാം. ഇതും കഷണ്ടിയില്‍ മുടി വളരാന്‍ നല്ലതാണ്‌. നരച്ച മുടി കറുപ്പിയ്ക്കാന്‍ ആയുര്‍വേദ വഴികള്‍