മുടിഭംഗി സൂക്ഷിക്കാന്‍ കടുകെണ്ണ

മുടിയുടെ വളര്‍ച്ചയ്ക്കും ഭംഗിയ്ക്കും പറ്റിയ ധാരാളം എണ്ണകളുണ്ട്. കടുകെണ്ണയും ഇതില്‍ ഒന്നു തന്നെയാണ്.

മുടിയിലായാലും ചര്‍മത്തിലായാലും ഈര്‍പ്പം നില നിര്‍ത്തുമെന്നതാണ് ഇതിന്റെ ഗുണം. വരണ്ട മുടിയുള്ളവര്‍ക്ക് ഇത് പ്രത്യേകിച്ചു ഗുണം നല്‍കും.

കടുകെണ്ണ ഏതെല്ലാം വിധത്തില്‍ മുടിസംരക്ഷണത്തിന് ഉപയോഗിക്കാമെന്നു നോക്കൂ.

കടുകെണ്ണ അല്‍പം ചൂടാക്കി തലയോടില്‍ മസാജ് ചെയ്യണം. ഇതിനു ശേഷം അര-മുക്കാല്‍ മണിക്കൂര്‍ കഴിഞ്ഞ് കഴുകിക്കളയാം. മുടി വളരാന്‍ ഇത് നല്ലൊരു വഴിയാണ്.

നല്ലൊരു കണ്ടീഷണറായും ഇത് ഉപയോഗിക്കാം. ഇത് തലയില്‍ തേച്ചു പിടിപ്പിച്ച് ചൂടുവെള്ളത്തില്‍ ടവല്‍ മുക്കിപ്പിഴിഞ്ഞ മുടി കെട്ടിവയ്ക്കാം. അല്‍പം കഴിഞ്ഞ് ഷാംപൂ ഉപയോഗിച്ച് കഴുകിക്കളായാം. ഇത് മുടിവളര്‍ച്ചയ്ക്കു സഹായിക്കും.

താരന്‍ ശല്യമുള്ളവര്‍ക്ക് കടുകെണ്ണ വേറെ വിധത്തില്‍ ഉപയോഗിക്കാം. കടുകെണ്ണ ചൂടാക്കി അല്‍പം ചെറുനാരങ്ങാനീര് ചേര്‍ത്ത് തലയോടില്‍ മസാജ് ചെയ്യാം. ഇത് താരനുള്ള നല്ലൊരു മരുന്നാണ്.

കടുകെണ്ണയില്‍ തൈര് ചേര്‍ത്ത് തലയോടില്‍ പുരട്ടാം. ഇത് മുടിവളര്‍ച്ചയ്ക്ക് സഹായിക്കും. മുടിയുടെ ഭംഗി വര്‍ദ്ധിപ്പിക്കുകയും ചെയ്യും.