മുടി കഴിച്ചിൽ അലട്ടുന്നുവോ? ഈ പൊടിയിട്ട് എണ്ണ ഉപയോ​ഗിക്കൂ

മുടികൊഴിച്ചിൽ, താരൻ, അകാലനര എന്നിങ്ങനെ ഒട്ടനവധി പ്രശ്നങ്ങളാണ് നിരവധി വ്യക്തികൾ ഓരോ ദിവസവും അനുഭവിച്ചുകൊണ്ടിരിക്കുന്നത്. ഈ പ്രശ്നങ്ങൾ പരിഹരിക്കാൻ നല്ല ആഹാരം കഴിക്കുന്നതിന്റെ കൂടെ തന്നെ, ചില കാര്യങ്ങൾ ശ്രദ്ധിക്കേണ്ടത് അനിവാര്യമാണ്. അതിൽ ഒന്നാണ് ഹെയർ ഓയിൽ മസാജ്. പുറത്ത് കടകളിൽ നിന്നും വാങ്ങുന്ന ഹെയർ ഓയിലിനേക്കാൾ ഏറ്റവും ഫലപ്രദമാണ് വീട്ടിൽ തന്നെ തയ്യാറാക്കുന്ന എണ്ണ. ഇത്തരത്തിൽ വീട്ടിൽ തന്നെ തയ്യാറാക്കാവുന്ന ഒരു എണ്ണക്കൂട്ട് പരിചയപ്പെടാം.

Photo Credit: AI

ചീവയ്ക്ക ഉപയോ​ഗിച്ച് തയ്യാറാക്കുന്ന ഈ എണ്ണയ്ക്ക് ഒട്ടനവധി ​ഗുണങ്ങളും ഉണ്ട്. മുടി വളർച്ചയെ പ്രോത്സാഹിപ്പിക്കുകയും തലയോട്ടിയിലെ ആരോഗ്യം മെച്ചപ്പെടുത്തുകയും മുടിയുടെ ഉള്ള് വർദ്ധിപ്പിക്കുകയും ചെയ്യുന്ന ഒരു പരമ്പരാഗത ആയുർവേദ എണ്ണക്കൂട്ടാണ് പരിചയപ്പെടാൻ പോകുന്നത്. ഇതിനുവേണ്ട ചേരുവകൾ എന്തെല്ലാം എന്നും, ഇവയുടെ ​ഗുണങ്ങൾ എന്തെല്ലാം എന്നും നോക്കാം.

ചേരുവകൾ

1 കപ്പ്- ചീവയ്ക്ക പൊടി
1 ലിറ്റർ- വെളിച്ചെണ്ണ
കാൽകപ്പ്- എള്ളെണ്ണ
10-12 എണ്ണ- ഉലുവ

തയ്യാറാക്കേണ്ട വിധം

• ഒരു പാത്രത്തിൽ ചീവയ്ക്ക പൊടിയും വെളിച്ചെണ്ണയും എള്ള് എണ്ണയും ഉലുവയും മിക്സ് ചെയ്യുക.
• അടുപ്പിൽ വെച്ച് കുറഞ്ഞ തീയിൽ മിശ്രിതം ചൂടാക്കുക. പൊടി പൂർണ്ണമായും ഈ കൂട്ടിൽ ചേർന്ന്, മിശ്രിതം തവിട്ട് നിറമാകുന്നതുവരെ നിരന്തരം ഇളക്കുക.
• മിശ്രിതം നിറം മാറിവരുമ്പോൾ അടുപ്പിൽ നിന്നും മാറ്റാവുന്നതാണ്. അതിനുശേഷം തണുപ്പിക്കാൻ വെയ്ക്കുക.
• എണ്ണ തണുത്ത് കഴിയുമ്പോൾ ഒരു ചീസ് ക്ലോത്ത് അല്ലെങ്കിൽ അരിപ്പയിലൂടെ മിശ്രിതം ഒരു പാത്രത്തിലേക്ക് അരിച്ചെടുക്കുക.
• ഈ ഹെയർ ഓയിൽ വായു കടക്കാത്ത ഒരു കണ്ടെയ്നറിൽ സൂക്ഷിക്കുക.

Also Read: മുടി വളരാന്‍ വീട്ടില്‍ തയ്യാറാക്കാം സവാളകൊണ്ടൊരു ഷാംപൂ

ഗുണങ്ങൾ

ഈ ഹെയർ ഓയിൽ പതിവാക്കിയാൽ ഇവ മുടിയെ വേരിൽ നിന്നും ശക്തിപ്പെടുത്തുകയും, തലയോട്ടിയുടെ ആരോ​ഗ്യം മെച്ചപ്പെടുത്തുന്നതിലൂടെ മുടിയുടെ വളർച്ചയെ ഉത്തേജിപ്പിക്കാൻ സഹായിക്കുകയും ചെയ്യുന്നു. ചീവയ്ക്കയിൽ ആന്റിഫംഗൽ, ആൻറി ബാക്ടീരിയൽ ഗുണങ്ങൾ അടങ്ങിയിരിക്കുന്നു. ഇത് തലയോട്ടിയിലെ ചൊറിച്ചിൽ ശമിപ്പിക്കാനും താരൻ കുറയ്ക്കാനും സഹായിക്കുന്നു.കൂടാതെ, മുടിയ്ക്ക് ആവശ്യമായ പോഷണം നൽകുകയും മുടിയെ മൃദുവും സിൽക്കിയുമായി നിലനിർത്താൻ സഹായിക്കുകയും ചെയ്യുന്നു. ചീവയ്ക്ക എണ്ണയിൽ ആന്റിഓക്സിഡന്റുകൾ അടങ്ങിയിരിക്കുന്നതിനാൽ, ഇത് മുടിയെ അകാല നരയിൽ നിന്നും സംരക്ഷിക്കുന്നു.

ഉപയോഗിക്കേണ്ട വിധം

ഹെയർ ഓയിൽ ഡബിൾ ബോയിൽ ചെയ്തതിനുശേഷം തലയോട്ടിൽ നല്ലതുപോലെ തേച്ച് പിടിപ്പിക്കുക. ചെറുതായി മസ്ജാ ചെയ്ത് കൊടുക്കുന്നതും നല്ലതാണ്. അതിനുശേഷം 15 മിനിറ്റ് കഴിയുമ്പോൾ തല ഷാംപൂ വാഷ് ചെയ്യുക. ഇത്തരത്തിൽ ആഴ്ചയിൽ രണ്ട് തവണ ഉപയോ​ഗിക്കുന്നത് മുടിയുടെ ആരോ​ഗ്യത്തിന് നല്ലതാണ്.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള്‍ ചെയ്യുന്നതിന് മുന്‍പ് വിദഗ്ധന്റെ ഉപദേശം സ്വീകരിക്കേണ്ടതാണ്.