കൈയ്യിലെ കൊഴുപ്പിന് ദിനവും 30 സെക്കന്റ് വ്യായാമം

വട്ടത്തില്‍ ചെയ്യേണ്ടത്

തുടക്കം ഇങ്ങനെ: നിവര്‍ന്ന് നില്‍ക്കുക, കൈകള്‍ വശത്തേക്ക് നീട്ടുക. കൈകള്‍ രണ്ടും തറയ്ക്ക് നേരെ സമാന്തരമായിരിക്കണം. ശേഷം നിങ്ങളുടെ കൈകള്‍ വട്ടത്തില്‍ സാവധാനം തിരിക്കുക, അവ നിങ്ങളുടെ വശത്തും നേരായും നീട്ടിക്കൊണ്ടുപോകുക. നിങ്ങള്‍ക്ക് ഇഷ്ടമുള്ള ഏത് ദിശയിലും അവ തിരിക്കുക. 30 സെക്കന്റോളം ഇത് ചെയ്യാവുന്നതാണ്. ഇത്തരത്തില്‍ കുറച്ച് ദിവസം അഞ്ച് മിനിട്ട് വീതം ചെയ്താല്‍ നമുക്ക് ഈ പ്രശ്‌നത്തെ ഇല്ലാതാക്കാന്‍ സാധിക്കുന്നുണ്ട്.

പറക്കുന്നത് പോലെ

തുടക്കം ഇങ്ങനെ: കൈകള്‍ രണ്ടും രണ്ട് വശത്തേക്കും നീട്ടി നിവര്‍ന്നുനില്‍ക്കുക. നിങ്ങളുടെ കൈകള്‍ ചലിപ്പിക്കാതെ തന്നെ ചിറകുകള്‍ പോലെ വായുവില്‍ സഞ്ചരിക്കുകയാണ് എന്ന് സങ്കല്‍പ്പിക്കുക.ഇത്തരത്തില്‍ ചെയ്യുന്നതിലൂടെ അനാവശ്യമായുള്ള കൊഴുപ്പ് ഇല്ലാതാവും എന്നാണ് പറയുന്നത്. ഇത് കൂടാതെ ദിവസവും അഞ്ച് മിനിട്ട് വീതം മൂപ്പത് സെക്കന്റ് തുടര്‍ച്ചയായി ചെയ്യുക. ഇത് കൊഴുപ്പ് കുറക്കും എന്ന കാര്യത്തില്‍ സംശയം വേണ്ട.

ട്രൈസെപ് ഡിപ്‌സ്

തുടക്കം ഇങ്ങനെ: നിങ്ങളുടെ പുറകുവശത്ത് നിവര്‍ന്ന് പകുതി ഇരുന്ന് കാലുകള്‍ ഒരുമിച്ച് നീട്ടി വെക്കുക. ഇത് അല്‍പം പ്രയാസം നിറഞ്ഞതാണെങ്കിലും കൈകള്‍ രണ്ടും പുറകില്‍ കുത്തി വെച്ചിട്ടുണ്ടായിരിക്കണം. നിങ്ങളുടെ കൈകള്‍ നിങ്ങളുടെ പുറകില്‍ വയ്ക്കുക, നിങ്ങളുടെ നട്ടെല്ല് പിന്നിലേക്ക് ചെറുതായി ചരിക്കുക, അങ്ങനെ നിങ്ങള്‍ കൈകളില്‍ ബോഡി വെയ്റ്റ് നല്‍കുക. ഈ സ്ഥാനത്ത് നിങ്ങളുടെ കണങ്കാലുകള്‍ അല്പം വളയണം. കൂടാതെ, നിങ്ങളുടെ കാല്‍മുട്ടുകള്‍ ചെറുതായി വളയ്ക്കുക, അങ്ങനെ അവ നിലത്തുനിന്ന് പോകും. ഇപ്പോള്‍ നിങ്ങളുടെ കൈകള്‍ നേരെയാക്കി നിങ്ങളുടെ പിന്‍ഭാഗം മുകളിലേക്ക് ഉയര്‍ത്തുക. തുടര്‍ന്ന് നിങ്ങളുടെ കൈകളാല്‍ താഴേക്ക് താഴ്ത്തുക. പിന്‍ഭാഗം തറയില്‍ തൊടാതെ 30 സെക്കന്റ് ഇത് ചെയ്യാവുന്നതാണ്.

പുഷ് അപ്പ് എടുക്കുക

പുഷ് അപ്പ് എടുക്കുന്നത് പല ആരോഗ്യപ്രശ്‌നങ്ങള്‍ക്കും അമിതവണ്ണത്തിനും പരിഹാരം നല്‍കുന്ന ഒന്നാണ്. അതിന് വേണ്ടി നിങ്ങളുടെ നെഞ്ച് അമര്‍ത്തി നിലത്ത് കിടക്കുക. ഈ സ്ഥാനത്തെ പ്രോന്‍ പൊസിഷന്‍ എന്ന് വിളിക്കുന്നു. നിങ്ങളുടെ കൈപ്പത്തികള്‍ നെഞ്ചിന്റെ വശത്ത് നിലത്തേക്ക് കൊണ്ടുവരിക. കൈപ്പത്തി ഉപയോഗിച്ച് തള്ളിക്കൊണ്ട് ശരീരം ഉയര്‍ത്തുക. നിങ്ങളുടെ കൈകള്‍ ഏതാണ്ട് നേരെയാകുന്നതുവരെ എഴുന്നേല്‍ക്കുക (അവയെ പൂര്‍ണ്ണമായും നേരെയാക്കരുത്). ഈ സമയത്ത് നിങ്ങള്‍ ഒരു പ്ലാങ്ക് പൊസിഷന്‍ എടുക്കാവുന്നതാണ്. നിങ്ങളുടെ ശരീരം നിങ്ങളുടെ തലയില്‍ നിന്ന് കണങ്കാലുകളിലേക്ക് ഒരു നേര്‍രേഖയിലായിരിക്കണം. ഇത് 30 സെക്കന്‍ഡ് മുകളിലേക്കും താഴേക്കും തുടരാവുന്നതാണ്. ഇതെല്ലാം ചെയ്താലും ഒരു മിനിട്ട് വിശ്രമം അനിവാര്യമാണ്.

പുഷര്‍സ്

കൈകള്‍ ഇരു വശത്തേക്കും നീട്ടി നിവര്‍ന്നുനില്‍ക്കുക. കൈകള്‍ കൈമുട്ടിന് നേരെ വളയ്ക്കുക, അങ്ങനെ നെഞ്ചോട് ചേര്‍ത്ത് മടക്കി പിടിക്കാവുന്നതാണ്. ഇരു കൈകളും നെഞ്ചോട് ചേര്‍ത്ത് കൊണ്ട് വരികയും യഥാസ്ഥാനത്തേക്ക് മടക്കിപ്പോവുകയും ചെയ്യുക. ഇത്തരത്തില്‍ ദിവസവും 5 മിനിട്ട് വീതമുള്ള 30 സെക്കന്റ് സമയം ചെയ്യാവുന്നതാണ്. ഇത് നിങ്ങളുടെ ഇത്തരം അനാവശ്യ കൊഴുപ്പിനെ ഇല്ലാതാക്കുന്നതിന് സഹായിക്കുന്നു എന്നുള്ള കാര്യത്തില്‍ സംശയം വേണ്ട. കുറച്ച് ദിവസങ്ങള്‍ക്കുള്ളില്‍ തന്നെ നിങ്ങള്‍ക്ക് വ്യത്യാസം മനസ്സിലാവും.

സിംഗിള്‍ ചെസ്റ്റ് പ്രസ്സ് പള്‍സ്

തുടക്കം ഇങ്ങനെ: നിങ്ങള്‍ പ്രാര്‍ത്ഥിക്കുന്നതുപോലെ നിങ്ങളുടെ കൈപ്പത്തികള്‍ ഒരുമിച്ച് വയ്ക്കുക. നിങ്ങളുടെ കൈമുട്ടുകള്‍ ഒരുമിച്ച് കൊണ്ടുവരുന്നതിലൂടെ അവ പരസ്പരം സ്പര്‍ശിക്കും. നിങ്ങളുടെ കൈമുട്ടുകള്‍ മുകളിലേക്ക് ഉയര്‍ത്തുക, അങ്ങനെ അവ നെഞ്ചിന്റെ തലത്തോട് ചേര്‍ത്ത് നിര്‍ത്തുക. ഇത്തരത്തില്‍ ചെയ്യുന്നതിലൂടെ അത് കൈകളിലെ കൊഴുപ്പിനെ ഇല്ലാതാക്കും എന്നുള്ളതാണ് സത്യം.

30 സെക്കന്‍ഡ് നേരം ഇത് ചെയ്യാവുന്നതാണ്.

കത്രിക പൊസിഷന്‍

നിങ്ങളുടെ കാലുകള്‍ ചേര്‍ത്ത് വച്ച് കൈകള്‍ രണ്ടും മുന്നിലേക്ക് നീട്ടുക. പിന്നീട് ഇവ പിണച്ച് വെച്ചും നേരെ വെച്ചും 30 സെക്കന്റ് നേരം തുടരേണ്ടതാണ്. ഇത്തരം കാര്യങ്ങള്‍ ദിവസവും ചെയ്താല്‍ അനാവശ്യമായ കൊഴുപ്പിനെ നമുക്ക് ഇല്ലാതാക്കാന്‍ സാധിക്കുന്നുണ്ട്. ഇത് ദിവസവും ശ്രദ്ധിക്കാവുന്നതാണ്. ഇത്തരം കാര്യങ്ങള്‍ അല്‍പം ശ്രദ്ധിച്ച് ചെയ്താല്‍ പെട്ടെന്ന് തന്നെ നിങ്ങള്‍ക്ക് കൈകളിലെ ഈ അനാവശ്യ ഫാറ്റ് ഇല്ലാതാക്കാന്‍ സാധിക്കുന്നുണ്ട്.

സൂപ്പര്‍മാന്‍ പൊസിഷന്‍

പേരില്‍ തന്നെ നിങ്ങള്‍ക്ക് മനസ്സിലാവും സൂപ്പര്‍മാന്‍ പൊസിഷന്‍ എന്താണെന്ന്. സൂപ്പര്‍ മാന്‍ പോലെ നിലത്ത് കമിഴ്ന്ന് കിടന്ന് കൈകള്‍ രണ്ടും മുന്നിലേക്ക് നീട്ടുക. നിങ്ങളുടെ കൈകളും കാലുകളും ഉയര്‍ത്തുക. കൂടാതെ, നിങ്ങളുടെ കൈകള്‍ക്കൊപ്പം തല ഉയര്‍ത്തുക. അങ്ങനെ ഒരേ തലത്തില്‍ ഇത് സ്ഥിരമായി ചെയ്യാവുന്നതാണ്. ഇത്തരത്തില്‍ 30 സെക്കന്റ് വീതം ദിവസവും ചെയ്യുന്നതിലൂടെ അത് അനാവശ്യമായിട്ടുള്ള കൊഴുപ്പിനെ ഇല്ലാതാക്കുന്നതിന് സഹായിക്കുന്നുണ്ട്.