സുന്ദരനായി ഇരിക്കണോ, ഒരു കഷ്ടപ്പാടുമില്ല

വെറും വയറ്റില്‍ വെള്ളം കുടിയ്ക്കുക

വെറും വയറ്റില്‍ രാവിലെ തന്നെ ശുദ്ധമായ വെള്ളം കുടിയ്ക്കുന്നതാണ് സൗന്ദര്യ സംരക്ഷണത്തിന്റെ ആദ്യപടി. ഇത് ശരീരത്തിലുള്ള ടോക്‌സിനുകളെ പുറന്തള്ളുന്നു. മാത്രമല്ല ചര്‍മ്മത്തിന് നല്ല തിളക്കം നല്‍കാനും വെള്ളം കുടിയിലൂടെ സാധിയ്ക്കുന്നു.

അനാവശ്യ രോമങ്ങള്‍ കളയുക

മുഖത്തും ശരീരത്തിലുമുള്ള അനാവശ്യ രോമങ്ങള്‍ കളയുകയാണ് അടുത്ത പടി. ഇത് നിങ്ങള്‍ക്ക് ഫ്രഷ് ലുക്ക് തോന്നാന്‍ സഹായിക്കുന്നു.

രണ്ട് നേരവും ബ്രഷ് ചെയ്യുക

ദിവസവും രാവിലെയും രാത്രിയും ബ്രഷ് ചെയ്യാന്‍ ശ്രമിക്കുക. ഇത് പല്ലിന്റെ ആരോഗ്യത്തേയും വായ്‌നാറ്റം പോലുള്ള പ്രശ്‌നങ്ങളേയും ഇല്ലാതാക്കുന്നു.

സണ്‍സ്‌ക്രീന്‍ ഉപയോഗിക്കുക

സണ്‍സ്‌ക്രീന്‍ ഉപയോഗിക്കുന്നത് ശീലമാക്കുക. പുറത്തു പോകുമ്പോള്‍ എപ്പോളും സണ്‍സ്‌ക്രീന്‍ ക്രീമോ ലോഷനോ ഉപയോഗിക്കുക.

നല്ല ഉറക്കം പ്രധാനം

ദിവസവും ഏഴ് മണിക്കൂറെങ്കിലും ഉറങ്ങുക. ഏഴ് മണിക്കൂറില്‍ കൂടുതല്‍ ഉറക്കമായാലും പ്രശ്‌നമില്ല. ഇത് എല്ലാ തരത്തിലുള്ള ക്ഷീണത്തേയും അകറ്റാന്‍ കാരണമാകുന്നു.

നിവര്‍ന്നു നില്‍ക്കാന്‍ ശ്രമിക്കുക

നില്‍ക്കുമ്പോഴും ഇരിക്കുമ്പോഴും എല്ലാം നിവര്‍ന്നു തന്നെ ഇരിക്കാനും നില്‍ക്കാനും ശ്രമിക്കുക. ഇത് ജെന്റില്‍മാന്‍ ലുക്ക് നല്‍കും. അത് മാത്രമല്ല അസ്ഥികള്‍ക്കും നല്ല ആരോഗ്യം നല്‍കുന്നു.

ചേരുന്ന വസ്ത്രം ധരിയ്ക്കുക

അവനവന് ചേരുന്ന വസ്ത്രം മാത്രം ധരിക്കുക. ഫാഷന്‍ എന്ന പേരില്‍ തോന്നിവാസം കാണിക്കാതിരിക്കുക എന്നതാണ് ശ്രദ്ധിക്കേണ്ടത്.

വ്യായാമം ശീലമാക്കുക

ആരോഗ്യവും സൗന്ദര്യവും നമ്മള്‍ തന്നെ ഉണ്ടാക്കി എടുക്കുന്നതാണ്. അതുകൊണ്ട് തന്നെ ശാരീരികമായി ആരോഗ്യം നിലനിര്‍ത്താന്‍ ആദ്യം ചെയ്യേണ്ടത് വ്യായാമം ശീലമാക്കുക എന്നതാണ്.

മാന്യമായ വസ്ത്രധാരണം

മാന്യമായ വസ്ത്രധാരണമാണ് ഏതൊരാളേയും മറ്റുള്ളവരിലേക്ക് ആകര്‍ഷിക്കുന്നത്. അതുകൊണ്ട് തന്നെ മറ്റുള്ളവര്‍ കാണുമ്പോള്‍ അരോചകമുണ്ടാക്കാത്ത രീതിയിലുള്ള വസ്ത്രം ധരിയ്ക്കുക.

മുടി എപ്പോഴും നീറ്റാക്കി വെയ്ക്കുക

എപ്പോഴും മുടി നീറ്റാക്കി വെയ്ക്കാന്‍ ശ്രമിക്കുക. നിങ്ങളാണ് ഏറ്റവും സ്‌റ്റൈലിഷ് ആയ വ്യക്തി എന്ന് സ്വയം മനസ്സില്‍ ഉറപ്പിക്കുക.

ട്രെന്‍ഡനുസരിച്ച് മാറുക

കാലം മാറുന്നതനുസരിച്ച് കോലവും മാറ്റുക. അതുകൊണ്ട് തന്നെ കാലത്തിനനുസരിച്ച് വസ്ത്രധാരണത്തിലും മറ്റും മാറ്റം വരുത്താന്‍ ശ്രമിക്കുക. നിങ്ങള്‍ക്ക് ചേരുന്ന മാറ്റമാണെങ്കില്‍ അത് ഉള്‍ക്കൊള്ളുക.

സ്വാഭാവിക മര്യാദകള്‍ പാലിയ്ക്കുക

എവിടെ ചെന്നാലും സ്വാഭാവിക മര്യാദകള്‍ പാലിയ്ക്കുക എന്നതാണ് ഏതൊരാളുടെയും സൗന്ദര്യത്തേയും സ്വഭാവത്തേയും ഉയര്‍ത്തുന്നത്.

മോയ്‌സ്ചുറൈസര്‍ ഉപയോഗിക്കുക

മോയ്‌സ്ചുറൈസര്‍ ഉപയോഗിക്കുന്ന കാര്യത്തില്‍ പലപ്പോഴും പിശുക്ക് കാണിക്കുന്നവരാണ് നമ്മളില്‍ പലരും. എന്നാല്‍ സൗന്ദര്യ സംരക്ഷണത്തിന്റെ അടിസ്ഥാന ഘടകം എന്നു പറയുന്നത് മോയ്‌സ്ചുറൈസര്‍ ഉപയോഗിക്കുന്നതാണ്.

ഉറങ്ങാന്‍ പോകുന്നതിനു മുന്‍പ് മുഖം കഴുകുക

ഉറങ്ങാന്‍ പോകുന്നതിന് മുന്‍പ് മുഖം കഴുകുന്നത് സൗന്ദര്യ സംരക്ഷണത്തില്‍ ഒഴിവാക്കാനാവാത്ത ഘടകമാണ്. എന്നാല്‍ പലരും ഒഴിവാക്കുന്നതാണ് ഈ ശീലം.