വേദനയില്ലാതെ മുഖത്തെ രോമം കളയാം 5 മിനിട്ടില്‍

മഞ്ഞള്‍ ഫേസ്മാസ്‌ക്

ആരോഗ്യ-സൗന്ദര്യസംരക്ഷണത്തില്‍ എന്നും മുന്നില്‍ തന്നെയാണ് മഞ്ഞളിന്റെ സ്ഥാനം. മഞ്ഞള്‍ ഫേസ്മാസ്‌ക് മുഖത്ത് പുരട്ടിയാല്‍ ഇത് മുഖത്തെ രോമത്തിന്റെ വളര്‍ച്ചയെ സാവധാനം തടയുന്നു. മഞ്ഞള്‍ പേസ്റ്റ് രൂപത്തിലാക്കി മുഖത്ത് നല്ലതു പോല േെതച്ചു പിടിപ്പിക്കുക. ഉണങ്ങിയതിനു ശേഷം തണുത്ത വെള്ളത്തില്‍ കഴുകിക്കളയാം.

മഞ്ഞളും പാലും

മഞ്ഞളും പാലും ചേര്‍ന്ന മിശ്രിതമാണ് മറ്റൊന്ന്. ഒരു ടേബിള്‍ സ്പൂണ്‍ മഞ്ഞളുംഅല്‍പം പാലും മിക്‌സ്‌ചെയ്ത് മുഖത്ത് നല്ലതു പോലെ തേച്ച് പിടിപ്പിക്കുക. 25 മിനിട്ടിനു ശേഷം കഴുകിക്കളയാം.

ഉരുളക്കിഴങ്ങ് നീരും പരിപ്പും

മൂന്ന് ഉരുളക്കിഴങ്ങിന്റെ നീര് എടുത്ത് അതിലേക്ക് നല്ലതു പോലെ അരച്ച തുവരപ്പരിപ്പ് പേസ്റ്റ് ചേര്‍ക്കാം. ഇതിലേക്ക് നാല് ടേബിള്‍ സ്പൂണ്‍ നാരങ്ങ നീര് ചേര്‍ക്കാം. എല്ലാം കൂടി നല്ലതു പോലെ മിക്‌സ് ചെയ്ത് മുഖത്ത് തേച്ച് പിടിപ്പിക്കാം.

നാരങ്ങ നീരും തേനും

നാരങ്ങ നീരും തേനും 15 മിനിട്ടോളം മുഖത്ത് തേച്ച് പിടിപ്പിക്കാം. നല്ലതു പോലെ മസ്സാജ് ചെയ്ത് പിടിപ്പിക്കാം. ആഴ്ചയില്‍ മൂന്ന് പ്രാവശ്യം ചെയ്യുക. ഇത് ഉടന്‍ തന്നെ ഫലം നല്‍കുന്നതാണ്.

പഞ്ചസാരയും തേനും

ഇത് വാക്‌സ് ചെയ്യുന്നതിന് തുല്യമാണ്. ഒരു ടേബിള്‍ സ്പൂണ്‍ തേന്‍ അല്‍പം നാരങ്ങ നീര്, ഒരു ടേബിള്‍ സ്പൂണ്‍ പഞ്ചസാര എന്നിവയെല്ലാം കൂടി നല്ലതു പോലെ മിക്‌സ് ചെയ്ത് ഈ മിശ്രിതം എല്ലാം കൂടി 3 മിനിട്ടോളം ചൂടാക്കുക. തണുത്തതിനു ശേഷം മുഖത്ത് തേച്ച് പിടിപ്പിക്കാം. ഇത് മുഖത്തെ രോമവളര്‍ച്ചയും ഫലപ്രദമായി നേരിടുന്നു.

മുട്ട ഫേസ്മാസ്‌ക്

മുട്ട ഫേസ്മാസ്‌ക് ആണ് മറ്റൊന്ന്. മുട്ടയുടെ വെള്ള മുഖത്ത് തേച്ച് പിടിപ്പിച്ച് ഉണങ്ങിയതിനു ശേഷം കഴുകിക്കളയാം.