ആഭരണം അലര്‍ജിയെങ്കില്‍ പരിഹാരവുമുണ്ട്

ആഭരണങ്ങളില്‍ അടങ്ങിയിട്ടുള്ള നിക്കലാണ് പലപ്പോഴും അലര്‍ജിക്കു കാരണമാകാറ്. നിക്കല്‍ ഇല്ലാത്ത ആഭരണം നോക്കി വാങ്ങുകയായിരിക്കും ഏറ്റവും നല്ലത്.

അലര്‍ജിയുണ്ടെങ്കില്‍ ആഭരണം ഇടുന്നതിന് മുന്‍പ് ഏതെങ്കിലും മോയിസ്ചറൈസര്‍ പുരട്ടുന്നത് നന്നായിരിക്കും. ഇതിന് മുകളില്‍ ആന്റി ബാക്ടീരിയല്‍ പൗഡറും ഇടാം.

ചുവന്നു തടിച്ച ഭാഗത്ത് ലാക്ടോ കലാമൈന്‍ ലോഷന്‍ പുരട്ടുന്നത് ഒരു പരിധി വരെ ആശ്വാസം നല്‍കും. ഹൈഡ്രോകോര്‍ട്ടിസോണ്‍ അടങ്ങിയ ക്രീമുകളും ഗുണം ചെയ്യും.

തുളസിനീര് പുരട്ടുന്നതും ആര്യവേപ്പില അരച്ചിടുന്നതും ഈ പ്രശ്‌നത്തിനുള്ള സ്വാഭാവിക പരിഹാരമാര്‍ഗങ്ങളാണ്.