ഇരുണ്ട ചര്‍മത്തിന് സൗന്ദര്യക്കൂട്ടുകള്‍

Body Care

oi-Saritha

By Veena

Updated: Monday, August 13, 2012, 13:02 [IST]

പഴുത്ത പപ്പായ ഉടച്ച് ചര്‍മത്തില്‍ പുരട്ടുന്നത് നിറം വര്‍ദ്ധിപ്പിക്കാന്‍ നല്ലതാണ്. അല്‍പം തേന്‍ കൂടി ചേര്‍ക്കുന്നത് കൂടുതല്‍ ഗുണം ചെയ്യും.

പാല്‍പ്പാടയും തേനും ചെറുനാരങ്ങാനീരും മുഖത്ത് പുരട്ടുക. ഇത് അടുപ്പിച്ച് ചെയ്യണം. ചര്‍മത്തിന് നിറം വര്‍ദ്ധിക്കും.

എണ്ണമയമുള്ള ചര്‍മം മുഖക്കുരു പോലുള്ള പ്രശ്‌നങ്ങള്‍ വരുത്തി വയ്ക്കുന്ന ഒന്നാണ്. തേന്‍, ചെറുനാരങ്ങാനീര് എന്നിവ ചേര്‍ത്ത് പുരട്ടുന്നത് നല്ലതാണ്.

കറ്റാര്‍വാഴയുടെ ജെല്‍ മുഖത്തു പുരട്ടുന്നത് നല്ലതാണ്. കറ്റാര്‍ വാഴയുടെ ജെല്‍, മഞ്ഞള്‍പ്പൊടി, തേന്‍, അരിപ്പൊടി എന്നിവ ചേര്‍ത്ത് മുഖത്തു പുരട്ടുന്നത് ഗുണം ചെയ്യും.

എന്നാല്‍ അമിതമായി മുഖക്കുരുവുള്ളവര്‍ ഇത്തരം ചര്‍മസംരക്ഷണമാര്‍ഗങ്ങള്‍ ചെയ്യുമ്പോള്‍ പ്രത്യേക ശ്രദ്ധ വേണം. കാരണം മുഖക്കുരു പൊട്ടി അണുബാധയും മറ്റ് ചര്‍മ പ്രശ്‌നങ്ങളും ഉണ്ടാകാനുള്ള സാധ്യത വളരെ കൂടുതലാണ്.

നല്ല ചര്‍മത്തിന് ഭക്ഷണവും വളരെ പ്രധാനമാണ്. ആന്റിഓക്‌സിഡന്റുകള്‍ കലര്‍ന്ന ഭക്ഷണം ചര്‍മത്തിന്റെ ചെറുപ്പവും തുടിപ്പും കാത്തു രക്ഷിക്കും. ഓറഞ്ച്, ചെറുനാരങ്ങ, മുസമ്പി, പപ്പായ, ഗ്രീന്‍ ടീ, തക്കാളി, ബ്രൊക്കോളി, ചീര, മധുരക്കിഴങ്ങ്, ക്യാരറ്റ് എന്നിവ ചര്‍മത്തിന് ചേര്‍ന്ന നല്ല ഭക്ഷണമാണ്.

ഒമേഗ ത്രീ അടങ്ങിയ വാള്‍നട്ട്, ബദാം തുടങ്ങിയവ ചര്‍മത്തിന് മാത്രമല്ലാ, പ്രതിരോധശേഷി നല്‍കാനും നല്ലതാണ്.