പിന്‍കഴുത്തിലുമുണ്ട് കാര്യം

Body Care

oi-Saritha

By Veena

Published: Friday, January 20, 2012, 16:00 [IST]

പിന്‍കഴുത്തു വെട്ടിയിറക്കിയ ഫാഷന്‍ വസ്ത്രങ്ങളിടാനുള്ള ആഗ്രഹം ഭംഗിയില്ലാത്ത ചര്‍മം കാരണം ഉപേക്ഷിക്കുന്നതവുണ്ട്. ചിലരുടെ കഴുത്തിലെയും പുറംഭാഗത്തേയും ചര്‍മം ചുളിവുള്ളതും വരണ്ടതുമായിരിക്കും. പരിഹാരമില്ലാത്ത പ്രശ്‌നമൊന്നുമല്ലാ, ഇത്. ഇത്തരം പ്രശ്‌നങ്ങള്‍ക്കുള്ള ചില ലളിതമായ പരിഹാരങ്ങളിതാ,

തക്കാളി മുറിച്ച് പുറംകഴുത്തില്‍ ഉരസുക. ഒരാഴ്ചയെങ്കിലും ഇത് അടുപ്പിച്ചു ചെയ്താല്‍ ചര്‍മം മൃദുവാകും.

പനിനീരും നാരങ്ങാനീരും കലര്‍ത്തി പുറത്തു തേക്കുന്നതും ഗുണം ചെയ്യും.

ഉലുവ അരച്ച് പുറംകഴുത്തിലിടുക. ഉണങ്ങിയ ശേഷം കഴുകിക്കളയാം. വെള്ളത്തിലോ അല്ലെങ്കില്‍ തൈരിലോ അരച്ച ഉലുവ ചേര്‍ക്കാം.

ഓറഞ്ച് തൊലി പാലും ചേര്‍ത്തരച്ച് പുറത്തിടുന്നത് പുറംഭാഗത്തെ ചര്‍മത്തിന്റെ കരുവാളിപ്പ് മാറ്റും. ചര്‍മം മൃദുവാകുകയും ചെയ്യും.

മുട്ടവെള്ള പുറത്തു തേയ്ക്കുന്നതും നല്ലതാണ്. ഇത് ഉണങ്ങിയ ശേഷം കഴുകിക്കളയാം.

ചര്‍മത്തിന്റെ ആരോഗ്യത്തിന് വെള്ളം പ്രധാനമാണ്. ധാരാളം വെള്ളം കുടിയ്ക്കുക.

ഇവ ചെയ്തു നോക്കൂ. എന്നിട്ട് കഴുത്തിറക്കി വെട്ടിയ ബ്ലൗസിടാന്‍ തയ്യാറാകൂ.