Click it and Unblock the Notifications
Latest Updates
-
Rashiphalam: ഇന്ന് തെളിയുന്ന ഭാഗ്യ രാശിക്കാര്, നിങ്ങളുടെ ഇന്നത്തെ സമ്പൂര്ണഫലം ഇതാണ് -
മീനത്തില് ഭാഗ്യം തെളിയുന്നവര്: ഇനി അടുത്ത 30 നാള് ഈ നക്ഷത്രക്കാര്ക്കുള്ളത്, ധനവും, കരിയറും സുരക്ഷിതം -
ഭക്ഷണത്തില് ഉപ്പ് കൂടുതലോ? അറിയണം കിഡ്നിയെ ബാധിക്കുന്നതെങ്ങനെയെന്ന് -
30 വര്ഷത്തിനിപ്പുറം ശനിയും ചൊവ്വയും ചേരുന്നു: ശത്രു മുട്ടുമടക്കും, ധനം നിറഞ്ഞ് കുമിയും, ഭാഗ്യം ഏത് കോണിലും -
തടി കുറയ്ക്കാന് രാവിലെ ഈ ശീലങ്ങള് മാത്രം മതി: മറക്കാതെ ചെയ്യണം ഇതെല്ലാം -
കരള് എന്നെന്നും സുരക്ഷിതമായിരിക്കുന്നതിനും വിഷമുക്തമാക്കുന്നതിനും കഴിക്കണം ഈ ഭക്ഷണങ്ങള് -
മീനം 1 പുലരുന്നത് തന്നെ രാജയോഗത്തോടെ: അശ്വതി - രേവതി വരെ 27 നാളിനും മീനമാസം സമ്പൂര്ണ നാള്ഫലം -
5 ദിനങ്ങള്ക്കുള്ളില് സൂര്യനെത്തുന്നു മീനത്തില്: പക്ഷേ ഈ രാശിക്കാര് അല്പം കരുതിയിരിക്കണം, നിര്ണായകം -
Rashiphalam: ഇന്ന് ഭാഗ്യയോഗങ്ങളില് മാറ്റങ്ങള് തേടി എത്തുന്ന രാശിക്കാര്: സമ്പൂര്ണഫലം ഇപ്രകാരം -
വ്യാഴം മിഥുനത്തില് നേര്ഗതിയില്: ഈ രാശിക്കാര് മാര്ച്ച് 11 മുതല് കരുതിയിരിക്കണം
ഈ നക്ഷത്രക്കാര് തമ്മില് വിവാഹം കഴിക്കരുത്, അനര്ത്ഥങ്ങള് ഉണ്ടാകും, സ്വസ്ഥത നശിക്കും
വിവാഹത്തിന് മുമ്പ് ജാതകപ്പൊരുത്തം നോക്കുന്ന ആളുകള് ഉണ്ട്. നക്ഷത്രപ്പൊരുത്തവും ഗ്രഹനിലയും തമ്മിലുള്ള പൊരുത്തമാണ് ഈ സമയത്ത് പരിഗണിക്കുന്നത്. ഹിന്ദുക്കള്ക്കിടയില് പൊതുവെ ജാതകപ്പൊരുത്തം നോക്കാറുണ്ട്. എന്നാല് മറ്റ് മതസ്ഥര്ക്കിടയിലും ജ്യോതിഷത്തില് വിശ്വാസമില്ലാത്ത ഹിന്ദുക്കള്ക്കിടയിലും ജാതകപ്പൊരുത്തം നോക്കാതെയും വിവാഹങ്ങള് നടത്താറുണ്ട്.
വിവാഹിതരാകുന്ന ആളുകള്ക്കിടയിലെ പൊരുത്തം വിവാഹജീവിതത്തിന്റെ ആയുസ്സം വിജയവും നിര്ണ്ണയിക്കുന്ന സുപ്രധാന ഘടകമാണെന്നാണ് ജ്യോതിഷത്തില് വിശ്വസിക്കുന്നത്. ചില ജാതകങ്ങള് പരിശോധിച്ച് നല്ല പൊരുത്തമുണ്ടെന്നും മറ്റ് ചില ജാതകങ്ങള് പരിശോധിച്ച് ഇവര് തമ്മില് വിവാഹം കഴിക്കരുതെന്നുമെല്ലാം ജ്യോതിഷികള് പറയുന്നത് അങ്ങനെയാണ്. നക്ഷത്രങ്ങള് മാത്രം പരിശോധിച്ചാല് വിവാഹപ്പൊരുത്തം പറയാന് കഴിയും. അത്തരത്തില് ഒരിക്കലും ചേരാന് പാടില്ലാത്ത, അഥവാ വിവാഹിതരായാല് അനര്ത്ഥങ്ങളും വിവാഹജീവിതത്തില് സ്വസ്ഥയില്ലായ്മയും അടക്കം അശുഭങ്ങള് സംഭവിക്കുന്ന ചില നക്ഷത്രങ്ങള് ഏതെല്ലാമാണെന്ന് നോക്കാം.
അശ്വതി-തൃക്കേട്ട
അശ്വതി നക്ഷത്രത്തില് ജനിച്ചവരും തൃക്കേട്ട നക്ഷത്രത്തില് ജനിച്ചവരും പരസ്പരം വിവാഹം കഴിക്കരുത്. കാരണം ഈ നാളുകള്ക്കിടയില് പരസ്പര വേദമുണ്ടെന്നാണ് ജ്യോതിഷം പറയുന്നത്. അതുകൊണ്ട് ഇവര്ക്കിടയിലെ ദാമ്പത്യം ശുഭകരമായിരിക്കില്ലെന്നും ദാമ്പത്യ പരാജയം ഉണ്ടാകുമെന്നും ജ്യോതിഷശാസ്ത്രം പറയുന്നു.
ഭരണി-അനിഴം
ഭരണി, അനിഴം നക്ഷത്രങ്ങളില് ജനിച്ച ആളുകള് തമ്മില് വിവാഹം ചെയ്താല് കുടുംബജീവിതം താറുമാറാകും എന്നാണ് ജ്യോതിഷശാസ്ത്രം പറയുന്നത്. ഇവര്ക്കിടയില് എപ്പോഴും വഴക്കുണ്ടാകുകയും ദാമ്പത്യം സ്വസ്ഥതയില്ലാത്ത ഒന്നായിത്തീരുകയും ചെയ്തേക്കും. അതുകൊണ്ട് ഈ നക്ഷത്രക്കാര്ക്കിടയിലെ വിവാഹം ഒഴിവാക്കുക.
വിശാഖം-കാര്ത്തിക
വിശാഖം നക്ഷത്രത്തില് ജനിച്ച പുരുഷനും കാര്ത്തിക നക്ഷത്രത്തില് ജനിച്ച സ്ത്രീയും തമ്മില് വിവാഹം കഴിത്തരുതെന്നാണ് ജ്യോതിഷശാസ്ത്രം പറയുന്നത്. കാരണം ഇവര് തമ്മിലുള്ള വിവാഹത്തിലൂടെ പലതരത്തിലുള്ള പ്രതിസന്ധികളും വെല്ലുവിളികളും ജീവിതത്തില് ഉണ്ടാകുകയും സാമ്പത്തികപ്രയാസങ്ങളും ഇല്ലായ്മകളും വര്ധിക്കുകയും ചെയ്യും. ഇവര്ക്കിടയിലും പരസ്പരവേദമുണ്ട്.
ചോതി-രോഹിണി
ചോതി, രോഹിണി നക്ഷത്രങ്ങളില് ജനിച്ച ആളുകള് തമ്മില് വിവാഹിതരായാല് ആ ദാമ്പത്യത്തില് സന്താനഭാഗ്യം ഉണ്ടാകാന് ഇടയില്ലെന്നാണ് ജ്യോതിഷശാസ്ത്രം വിശ്വസിക്കുന്നത്. ഇവര്ക്കിടയിലെ ദാമ്പത്യം പലതരം പ്രശ്നങ്ങള്ക്കും കാരണമാകും. അതുകൊണ്ട് ഇവര് തമ്മില് വിവാഹം കഴിക്കാതിരിക്കുകയാണ് അഭികാമ്യം.
മകം-രേവതി
മകം നക്ഷത്രത്തില് ജനിച്ചവരും രേവതി നക്ഷത്രത്തില് ജനിച്ചവരും തമ്മില് വിവാഹം കഴിക്കുമ്പോള് ദാമ്പത്യത്തില് തുടക്കം മുതല് പ്രശ്നങ്ങള് ഉണ്ടാകും. ജീവിതത്തില് പലതരം പ്രതിസന്ധികളും ഇവര്ക്കിടയില് ഉണ്ടാകും.
അത്തം - ചതയം
അത്തം നക്ഷത്രത്തില് ജനിച്ചവരും ചതയം നക്ഷത്രത്തില് ജനിച്ചവര് തമ്മില് ചേര്ന്നാല് ജീവിതത്തില് അപ്രതീക്ഷിതമായ അനര്ത്ഥങ്ങള് വന്നുഭവിക്കും. ഇവര് വിവാഹിതരായാല് ആ ദാമ്പത്യം അധികം വൈകാതെ വിവാഹമോചനത്തിലേക്ക് എത്താനിടയുണ്ട്.
പൂരൂരുട്ടാതി- ഉത്രം
പൂരൂരുട്ടാതി, ഉത്രം നക്ഷത്രങ്ങളില് ജനിച്ച ആളുകള് തമ്മില് വിവാഹം കഴിച്ചാല് കുടുംബപ്രശ്നങ്ങള് ഉണ്ടാകും. ജീവിതത്തില് സന്തോഷം ഇല്ലാതാകുകയും സന്താനഭാഗ്യം കുറയുകയും ചെയ്യും.
Disclaimer : ഇവിടെ നല്കിയിരിക്കുന്ന വിവരങ്ങള് ഇന്റര്നെറ്റില് നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്ഡ്സ്കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള് ചെയ്യുന്നതിന് മുന്പ് വിദഗ്ധന്റെ ഉപദേശം സ്വീകരിക്കേണ്ടതാണ്.
The image used in the story is AI-generated
Continue with Google