പ്രണയിക്കാന്‍ യോഗമില്ലാത്തവര്‍, പ്രണയിക്കുമ്പോള്‍ ഈ അഞ്ച് രാശികളെ ഒഴിവാക്കിയേക്കൂ

നിങ്ങള്‍ പ്രണയിച്ചിട്ടുണ്ടോ? എന്തൊരു ചോദ്യമാണല്ലേ. പ്രണയിക്കാത്ത ആളുകളുണ്ടാകുമോ. തുറന്ന് പറഞ്ഞില്ലെങ്കില്‍ പോലും ജീവിതത്തില്‍ പ്രണയം തോന്നാത്തവര്‍ ഉണ്ടാകില്ല. എങ്കില്‍പ്പിന്നെ നിങ്ങളുടെ പ്രണയം വിജയിച്ചിട്ടുണ്ടോ എന്ന് ചോദിക്കാം. അതിനുത്തരം ചിലപ്പോള്‍ ഉണ്ടെന്നോ ഇല്ലെന്നോ ആയിരിക്കും. എപ്പോള്‍ വേണമെങ്കിലും മനസ്സില്‍ പ്രണയം പൊട്ടിമുളയ്ക്കാം. പക്ഷേ അത് മറുഭാഗത്തുള്ളയാളിലും ഉണ്ടായെങ്കിലേ അത് വിജയിച്ചുവെന്ന് പറയാന്‍ കഴിയുകയുള്ളു. പ്രണയിക്കുന്നവര്‍ ഭാഗ്യം ചെയ്തവരാണ്. പക്ഷേ ആ പ്രണയം വേണ്ടെന്ന് വെക്കേണ്ടിവരുന്നത്, സഫലമാകാതെ പോകുന്നത് നിര്‍ഭാഗ്യകരമാണ്.

Photo Credit: AI Generated

പ്രണയത്തില്‍ ഭാഗ്യമില്ലാതെ പോകുന്നവര്‍ നിരവധിയാണ്. പല കാരണങ്ങള്‍ കൊണ്ടായിരിക്കാം അങ്ങനെ സംഭവിക്കുന്നത്. ഒരു വ്യക്തി ജനിച്ച രാശിയും അതിന് കാരണമാണെന്നാണ് ജ്യോതിഷം പറയുന്നത്. പ്രണയകാര്യത്തില്‍ ഭാഗ്യമില്ലാത്ത രാശികള്‍ ഏതെല്ലാമാണെന്ന് നോക്കാം.

മിഥുനം

മകീര്യം 1/2, തിരുവാതിര, പുണര്‍തം 3/4

ഇവരുടെ പല മുഖങ്ങളും വ്യത്യസ്ത ആഗ്രഹിക്കുന്ന സ്വഭാവവും കാരണം മിഥുനം രാശിക്കാര്‍ വിശ്വസിക്കാന്‍ കഴിയാത്തവരാണെന്നും ഒന്നില്‍ നിന്ന് മറ്റൊന്നിലേക്ക് ചാഞ്ചാടുന്നവരാണെന്നും ഒരു പറച്ചിലുണ്ട്. അതിനാല്‍ തന്നെ വ്യക്തിബന്ധങ്ങള്‍ക്ക്, പ്രത്യേകിച്ച് പ്രണയത്തിന് മിഥുനം അത്ര നല്ല രാശിയല്ലെന്നാണ് കരുതപ്പെടുന്നത്. ഒരു പതിവിനോടും ദിനചര്യയോടും അച്ചടക്കത്തോടുമുള്ള അവരുടെ താല്‍പ്പര്യക്കുറവ് കാരണം പ്രതിബദ്ധതയിലും ബന്ധത്തിലെ ആത്മാര്‍ത്ഥതയിലും ഇവര്‍ പിന്നിലായിരിക്കും.

മിഥുന രാശിക്കാര്‍ അവരുടെ ചടുലവും ആകര്‍ഷകവുമായ വ്യക്തിത്വങ്ങളാല്‍ പലപ്പോഴും മറ്റുള്ളവരെ ആകര്‍ഷിക്കുന്നു. അവരുടെ മനോഹാരിതയും വിവേകവും അവരെ കൂട്ടുകെട്ടുകളില്‍ ജനപ്രിയമാക്കുന്നു. എന്നിരുന്നാലും, ഈ ആകര്‍ഷണം ചിലപ്പോള്‍ ബാഹ്യമായ ആകര്‍ഷണമായി കലാശിക്കുന്നു. കാരണം പല മിഥുനരാശികളും ആഴത്തിലുള്ള ബന്ധങ്ങള്‍ ഇഷ്ടപ്പെടുന്നില്ല. കൂടാതെ ഇവരുടെ ഇരട്ട സ്വഭാവം ഒരു അനുഗ്രഹവും വെല്ലുവിളിയും ആകാം. അവര്‍ പെട്ടെന്ന് പൊരുത്തപ്പെടുന്നവരും വിവേകികളുമാണെങ്കിലും, ഒരു താല്‍പ്പര്യത്തില്‍ നിന്ന് മറ്റൊന്നിലേക്ക് മാറാനുള്ള അവരുടെ പ്രവണത ശാശ്വതമായ ബന്ധങ്ങള്‍ക്ക് തടസ്സമാകും. ഈ സ്ഥിതി അര്‍ത്ഥവത്തായ ബന്ധങ്ങള്‍ രൂപീകരിക്കുന്നതില്‍ നിന്ന് അവരെ തടഞ്ഞേക്കാം.

വൃശ്ചികം

വിശാഖം 1/4, അനിഴം, തൃക്കേട്ട

വൃശ്ചികം രാശിക്കാര്‍ വളരെ അഭിലാഷങ്ങള്‍ ഉള്ളവരും തീവ്ര സ്വഭാവികളും ആണെങ്കിലും അവരുടെ തീവ്രവികാരങ്ങള്‍ വിശ്വാസക്കുറവിനും പൊസസ്സീവ്‌നെസ്സിനും കാരണമാകും. വഞ്ചിക്കപ്പെടുമെന്ന ചിന്ത കാരണം പലപ്പോഴും ഇവര്‍ക്ക് ബന്ധങ്ങളില്‍ വൈകാരിക അടുപ്പത്തിന് സാധിക്കാറില്ല.

മകരം

ഉത്രാടം 3/4, തിരുവോണം, അവിട്ടം 1/2

മകരം രാശിക്കാര്‍ ബന്ധങ്ങള്‍ക്ക് വേണ്ടത്ര സമയമോ ശ്രദ്ധയോ നല്‍കാറില്ല. അവര്‍ എപ്പോഴും അവരുടെ ജോലിക്കും ലക്ഷ്യങ്ങള്‍ക്കുമാണ് മുന്‍ഗണന നല്‍കുക. പ്രായോഗികതയ്ക്കും യാഥാര്‍ത്ഥ്യബോധത്തിനും വില കല്‍പ്പിക്കുന്ന ഇവര്‍ പ്രണയബന്ധങ്ങളിലും സാഹചര്യങ്ങളിലും തീര്‍ത്തും അപരിചതരെ പോലെ പെരുമാറും.

കന്നി

ഉത്രം 3/4, അത്തം, ചിത്ര 1/2

ബന്ധങ്ങളില്‍ പോലും പൂര്‍ണ്ണത തിരയുന്ന കന്നി രാശിയില്‍ ജനിച്ചവര്‍ യോജിച്ച പങ്കാളിയെ കണ്ടെത്താന്‍ ഏറെ പ്രയാസപ്പെടും. അവരുടെ വിമര്‍ശനാത്മക സ്വഭാവവും വലിയ പ്രതീക്ഷകളും കാരണം ബന്ധത്തില്‍ ആശയവിനിമയം സുതാര്യമാകില്ല. അത് പ്രിതസന്ധികള്‍ സൃഷ്ടിക്കും.ഈ രാശിയുടെ സൂക്ഷ്മമായ സ്വഭാവം പലപ്പോഴും അവരുടെ പ്രണയബന്ധങ്ങളെ സ്വാധീനിക്കുന്നു. വിശദാംശങ്ങളിലേക്കുള്ള അവരുടെ ശ്രദ്ധ, പല മേഖലകളിലും പ്രയോജനകരമാണെങ്കിലും, ചിലപ്പോള്‍ പ്രണയത്തില്‍ വെല്ലുവിളികള്‍ സൃഷ്ടിച്ചേക്കാം. ഈ പെര്‍ഫെക്ഷനിസം ഉയര്‍ന്ന പ്രതീക്ഷകളിലേക്ക് നയിച്ചേക്കാം, ഇത് പങ്കാളികള്‍ക്ക് അവരുടെ മാനദണ്ഡങ്ങള്‍ പാലിക്കുന്നത് ബുദ്ധിമുട്ടാക്കുന്നു. കന്നിരാശിക്കാര്‍ അവരുടെ വിശകലന മനസ്സിന് പേരുകേട്ടവരാണ്. ബന്ധങ്ങളില്‍ അനാവശ്യ സമ്മര്‍ദ്ദത്തിന് കാരണമാകുന്ന സാഹചര്യങ്ങളില്‍ അവര്‍ അമിതമായി ചിന്തിക്കുന്നു. എല്ലാ വിശദാംശങ്ങളും വിഭജിക്കുന്ന ഈ ശീലം പ്രണയത്തിന്റെ സ്വാഭാവിക ഒഴുക്കിനെ തടസ്സപ്പെടുത്തുകയും തെറ്റിദ്ധാരണകളിലേക്ക് നയിക്കുകയും ചെയ്യും.

ധനു

മൂലം, പൂരാടം, ഉത്രാടം 1/4

ധനു രാശിക്കാര്‍ സാഹസികതയും സ്വാതന്ത്ര്യവും ഇഷ്ടപ്പെടുന്നവര്‍ ആണ്. അതിനാല്‍ ബന്ധങ്ങള്‍ ഇവര്‍ ബാധ്യതയായി കരുതുന്നു. വളരെ ഊര്‍ജസ്വലരാണെങ്കിലും ചിലപ്പോള്‍ ഇവര്‍ ആളുകളോട് അപമര്യാദയായി പെരുമാറാറുണ്ട്.