മുന്‍ കാമുകിയെ/ കാമുകനെ മറക്കാനാകുന്നില്ലേ? റബേക്ക സിന്‍ഡ്രോം നിങ്ങളെ പിടികൂടി

Rebecca Syndrome: ഒരു ബന്ധത്തിലേര്‍പ്പെട്ട ശേഷം പങ്കാളിയില്‍ നിന്ന് വേര്‍പിരിയുന്നത് പലര്‍ക്കും വളരെ ബുദ്ധിമുട്ടാണ്. എന്നാല്‍ ചില കാരണങ്ങളാല്‍, പങ്കാളികള്‍ വേര്‍പിരിയുന്നുവെങ്കിലും പങ്കാളിയെ അവരുടെ ഹൃദയത്തില്‍ നിന്നും മനസ്സില്‍ നിന്നും പുറത്താക്കാന്‍ കഴിയില്ല. നമ്മള്‍ ഇഷ്ടപ്പെട്ട് കൂടെ ജീവിച്ച ഒരാളുമായി പെട്ടെന്ന് പിരിയുമ്പോള്‍ നമുക്ക് അവരെ എളുപ്പത്തില്‍ മറക്കാന്‍ കഴിയില്ല. ചില ആളുകള്‍ ഉടന്‍ തന്നെ പുതിയ ബന്ധങ്ങളില്‍ ഏര്‍പ്പെടുന്നു. എന്നാല്‍ അപ്പോഴും നിങ്ങളുടെ മുന്‍ പങ്കാളിയെക്കുറിച്ചുള്ള ഓര്‍മ്മകള്‍ നിങ്ങളെ അലട്ടിക്കൊണ്ടിരിക്കുന്നു. അവരുടെ വിവരങ്ങള്‍ അറിയാന്‍ നിങ്ങള്‍ വ്യഗ്രത കൊള്ളുന്നു. വേര്‍പിരിഞ്ഞ ശേഷം അവരുടെ ജീവിതം എങ്ങനെയാണെന്ന് അറിയാന്‍ നിങ്ങള്‍ ഓരോ നിമിഷവും ആഗ്രഹിക്കുന്നു.

പലരും തങ്ങളുടെ മുന്‍ പങ്കാളിയെ സോഷ്യല്‍ മീഡിയയില്‍ ഫോളോ ചെയ്യാന്‍ തുടങ്ങുന്നു. സോഷ്യല്‍ മീഡിയയിലെ അവരുടെ പ്രവര്‍ത്തനങ്ങളും ഫോട്ടോകളും മറ്റ് കാര്യങ്ങളും നിരീക്ഷിക്കാന്‍ തുടങ്ങുന്നു. നിങ്ങളും മുന്‍ കാമുകനെ/ കാമുകിയെ ഇത്തരത്തില്‍ പിന്തുടരുന്ന ഒരാളാണെങ്കില്‍ അല്‍പം ഒന്ന് ശ്രദ്ധിക്കുക, കാരണം നിങ്ങള്‍ റെബേക്ക സിന്‍ഡ്രോം എന്ന അസുഖത്തിന്റെ ഇരയാണ്!

നിങ്ങളുടെ പങ്കാളിയില്‍ നിന്ന് വേര്‍പിരിഞ്ഞിട്ടും അവരെ മറക്കാന്‍ നിങ്ങള്‍ക്ക് കഴിയുന്നില്ലെങ്കില്‍, അത് നിങ്ങളുടെ ശാരീരിക, മാനസിക ആരോഗ്യത്തിന് നല്ലതല്ല. ഇതൊരു രോഗമാണ്, അതിന്റെ പേരാണ് റെബേക്ക സിന്‍ഡ്രോം. ഒരു വ്യക്തി തന്റെ മുന്‍ പങ്കാളിയെ ആവര്‍ത്തിച്ച് പിന്തുടരുമ്പോള്‍, ആ വ്യക്തി റബേക്ക സിന്‍ഡ്രോം രോഗത്തിന് ഇരയാകുമെന്ന് ഗവേഷണങ്ങള്‍ തെളിയിച്ചിട്ടുണ്ട്.

എന്താണ് റെബേക്ക സിന്‍ഡ്രോം?

ഒരു വ്യക്തി തന്റെ മുന്‍ കാമുകനെ/ കാമുകിയെക്കുറിച്ച് ആവര്‍ത്തിച്ച് ചിന്തിച്ച് അസൂയയോ ദേഷ്യമോ തോന്നുന്ന ഒരു രോഗമാണ് റെബേക്ക സിന്‍ഡ്രോം. ഡാഫ്നെ ഡു മൗറിയറുടെ ക്ലാസിക് നോവലായ റെബേക്കയില്‍ നിന്നാണ് ഈ പദം ഉരുത്തിരിഞ്ഞതെന്ന് വിശ്വസിക്കപ്പെടുന്നു, വിധവയായ ഒരു സ്ത്രീ മറ്റൊരു പുരുഷനെ വിവാഹം കഴിക്കുകയും അവളുടെ ആദ്യ ഭര്‍ത്താവിന്റെ ഓര്‍മ്മകളില്‍ ജീവിക്കുകയും ചെയ്യുന്ന കഥയാണിത്.

അസൂയ മൂലമാണ് ഈ പ്രശ്‌നം ഉണ്ടാകുന്നത്

ഈ അവസ്ഥ പ്രധാനമായും ഉണ്ടാകുന്നത് അസുഖ ബാധിതനായ വ്യക്തിയുടെ അസൂയയും പങ്കാളിയോടുള്ള അഭിനിവേശവുമാണ്. ഇതില്‍, ആളുകള്‍ അവരുടെ മുന്‍ പങ്കാളിയുടെ ഓര്‍മ്മകളില്‍ അകപ്പെടുന്നു. റെബേക്ക സിന്‍ഡ്രോം നിങ്ങളുടെ ജീവിതത്തില്‍ ദോഷകരമായ പ്രത്യാഘാതങ്ങള്‍ ഉണ്ടാക്കും.

റബേക്ക സിന്‍ഡ്രോം ബാധിച്ചവര്‍ അവരുടെ ഭൂതകാലത്തില്‍ ജീവിക്കാന്‍ തുടങ്ങുന്നു. അതിന്റെ ഫലമായി റെബേക്ക സിന്‍ഡ്രോമിന് ഇരയാകാന്‍ തുടങ്ങുന്നു. നിങ്ങള്‍ക്ക് റെബേക്ക സിന്‍ഡ്രോം ഉണ്ടെന്ന് നിങ്ങള്‍ കരുതുന്നുവെങ്കില്‍ നിങ്ങള്‍ എന്തുചെയ്യണം? അത്തരമൊരു സാഹചര്യത്തില്‍ ഭൂതകാലത്തില്‍ നിന്ന് അകന്നു നില്‍ക്കാന്‍ നിങ്ങള്‍ പരമാവധി ശ്രമിക്കണമെന്നാണ് വിദഗ്ധര്‍ പറയുന്നത്. നിങ്ങളുടെ ഭൂതകാലം നിങ്ങള്‍ മറക്കുക.

നിങ്ങളുടെ ഭൂതകാലം നിങ്ങളുടെ നിലവിലെ ബന്ധത്തെ നശിപ്പിക്കുകയും നിങ്ങളുടെ മാനസികാരോഗ്യത്തെ പ്രതികൂലമായി ബാധിക്കുകയും ചെയ്യുന്നു. സംസാരവും ആളുകളോടുള്ള ഇടപഴകലും നിങ്ങളുടെ മിക്ക പ്രശ്‌നങ്ങളും പരിഹരിക്കുന്നു. അത്തരമൊരു സാഹചര്യത്തില്‍, നിങ്ങളുടെ ഫോണില്‍ നിന്നും സോഷ്യല്‍ മീഡിയയില്‍ നിന്നും നിങ്ങള്‍ കുറച്ചുകാലം വിട്ടുനില്‍ക്കുക.

റെബേക്ക സിന്‍ഡ്രോം തടയുന്നതിനുള്ള ചില വഴികള്‍

ഒരു ബന്ധത്തിനുള്ളില്‍ വിശ്വാസം വളര്‍ത്തിയെടുക്കുകയും അത് നിലനിര്‍ത്തുകയും ചെയ്യേണ്ടത് പ്രധാനമാണ്. ഇരു പങ്കാളികളും പരസ്പരം വിശ്വസിക്കാനും ശ്രമിക്കണം. സഹാനുഭൂതി ശീലം വളര്‍ത്തുകയും പരസ്പരം കാഴ്ചപ്പാടുകളും വികാരങ്ങളും മനസ്സിലാക്കുകയും ചെയ്യുന്നത് കൂടുതല്‍ നല്ല അന്തരീക്ഷം വളര്‍ത്തിയെടുക്കും. ഇത് ദമ്പതികള്‍ക്കിടയിലുള്ള പ്രശ്‌നങ്ങള്‍ കുറയ്ക്കും.

* നിങ്ങളുടെ പങ്കാളിയുടെ ഭൂതകാലം അവരുടെ ഭാഗമാണെന്ന് മനസ്സിലാക്കുക. അവര്‍ നിങ്ങളെ ഇപ്പോള്‍ സ്‌നേഹിക്കുന്നില്ല എന്ന് മനസിലാക്കുക.
* നിങ്ങള്‍ നിങ്ങളുടെ പങ്കാളിയെ നിരന്തരം സംശയിക്കുന്നുണ്ടെങ്കില്‍, അത് ബന്ധത്തില്‍ പിരിമുറുക്കം സൃഷ്ടിക്കും.
* നിങ്ങളുടെ വികാരങ്ങളെക്കുറിച്ച് ഇപ്പോഴുള്ള പങ്കാളിയോട് സംസാരിക്കുകയും നിങ്ങള്‍ക്ക് എങ്ങനെ തോന്നുന്നുവെന്ന് അവരെ അറിയിക്കുകയും ചെയ്യുക.
* റെബേക്ക സിന്‍ഡ്രോം സ്വയം കൈകാര്യം ചെയ്യാന്‍ നിങ്ങള്‍ പാടുപെടുന്നുണ്ടെങ്കില്‍, ഒരു തെറാപ്പിസ്റ്റുമായോ കൗണ്‍സിലറുമായോ സംസാരിക്കുക.