30ന് ശേഷം വിവാഹമോ? നല്ലപ്രായത്തില്‍ വിവാഹം കഴിച്ചില്ലെങ്കില്‍ സ്ത്രീകള്‍ നേരിടുന്ന പ്രശ്‌നങ്ങള്‍

Relationship Tips: വിവാഹം എന്നത് എല്ലാവരുടെയും വ്യക്തിപരമായ തീരുമാനമാണ്. എന്നാല്‍ നമ്മുടെ സമൂഹത്തില്‍ ഒരു നിശ്ചിത പ്രായത്തിന് ശേഷം എല്ലാവരിലും വിവാഹത്തിന്റെ സമ്മര്‍ദ്ദം വര്‍ദ്ധിക്കാന്‍ തുടങ്ങുന്നു. ബന്ധുക്കളോ സുഹൃത്തുക്കളോ കുടുംബാംഗങ്ങളോ പോലും വിവാഹത്തിനായി സമ്മര്‍ദ്ദത്തിലാക്കാന്‍ തുടങ്ങുന്നു. പ്രായപൂര്‍ത്തിയാകുമ്പോള്‍ തന്നെ വിവാഹം കഴിക്കുന്ന ധാരാളം സ്ത്രീകള്‍ ഉണ്ട്. അതുപോലെ തന്നെ 30 കഴിഞ്ഞ ശേഷം മാത്രം വിവാഹം എന്ന ചിന്തയും ഇന്ന് നമ്മുടെ സമൂഹത്തില്‍ കൂടുതലാണ്.

ഇന്ത്യയിലെ പെണ്‍കുട്ടികളെക്കുറിച്ച് നമ്മള്‍ സംസാരിക്കുകയാണെങ്കില്‍, മുന്‍കാലങ്ങളില്‍ പെണ്‍കുട്ടികള്‍ വളരെ ചെറുപ്പത്തില്‍ തന്നെ വിവാഹിതരായിരുന്നു. എന്നാല്‍ ഇപ്പോള്‍ അങ്ങനെയല്ല. ഇന്ന് പഠനവും ജോലിയുമെല്ലാം ഇഷ്ടപ്പെടുന്നത് കാരണം പെണ്‍കുട്ടികള്‍ വൈകി വിവാഹം കഴിക്കാനാണ് ഇഷ്ടപ്പെടുന്നത്. അത്തരത്തില്‍, വൈകി വിവാഹിതരാകുമ്പോള്‍ സ്ത്രീകള്‍ അഭിമുഖീകരിക്കേണ്ടി വരുന്ന ചില പ്രശ്നങ്ങളെക്കുറിച്ചാണ് ഞങ്ങള്‍ നിങ്ങളോട് പറയാന്‍ പോകുന്നത്. ചിലപ്പോള്‍ വൈകി വിവാഹം കഴിക്കുന്നത് മൂലം സ്ത്രീകള്‍ക്ക് പല പ്രശ്‌നങ്ങളും നേരിടേണ്ടി വന്നേക്കാം. അത്തരം ചില പ്രശ്‌നങ്ങള്‍ എന്തൊക്കെയാണെന്ന് നമുക്ക് നോക്കാം.(problems of late marriage for women)

പങ്കാളിയുമായി പൊരുത്തപ്പെടാന്‍ പ്രയാസം

ചെറുപ്രായത്തില്‍ തന്നെ വിവാഹം കഴിക്കുന്ന സ്ത്രീകളുടെ ഒരു നേട്ടം എന്തെന്നാല്‍ അവരുടെ പങ്കാളിയുമായി പൊരുത്തപ്പെടാന്‍ അവര്‍ക്ക് കൂടുതല്‍ സമയം ലഭിക്കുന്നു എന്നതാണ്. എന്നാല്‍ നിങ്ങള്‍ വൈകിയാണ് വിവാഹം കഴിക്കുന്നതെങ്കില്‍ വിവാഹം കഴിഞ്ഞാല്‍ നിങ്ങളുടെ ഭര്‍ത്താവിന്റെ ഇഷ്ടങ്ങളും അനിഷ്ടങ്ങളും ആവശ്യങ്ങളും നിറവേറ്റാന്‍ നിങ്ങള്‍ക്ക് കുറച്ച് ബുദ്ധിമുട്ടായിരിക്കും. ഇത് നിങ്ങളുടെ ബന്ധത്തില്‍ പല വിയോജിപ്പിലേക്കും നയിക്കുന്നു.

ഭാരിച്ച ഉത്തരവാദിത്തങ്ങള്‍

പെണ്‍കുട്ടികള്‍ക്ക് പല തരത്തിലുള്ള ഹോബികളുണ്ടാകും. എന്നാല്‍ പ്രായം കൂടുന്തോറും ഉത്സാഹം കുറയാന്‍ തുടങ്ങുന്നു. ഇതുമൂലം സ്ത്രീകള്‍ ഒരു നിശ്ചിത പ്രായത്തില്‍ എത്തുമ്പോള്‍, അവരുടെ ശ്രദ്ധ അവര്‍ക്ക് ഇഷ്ടപ്പെട്ട കാര്യങ്ങളിലായിരിക്കില്ല. ഉത്തരവാദിത്തങ്ങള്‍ അവരെ വലയം ചെയ്യുന്നു. അതില്‍ ഏറ്റവും കൂടുതലുള്ളത് വിവാഹം കഴിക്കാനുള്ള സമ്മര്‍ദ്ദമായിരിക്കും. നിങ്ങളുടെ ചുറ്റുപാടുകളില്‍ നിന്നുള്ള അത്തരം സമ്മര്‍ദ്ദം നിങ്ങള്‍ക്ക് പല പ്രശ്‌നങ്ങളും നല്‍കുന്നു.

ഗര്‍ഭാവസ്ഥയില്‍ ബുദ്ധിമുട്ട്

പ്രായം കൂടുന്തോറും സ്ത്രീകളുടെ പ്രത്യുത്പാദനശേഷി കുറയുന്നു. പ്രായക്കൂടുതല്‍ കാരണം ആരോഗ്യമുള്ള കുഞ്ഞിന് ജന്മം നല്‍കുന്നതില്‍ സ്ത്രീകള്‍ക്കും പുരുഷന്മാര്‍ക്കും നിരവധി പ്രശ്നങ്ങള്‍ നേരിടേണ്ടിവരുമെന്ന് ഒരു പഠനം പറയുന്നു. പ്രായം കൂടുന്നതിനനുസരിച്ച് സ്ത്രീകള്‍ ഗര്‍ഭം ധരിക്കാന്‍ കൂടുതല്‍ സമയമെടുക്കുകയും ഗര്‍ഭം അലസലിനും പ്രസവത്തില്‍ ബുദ്ധിമുട്ടുകള്‍ നേരിടുന്നതിനും സാധ്യത ഏറുന്നു. പ്രായമായ മാതാപിതാക്കള്‍ക്ക് ജനിക്കുന്ന കുട്ടികള്‍ക്ക് ഡൗണ്‍ സിന്‍ഡ്രോം (മാനസികവും ശാരീരികവുമായ തകരാറുകള്‍), മറ്റ് ശാരീരിക പ്രശ്‌നങ്ങള്‍ എന്നിവ ഉണ്ടാകാനുള്ള സാധ്യതയും കൂടുതലാണ്.

അനുയോജ്യ പങ്കാളിയെ കിട്ടാതെവരുന്നു

സ്ത്രീകളായാലും പുരുഷന്മാരായാലും, പ്രായം കൂടുന്നതിനനുസരിച്ച് നല്ലൊരു പങ്കാളിയെ തിരഞ്ഞെടുക്കാനുള്ള സാധ്യതയും കുറയുന്നു. കൃത്യസമയത്ത് വിവാഹം കഴിക്കാത്തതിനാല്‍ പ്രായം കൂടുമ്പോള്‍ ചിലപ്പോള്‍ വീട്ടുകാരുടെ നിര്‍ബന്ധം കാരണം പെണ്‍കുട്ടികള്‍ ചിന്തിക്കാതെ വിവാഹം കഴിക്കുന്നു. ഇത് മൂലം പിന്നീട് ഭര്‍ത്താക്കന്മാരുമായി പൊരുത്തപ്പെടുന്നതില്‍ ഒരുപാട് പ്രശ്‌നങ്ങള്‍ നേരിടേണ്ടിവരുന്നു. ബന്ധത്തില്‍ പരസ്പര ധാരണയുണ്ടാവില്ല. ഇരുവരുടെയും ചിന്തകള്‍ വ്യത്യസ്തമായിരിക്കും. അത് നിങ്ങളുടെ ബന്ധത്തില്‍ വിയോജിപ്പുകളും സൃഷ്ടിക്കുന്നു.

ശാരീരിക അടുപ്പത്തിന്റെ അഭാവം

വൈകിയുള്ള വിവാഹം ദമ്പതികളുടെ ലൈംഗിക ജീവിതത്തെയും പ്രതികൂലമായി ബാധിക്കുന്നു. ചെറുപ്പത്തില്‍ വിവാഹം കഴിക്കുന്ന ദമ്പതികളില്‍ ഉത്സാഹം വളരെ കൂടുതലായിരിക്കും. അവരുടെ ചെറുപ്പം കാരണം, ഒരു കുട്ടി ഉണ്ടാകുന്നത് സംബന്ധിച്ച് തുടക്കത്തില്‍ അവര്‍ക്ക് അത്ര സമ്മര്‍ദ്ദം നേരിടേണ്ടിവരില്ല. എന്നാല്‍ വൈകി വിവാഹം കഴിക്കുന്ന ആളുകള്‍ക്ക് കുട്ടികളുണ്ടാകുന്നത് സംബന്ധിച്ച് സമ്മര്‍ദ്ദം ഏറുന്നു. അതിനാല്‍ ദാമ്പത്യ ജീവിതം പൂര്‍ണമായും ആസ്വദിക്കാന്‍ സമയം ലഭിച്ചെന്നുവരില്ല. പ്രായമാകുമ്പോള്‍, മിക്ക സ്ത്രീകളും ശാരീരിക അടുപ്പത്തില്‍ താല്‍പ്പര്യം കാണിക്കുന്നില്ല. ഇതുമൂലം ഭാര്യാഭര്‍ത്താക്കന്മാര്‍ തമ്മിലുള്ള വഴക്കുകളും വര്‍ധിക്കുന്നു. പ്രായം കൂടുന്നതിനനുസരിച്ച് പുരുഷന്മാരില്‍ ടെസ്റ്റോസ്റ്റിറോണ്‍ അളവ് കുറയാന്‍ തുടങ്ങുന്നു, മാത്രമല്ല അവര്‍ക്ക് അടുപ്പത്തിലുള്ള താല്‍പ്പര്യം നഷ്ടപ്പെടാനും തുടങ്ങുന്നു.

വന്ധ്യതയ്ക്കുള്ള സാധ്യത വര്‍ദ്ധിക്കുന്നു

ഏകദേശം 30 വയസ്സാകുമ്പോള്‍ സ്ത്രീകളില്‍ പ്രത്യുല്‍പാദനക്ഷമത കുറയാന്‍ തുടങ്ങുന്നു. 35 വയസ്സിനു ശേഷം, ഇത് അതിവേഗം കുറയാന്‍ തുടങ്ങുന്നു. ഒരു സ്ത്രീയുടെ പ്രായം കൂടുന്നതിനനുസരിച്ച് ഗര്‍ഭധാരണത്തിനുള്ള സാധ്യത കുറയുകയും വന്ധ്യതയ്ക്കുള്ള സാധ്യത വര്‍ദ്ധിക്കുകയും ചെയ്യുന്നു.