ബെഡ്‌റൂമിലെ ആ ചുവന്ന കാര്‍ഡുകള്‍

സെക്‌സിന്

പല സ്ത്രീകളും കരുതുന്നത് സെക്‌സിന് മുന്‍കയ്യെടുക്കേണ്ടതും സെക്‌സിന്റെ ഉത്തരവാദിത്വവുമെല്ലാം പുരുഷന്റേതാണെന്നാണ്. യാതൊരു വികാരങ്ങളുമില്ലാതെ മരത്തടി പോലെ പുരുഷന്റെ താല്‍പര്യങ്ങള്‍ക്കു വഴങ്ങിക്കൊടുക്കുന്ന സ്ത്രീകളുമുണ്ട്. ഇത്തരം സ്വഭാവം പല സ്ത്രീകള്‍ക്കും പൊതുവേയുള്ളതാണ്. പുരുഷനെ വെറുപ്പിയ്ക്കുന്ന ഒരു ശീലമാണിത്. സെക്‌സില്‍ ഇരു പങ്കാളികള്‍ക്കും തുല്യ പങ്കാളിത്തം ആവശ്യമാണ്. സ്ത്രീയുടെ ഭാഗത്തു നിന്നുള്ള പൊസറ്റീവായ സമീപനം പുരുഷനും ആഗ്രഹിയ്ക്കും.

പുരുഷന്മാരും

സ്ത്രീ പൊതുവേ സെക്‌സില്‍ ലാളനകള്‍ ആഗ്രഹിയ്ക്കുന്നവരാണ്. എന്നാല്‍ തിരികെ ഇത് ഇവരില്‍ നിന്നും ചിലപ്പോള്‍ പുരുഷനു ലഭിച്ചുവെന്നു വരില്ല. പുരുഷന്മാരും സ്ത്രീകളില്‍ നിന്നും ലാളനകളും തലോടലുകളുമെല്ലാം താല്‍പര്യപ്പെടുന്ന കൂട്ടര്‍ തന്നെയാണ്. ഇതില്ലാതാകുന്നത് അവര്‍ക്കും കിടക്കയില്‍ വിരക്തിയുണ്ടാക്കുന്ന ഒന്നുമാണ്.

തങ്ങളുടെ ശരീര സൗന്ദര്യത്തെക്കുറിച്ച്

തങ്ങളുടെ ശരീര സൗന്ദര്യത്തെക്കുറിച്ച് കൂടുതല്‍ അറിയാന്‍ താല്‍പര്യപ്പെടുന്നവരാണ് സ്ത്രീകള്‍. കിടപ്പറയിലും സെക്‌സിനിടയിലുമെല്ലാം ഇക്കാര്യത്തില്‍ പുരുഷന്റെ അഭിപ്രായം, അതായത് തടി കൂടിയോ, പ്രായം തോന്നിയ്ക്കുന്നുവോ തുടങ്ങിയ കാര്യങ്ങളില്‍ അഭിപ്രായം തേടുന്ന സ്ത്രീകളുണ്ട്. സെക്‌സിനിടയില്‍ ഇത്തരം കാര്യങ്ങള്‍ ചോദിയ്ക്കുന്നത് പൊതുവേ പുരുഷന്മാര്‍ക്കിഷ്ടപ്പെടുകയില്ല.

പുരുഷനു മുന്‍പില്‍ നിയമങ്ങളും നിയന്ത്രണങ്ങളും

ചിലര്‍ സെക്‌സില്‍ പുരുഷനു മുന്‍പില്‍ നിയമങ്ങളും നിയന്ത്രണങ്ങളും കല്‍പ്പിയ്ക്കും. സ്വന്തം താല്‍പര്യങ്ങളും താല്‍പര്യക്കേടുകളും തുറന്നു പറയുന്നത് മോശമായ കാര്യമല്ല. എന്നാല്‍ ഇത് അധികാര രീതിയിലോ പുരുഷന് സെക്‌സെന്നാല്‍ തങ്ങള്‍ ചെയ്തു കൊടുക്കുന്ന ഒരു സൗജന്യമെന്ന രീതിയിലോ അരുത്. ഇത് കിടപ്പറ സുഖം നശിപ്പിയ്ക്കുന്ന ഒന്നാണ്.

സമയം

ചിലര്‍ സെക്‌സിനിടയിലും സമയത്തെ കുറിച്ച് ആശങ്കപ്പെടുന്നവരാണ്. പ്രത്യേകിച്ചം സ്ത്രീകള്‍. സമയം വൈകി, നേരം പോയി തുടങ്ങിയ രീതിയിലെ മട്ടുകളും സംസാരങ്ങളും സെക്‌സ് ജീവിതത്തിന്റെ സുഖം കളയുന്ന ഒന്നാണ്.

കാര്യസാധ്യത്തിനു വേണ്ടിയുള്ള വേളയായി

കാര്യസാധ്യത്തിനു വേണ്ടിയുള്ള വേളയായി സെക്‌സിനെ ഉപയോഗപ്പെടുത്തുന്നവരുണ്ട്. ഇൗ സമയം തങ്ങളുടെ ആവശ്യങ്ങള്‍ അറിയിക്കാനും നടത്തിയെടുക്കാനുമായി ശ്രമിയ്ക്കുന്ന സ്ത്രീ തന്ത്രം. ഇതു തിരിച്ചറിയാന്‍ പുരുഷന്മാര്‍ക്കറിയാം. ഇതും ഇവരെ പങ്കാളിയില്‍ നിന്നും അകലാന്‍ പ്രേരിപ്പിയ്ക്കും.തലയിണ മന്ത്രം എന്നൊക്കെ നാട്ടുഭാഷയില്‍ പറയാം. സെക്‌സിന് പുരുഷനെ അനുവദിച്ച് അവരില്‍ നിന്നും അതിന് കൂലി വാങ്ങുന്ന രീതിയിലായിപ്പോകും ഇത്.

പുരുഷനെ ഇടിച്ചുതാഴ്ത്തുന്ന വിധത്തിലുള്ള സ്ത്രീ സംസാരവും

പുരുഷനെ ഇടിച്ചുതാഴ്ത്തുന്ന വിധത്തിലുള്ള സ്ത്രീ സംസാരവും സെക്‌സില്‍ നിന്നും മുഖം തിരിയ്ക്കാന്‍, സ്ത്രീയോട് താല്‍പര്യക്കുറവുണ്ടാകാന്‍ കാരണമാകാറുണ്ട്. പ്രത്യേകിച്ചു പുരുഷന്റെ ശരീരത്തെക്കുറിച്ചും പ്രകടനത്തെക്കുറിച്ചുമുള്ള നെഗറ്റീവ് പരാമര്‍ശങ്ങള്‍. ഇവരുടെ ആത്മവിശ്വാസത്തിനേല്‍പ്പിയ്ക്കുന്ന വലിയ മുറിവായിരിയ്ക്കും ഇത്.

സെക്‌സിനിടെ മറ്റു കാര്യങ്ങള്‍

സെക്‌സിനിടെ മറ്റു കാര്യങ്ങള്‍ സംസാരിയ്ക്കുന്നതും സ്ത്രീയേക്കാള്‍ പുരുഷന്‍ വെറുക്കുന്ന ഒരു ശീലമാണ്. സാമ്പത്തികകാര്യങ്ങളും അയല്‍വക്ക വിശേഷങ്ങളും പറയാനുള്ള സമയമില്ലിതെന്നോര്‍ക്കുക. ഇത്തരം അന്യ കാര്യങ്ങള്‍ സെക്‌സിനിടയില്‍ സംസാരിയ്ക്കുന്നത് നല്ലതുമല്ല. ഇത് സെക്‌സിന്റെ സുഖം കളയും.