ബന്ധങ്ങള്‍ക്കടിസ്ഥാനം വിശ്വാസം മാത്രമല്ല

ഒന്നിച്ച് ഭക്ഷണം കഴിയ്ക്കുക

എപ്പോഴും കഴിഞ്ഞില്ലെങ്കിലും ഇടയ്ക്കിടക്കെങ്കിലും ഒരുമിച്ച് ഭക്ഷണം കഴിയ്ക്കുന്നത് ഏതൊരു ബന്ധത്തേയും മികച്ചതാക്കും. പുറത്ത് പോയി കഴിയ്ക്കുന്നതും അല്ലെങ്കില്‍ ഒരുമിച്ച് പാചകം ചെയ്യുന്നതും നല്ലതാണ്.

ഭാവി പരിപാടികള്‍ ആസൂത്രണം ചെയ്യുക

ഭാവി ജീവിതത്തെക്കുറിച്ച് പരസ്പരം തുറന്നു പറയുക. ഏകപക്ഷീയമായ തീരുമാനങ്ങള്‍ എടുക്കാതിരിക്കാന്‍ പ്രത്യേകം ശ്രദ്ധിക്കുക. പങ്കാളിയുടെ തീരുമാനങ്ങള്‍ക്കു കൂടി മുന്‍ഗണന നല്‍കുക.

ഭൂതകാലജീവിതത്തക്കുറിച്ച് തുറന്നു പറയുക

ഒരുമിച്ച് ജീവിയ്ക്കാന്‍ തുടങ്ങിയാല്‍ കഴിഞ്ഞ കാല ജീവിതത്തെക്കുറിച്ച് തുറന്നു പറയുക. എന്നാല്‍ ഇത്തരം തുറന്നു പറച്ചിലുകള്‍ ഒരിക്കലും ഭാവിയില്‍ പ്രശ്‌നങ്ങള്‍ സൃഷ്ടിക്കില്ലെന്ന് ഉറപ്പുണ്ടായിരിക്കണം.

സംശയങ്ങള്‍ തീര്‍ക്കുക

പങ്കാളിയ്ക്ക് എന്തെങ്കിലും സംശയങ്ങള്‍ ഉണ്ടെങ്കില്‍ അത് സാവധാനം ചോദിച്ച് മനസ്സിലാക്കുക. ഒരിക്കലും എടുത്തടിച്ച പോലെ സംസാരിക്കരുത്.

പരസ്പരാനുകമ്പ ഉണ്ടാവണം

പരസ്പരമുള്ള വിഷമങ്ങള്‍ പറഞ്ഞു തീര്‍ക്കാന്‍ കഴിയണം. ഒരിക്കലും ഒറ്റപ്പെട്ടു എന്ന തോന്നല്‍ ഇരുവര്‍ക്കും ഉണ്ടാവരുത്.

കലഹങ്ങള്‍ പരിഹരിക്കുക

കലഹങ്ങള്‍ ദാമ്പത്യ ജീവിതത്തില്‍ അനിവാര്യമാണ്. എന്നാല്‍ എത്ര വലിയ വഴക്കാണെങ്കിലും ഒരു ദിവസത്തില്‍ കൂടുതല്‍ അതിനെ കൊണ്ടു പോകരുത്. ഇത് പരിഹരിക്കാന്‍ ഇരു കൂട്ടരും പരസ്പരം മുന്‍കൈ എടുക്കണം.