വഴക്കിനു പിന്നിലെ പ്രധാന കാരണം ഇതായിരുന്നു

ഓഫീസ്, മീറ്റിംഗ്

പലപ്പോഴും വഴക്കിനു തുടക്കം കുറിയ്ക്കുന്നത് ഓഫീസും മീറ്റിംഗും ആയിരിയ്ക്കും. ഓഫീസിലെ ഏത് മീറ്റുംഗിനും താന്‍ കൂടെ ഉണ്ടായിരിക്കണം എന്ന ഭര്‍ത്താവിന്റെ പിടിവാശി പലപ്പോഴും വലിയ വഴക്കിനാണ് തിരി തെളിയ്ക്കുന്നത്.

അച്ഛനമ്മമാരുടെ അഭിപ്രായം

പലപ്പോഴും ഭര്‍ത്താവിന്റെ അമ്മയോ അച്ഛനോ തങ്ങളെപ്പറ്റി പറയുന്ന അഭിപ്രായ പ്രകടനവും വഴക്കിന്റെ പ്രധാന കാരണമാണ്. ഇതും കുടുംബ ജീവിതത്തിലെ താളപ്പിഴകള്‍ക്ക് വഴി തെളിയ്ക്കും.

ഭാര്യയുടെ തടി

വെറുതെ ഒരു രസത്തിനെങ്കിലും ഭാര്യയുടെ തടിയെക്കുറിച്ച് പറയുന്നത് പലപ്പോഴും വഴക്കിലാണ് കലാശിക്കുന്നത്. അതുകൊണ്ട് തന്നെ ഇത്തരം സംഭാഷണങ്ങള്‍ കഴിവതും ഒഴിവാക്കാന്‍ ശ്രമിക്കുക.

കണ്ണാടിയില്‍ നോക്കിയിട്ടുണ്ടോ?

സൗന്ദര്യത്തിന്റെ കാര്യത്തില്‍ എല്ലാവരും അല്‍പം ശ്രദ്ധാലുക്കളാണ്. എന്നാല്‍ ഭാര്യമാരുടെ അധികമായ ഒരുക്കം കാണുമ്പോള്‍ അത് പലപ്പോഴും ഭര്‍ത്താക്കന്‍മാരുടെ പ്രഷര്‍ കൂട്ടുന്നു. ഇതിന്റെ ഫലമായി അവര്‍ പറയുന്ന പല കാര്യങ്ങളും വഴക്കിന്റെ പാതയിലേക്കാണ് എത്തുന്നത്.

എന്തുകൊണ്ട് തിരിച്ചു വിളിച്ചില്ല

ഇന്നത്തെ കാലത്ത് ആശയവിനിമയത്തിന് പുതിയ പുതിയ മാര്‍ഗ്ഗങ്ങളാണ് ഓരോ ദിവസം ചെല്ലുന്തോറും ഉണ്ടായിക്കൊണ്ടിരിയ്ക്കുന്നത്. അതുകൊണ്ട് തന്നെയാണ് വഴക്കുകള്‍ വര്‍ദ്ധിക്കുന്നതും. ഇത്രയും തിരക്കുള്ള ജീവിതത്തിനിടയ്ക്ക് ഭാര്യയെ വിളിയ്ക്കാനോ സംസാരിക്കാനോ സമയം കിട്ടിയെന്നും വരില്ല. ഇതും പ്രശ്‌നങ്ങള്‍ക്ക് തുടക്കമിടും.

മാതാപിതാക്കളെ കുറ്റപ്പെടുത്തല്‍

പരസ്പരം തങ്ങളുടെ മാതാപിതാക്കളെ കുറ്റപ്പെടുത്തുന്നതും പലപ്പോഴും ഇത്തരം പ്രശ്‌നങ്ങള്‍ക്ക് കാരണമാകും. ഇത് ബന്ധങ്ങള്‍ക്കിടയിലുള്ള വിശ്വാസവും സ്‌നേഹവും ഇല്ലാതാക്കാന്‍ കാരണമാകുന്നു.

മിഥുനത്തിലെ ഉര്‍വ്വശി

വിവാഹത്തിനു മുന്‍പ് കാമുകന്‍ കാമുകിക്കെഴുതിയ എല്ലാ കാര്യങ്ങളും ഓര്‍മ്മയില്‍ വെച്ച് വിവാഹ ശേഷം അത് പോലെ ജീവിയ്ക്കണം എന്നായിരിക്കും എല്ലാ കാമുകിമാരുടേയും ആഗ്രഹം. എന്നാല്‍ വിവാഹ ശേഷം സാഹചര്യങ്ങള്‍ കാരണം ജീവിതം മാറിപ്പോകുന്നവര്‍ക്കിടയിലും ഇത്തരം പ്രശ്‌നങ്ങള്‍ ഉണ്ടാവാം. എന്നാല്‍ അതിലുപരി അന്നങ്ങനെ ചെയ്തു ഇന്ന് അതുപോലെ ഒന്നും ഇല്ല എന്ന് പരാതി പറയുന്നവരും കുറവല്ല.