വിവാഹമെന്നാല്‍ ലൈംഗികതയല്ല

ഉള്ളുതുറന്ന് സംസാരിക്കാം

ഇന്നത്തെ കാലത്ത് പലപ്പോഴും നഷ്ടമായിക്കൊണ്ടിരിക്കുന്ന ഒന്നാണ് ശരിയായ ആശയവിനിമയം. അതുകൊണ്ട് തന്നെ ബന്ധങ്ങളിലെ ഇഴയടുപ്പം കുറഞ്ഞു വരുകയാണ് ചെയ്യുന്നത് എന്നതാണ് സത്യം. അതുകൊണ്ട് തന്നെ കുടുംബത്തിനായി അല്‍പസമയം മാറ്റി വെച്ച് ഭാര്യയോടെ അല്ലെങ്കില്‍ ഭര്‍ത്താവിനോടോ അല്‍പ നേരം സംസാരിയ്ക്കാം.

ചുംബനം നല്‍കുക

ചിലപ്പോള്‍ നമുക്ക് പറയാനുള്ള പരാതികളും പരിഭവങ്ങളും എല്ലാം ഒരു സ്‌നേഹത്തില്‍ നമുക്ക് പ്രകടിപ്പിക്കാനാകും. രണ്ട് വ്യക്തികള്‍ തമ്മിലുള്ള ആത്മാര്‍ത്ഥ സ്‌നേഹത്തെയാണ് ചുംബനത്തിലൂടെ പ്രകടമാക്കുന്നത്. വാക്കുകള്‍ കൊണ്ട് പറഞ്ഞു തീര്‍ക്കാന്‍ പറ്റാത്ത സ്‌നേഹമാണ് ചുംബനത്തിലൂടെ കൈമാറ്റം ചെയ്യപ്പെടുന്നത്.

കെട്ടിപ്പുണര്‍ന്ന് കിടക്കാം

പരസ്പരം കെട്ടിപ്പുണര്‍ന്ന് കിടക്കുന്നത് ദമ്പതികള്‍ തമ്മിലുള്ള വിശ്വാസവും സ്‌നേഹവും വര്‍ദ്ധിപ്പിക്കുംയ മാത്രമല്ല ഇത് പരസ്പരം ആത്മവിശ്വാസമുണ്ടാക്കാനും സഹായിക്കും.

അഭിനന്ദിക്കുക

എന്ത് കാര്യമായാലും ചെയ്ത് കഴിഞ്ഞാല്‍ ലഭിയ്ക്കുന്ന അഭിനന്ദനവും ഇത്തരത്തില്‍ സ്‌നേഹബന്ധങ്ങളിലെ ഇഴയടുപ്പം വര്‍ദ്ധിപ്പിക്കുന്നു. ഇത് പരസ്പര വിശ്വാസവും വീണ്ടും ഉയരങ്ങളിലേക്ക് കുതിയ്ക്കാനുള്ള ആത്മവിശ്വാസവും നല്‍കുന്നു.

ഉറക്കം

പങ്കാളിയുടെ നെഞ്ചില്‍ തലവെച്ചുറങ്ങുന്നതിന്റെ സുഖം ഒരു തലയിണയ്ക്കും നല്‍കാന്‍ കഴിയില്ലെന്നതാണ് സത്യം. ഇത് എന്നും തന്നോടൊപ്പം ഇയാളുണ്ടാകും എന്ന വിശ്വാസം നമ്മളില്‍ വര്‍ദ്ധിപ്പിക്കുന്നു.