നവദമ്പതികള്‍ നേരിടേണ്ട ചോദ്യ പീഡനങ്ങള്‍!

എപ്പോഴാണ് ആ വിശേഷം?

എപ്പോഴാണ് ആ വിശേഷം അല്ലെങ്കില്‍ വാര്‍ത്ത എന്നത് മിക്ക ദമ്പതികളും ആദ്യം നേരിടുന്ന ചോദ്യമാണ്. വിശേഷം എന്നത് ജനിക്കാന്‍ പോകുന്ന കുഞ്ഞിനെക്കുറിച്ചാണ്. മിക്കവാറും കുടുംബത്തിലെ മുതിര്‍ന്നവരാകും ഈ ബുദ്ധിമുട്ടുണ്ടാക്കുന്ന ചോദ്യം ചോദിക്കുന്നത്.

പങ്കാളിയുടെ മാതാപിതാക്കളുമായും സഹോദരങ്ങളുമായും ബന്ധം എങ്ങനെ? -

അടുത്ത സുഹൃത്തുക്കളാവും ഈ ചോദ്യം ചോദിക്കുക. ചിലര്‍

ഇവരെ

അകറ്റി നിര്‍ത്താനുള്ള വഴികള്‍ ഉപദേശിക്കുക വരെ ചെയ്യും. തുറന്നു പറയുകയാണെങ്കില്‍ ദമ്പതികള്‍ കുടുംബത്തോടൊപ്പം കഴിയണോ വേണ്ടയോ എന്നത് അവരുടെ കാര്യമാണ്. അതില്‍ മറ്റുള്ളവര്‍ ഇടപെടേണ്ട കാര്യമില്ല.

ഹണിമൂണിന് പോകുന്നില്ലേ?

ജോലിത്തിരക്കുകളുള്ളതിനാല്‍ പല നവ ദമ്പതികളുടെയും മനസിലുള്ള അവസാനത്തെ കാര്യമായിരിക്കും ഹണിമൂണ്‍. ഹണിമൂണിന് പോകുന്നില്ലേ, എവിടെയാണ് പോകുന്നത്, എന്താണ് ചെയ്യുക എന്നൊന്നും ചോദിക്കുന്നത് ശരിയായ കാര്യമല്ല.

ഭര്‍ത്താവ് ജോലി ചെയ്യാന്‍ അനുവദിക്കുമോ?

വിവാഹം കഴിഞ്ഞാലുടന്‍ പലരും നേരിടേണ്ടി വരുന്ന ഒരു ചോദ്യമാണിത്. ഇക്കാര്യം ഭാര്യയും ഭര്‍ത്താവും തമ്മില്‍ ആലോചിച്ച് തീരുമാനിക്കേണ്ടതാണ്. നിങ്ങള്‍ അതില്‍ ഇടപെടേണ്ടതില്ല.

പാചകം അറിയാമോ?

പുരുഷന്‍റെ മനസിലേക്കുള്ള വഴി വയറ്റിലൂടെയാണ് എന്നാണ് ചൊല്ല്. ഭര്‍ത്താവിന് ഭക്ഷണം തയ്യാറാക്കി നല്കേണ്ടത് ഭാര്യയുടെ കടമയുമാണ്. ന്യായമാണെങ്കിലും പലര്‍ക്കും ഈ ചോദ്യം ഒരു ശല്യമായി തോന്നാം.

ലൈംഗിക ജീവിതം എങ്ങനെ?

കിടപ്പറയുടെ നാല് ചുവരുകള്‍ക്കുള്ളില്‍ സംഭവിക്കുന്ന ആ കാര്യം ഭാര്യക്കും ഭര്‍ത്താവിനും മാത്രം ഇടയിലുള്ളതാണ്. ഇക്കാര്യത്തെക്കുറിച്ച് മറ്റുള്ളവര്‍ ചോദിക്കുന്നത് ഒരിക്കലും അനുയോജ്യമല്ല.