ദാമ്പത്യത്തില്‍ ലൈംഗിക താളപ്പിഴകളോ??

സ്‌ട്രെസ്

സ്‌ട്രെസ് പലപ്പോഴും ഒരു വില്ലനാകാറുണ്ട്. ഇത് മാനസിക, ശാരീരിക പ്രശ്‌നങ്ങള്‍ക്ക് ഒരു കാരണമാകും. ഇവ ലൈംഗിക ജീവിതത്തെ ബാധിയ്ക്കുകയും ചെയ്യും.

ഉറക്കക്കുറവ്

ഉറക്കക്കുറവ് സെക്‌സ് ജീവിതം താറുമാറാക്കുന്ന മറ്റൊരു വില്ലനാണ്. ലൈംഗികശേഷിയേയും താല്‍പര്യത്തെയും ബാധിയ്ക്കുന്ന ഹോര്‍മോണ്‍ പ്രശ്‌നങ്ങള്‍ക്ക് ഇത് കാരണമാകും.

വഴക്ക്

പങ്കാളികള്‍ തമ്മിലുള്ള വഴക്ക് ആരോഗ്യകരമായ ലൈംഗികജീവിതത്തിന് പലപ്പോഴും തടസമാകാറുണ്ട്. ഇത് സൃഷ്ടിയ്ക്കുന്ന മാനസിക അകല്‍ച്ച പല പങ്കാളികളേയും ബാധിയ്ക്കുന്നു.

സെക്‌സിന് നിര്‍ബന്ധിയ്ക്കുന്നത്‌

താല്‍പര്യമില്ലാത്ത സമയത്ത്, പ്രത്യേകിച്ചു സ്ത്രീകള്‍ക്ക് മാസമുറ പോലുള്ള സന്ദര്‍ഭങ്ങളില്‍ സെക്‌സിന് നിര്‍ബന്ധിയ്ക്കുന്നതും ലൈംഗിക ജീവിതത്തിലെ താളപ്പിഴകള്‍ക്കു കാരണമായേക്കും.

മരുന്ന്‌

നിങ്ങള്‍ കഴിയ്ക്കുന്ന ചിലതരം മരുന്നുകളും ലൈംഗിക താല്‍പര്യ, ശേഷിക്കുറവുകള്‍ക്കുള്ള കാരണമായേക്കാം.

സ്വകാര്യതക്കുറവ്

ദാമ്പ്യത്തിലുള്ള സ്വകാര്യതക്കുറവ് പലരുടേയും ലൈംഗികജീവിതത്തിന് തടസമാകാറുണ്ട്. പ്രത്യേകിച്ചു കുട്ടികളായ ശേഷം. കൂട്ടുകുടുംബത്തില്‍ ജീവിയ്ക്കുന്ന ചിലര്‍ക്കും ഇത്തരം പ്രശ്‌നങ്ങള്‍ സര്‍വസാധാരണമാണ്.

ഭക്ഷണങ്ങള്‍

ലൈംഗികശേഷിയും താല്‍പര്യവും കൂട്ടുകയും കുറയ്ക്കുകയും ചെയ്യുന്ന പല ഭക്ഷണങ്ങളുമുണ്ട്. ഹോര്‍മോണ്‍, രക്തപ്രവാഹം എന്നിവയിലൂടെയാണ് ഇവ ലൈംഗിക ജീവിതത്തെ സ്വാധീനിയ്ക്കുന്നത്.

ടെക്‌നോളജി

ദാമ്പത്യജീവിതത്തിലെ ലൈംഗികതാളപ്പിഴകള്‍ക്ക് ഒരു പരിധി വരെ ടെക്‌നോളജിയേയും പഴിയ്ക്കാം. പരസ്പരം ചെലവാക്കുന്നതിനേക്കാള്‍ ഫോണിലും നെറ്റിലുമെല്ലാം ചെലവഴിയ്ക്കുന്നവരാണ് കൂടുതല്‍. ഇത് ലൈംഗിക ജീവിതത്തേയും നാമറിയാതെ തന്നെ ബാധിയ്ക്കുന്നുണ്ട്.

പുകവലി, മദ്യപാന ശീലങ്ങള്‍

പുകവലി, മദ്യപാന ശീലങ്ങള്‍ ആരോഗ്യപരമായി ലൈംഗികതയെ തകര്‍ക്കുന്നവയാണ്. ഇവ സ്ത്രീയേയും പുരുഷനേയും ഒരുപോലെ ബാധിയ്ക്കുക തന്നെ ചെയ്യും.

അശ്ലീല ചിത്രങ്ങള്‍

അശ്ലീല ചിത്രങ്ങള്‍ കാണുന്നത് ദാമ്പത്യത്തിലെ സെക്‌സിനെ ബാധിയ്ക്കുന്ന മറ്റൊന്നാണ്. അശ്ലീല ചിത്രങ്ങള്‍ കാണുന്നത് അടിക്കടി ഡോപാമൈന്‍ ഹോര്‍മോണ്‍ ഉല്‍പാദനത്തിന് കാരണമാകും. പങ്കാളിയെ സമീപിയ്ക്കുമ്പോള്‍ വേണ്ടത്ര താല്‍പര്യം നിങ്ങള്‍ക്കുണ്ടാകാതിരിയ്ക്കുകയും ചെയ്യും.