കല്യാണപ്പെണ്ണേ, ഇതൊന്നും വേണ്ടാ.....

മുന്‍ കാമുകനെ ക്ഷണിക്കരുത്‌

എത്ര അടുപ്പം ഉണ്ടായിരുന്നുവെങ്കിലും നിങ്ങളുടെ വിവാഹത്തിന്‌ മുന്‍ കാമുകനെ ക്ഷണിക്കരുത്‌. ക്ഷണിക്കാതെ തന്നെ വരികയാണെങ്കില്‍ സംസാരിക്കാനായി പോകാതിരിക്കുക.

മദ്യപിക്കരുത്‌

വിവാഹ ദിനത്തില്‍ സുബോധത്തോടെ ഇരിക്കുക എന്നത്‌ പ്രധാനമാണ്‌. മദ്യത്തിന്‌ നിങ്ങള്‍ പണം നല്‍കുന്നു എന്ന്‌ കരുതി അതില്‍ നീന്തികുളിക്കേണ്ട ആവശ്യമില്ല. വിവാഹ ദിനത്തില്‍ ഒരിക്കലും ചെയ്യാന്‍ പാടില്ലാത്ത കാര്യങ്ങളില്‍ ഒന്നാണിത്‌.

മേക്‌അപ്‌ അമിതമാകരുത്‌

മേക്‌അപ്‌ നിങ്ങളുടെ ആകര്‍ഷണീയതയും സൗന്ദര്യവും മെച്ചപ്പെടുത്താന്‍ സഹായിക്കും. എന്നാല്‍ മേക്‌ അപ്‌ അമിതമാകുന്നത്‌ നിങ്ങളുടെ സ്വാഭാവിക സൗന്ദര്യം നശിപ്പിക്കും. അതിനാല്‍ അമിതമായി മേക്‌അപ്‌ ചെയ്യുന്നത്‌ ഒഴിവാക്കുക.

ശാന്തമായിരിക്കുക

വിവാഹ ദിനത്തില്‍ ശാന്തമായിരിക്കാന്‍ ശ്രദ്ധിക്കുക. നിരവധി കാര്യങ്ങളില്‍ ശ്രദ്ധ ചെല്ലേണ്ടതായി വരുമെങ്കിലും പ്രസന്നമായി ശാന്തതയോടെ ഇരിക്കാന്‍ ശ്രമിക്കുക.

വിഷമിക്കരുത്‌

വിവാഹ ദിവസം ഒരു കാര്യത്തിലും വിഷമിക്കരുത്‌. ഇത്‌ ആ ദിവസത്തെ പൂര്‍ണമായി നശിപ്പിക്കും. നിങ്ങള്‍ക്ക്‌ എന്തെങ്കിലും പ്രശ്‌നം ഉണ്ടാവുകയാണെങ്കില്‍ പരിഹാരം കാണാന്‍ ആരുടെയെങ്കിലും സഹായം തേടുക.

അമിതമായി കഴിക്കരുത്‌

വിവാഹദിനത്തില്‍ അമിതമായി കഴിക്കരുത്‌. വയറിന്‌ അസ്വസ്ഥത, മനംപുരട്ടല്‍ , വയര്‍ വീര്‍ക്കല്‍ പോലെ വിവിധ ദഹന പ്രശ്‌നങ്ങള്‍ക്ക്‌ ഇത്‌ കാരണമാകും.

പരാതി പറയരുത്‌

വിവാഹ ദിനത്തില്‍ എല്ലാ കാര്യത്തിലും പരാതി പറയുന്നത്‌ ഒഴിവാക്കാന്‍ വധു ശ്രദ്ധിക്കണം. നിങ്ങളുടെ എല്ലാ ചലനങ്ങളും അതിഥികളെല്ലാം ശ്രദ്ധിക്കുന്നുണ്ട്‌ എന്ന ഓര്‍മ്മ ഉണ്ടായിരിക്കണം.