വിവാഹത്തിന്റെ 'സൈഡ് ഇഫക്'ടുകള്‍

പണം

വിവാഹത്തിന്‌ മുമ്പ്‌ എന്തെങ്കിലും കണ്ട്‌ ഇഷ്ടപ്പെട്ടാല്‍ പിന്നെ ഒന്നും ആലോചിക്കാതെ നിങ്ങള്‍ക്ക്‌ അത്‌ വാങ്ങാമായിരുന്നു. പക്ഷെ ഇനി ഒരിക്കലും നിങ്ങള്‍ക്ക്‌ അതിന്‌ കഴിയില്ല. താലി കെട്ടുന്നതോടെ പണം ചെലവഴിക്കാനുള്ള നിങ്ങളുടെ സ്വാതന്ത്ര്യത്തിന്‌ കൂടി നിയന്ത്രണം വരും.

സമാധാനം

ഭാര്യയ്‌ക്ക്‌ നിങ്ങളെ മനസ്സിലാക്കാന്‍ കഴിയുമെങ്കില്‍, നിങ്ങള്‍ ഭാഗ്യവാനാണ്‌. പക്ഷെ നിങ്ങളുടെ കഷ്ടപ്പാടൊന്നും കുഞ്ഞുങ്ങള്‍ക്ക്‌ മനസ്സിലാക്കാന്‍ കഴിയില്ല. അതുകൊണ്ട്‌ തന്നെ രാത്രിയില്‍ നിങ്ങള്‍ക്ക്‌ സമാധാനമായി ഉറങ്ങാന്‍ ആകില്ല. കുഞ്ഞിന്റെ ഡയപ്പര്‍ മാറ്റുന്നത്‌ ഉള്‍പ്പെടെയുള്ള ജോലികള്‍ നിങ്ങളുടെ ഉറക്കം കളയും. ഭാര്യയെ തൃപ്‌തിപ്പെടുത്താനായി ഇഷ്ടടീമിന്റെ രാത്രി മത്സരങ്ങളും നിങ്ങള്‍ക്ക്‌ ഉപേക്ഷിക്കേണ്ടി വരും.

അധികാരം

ഞാന്‍ അത്‌ ചെയ്യും ഇതു ചെയ്യും എന്ന്‌ പറയാന്‍ ആഗ്രഹിക്കുന്നവരാണ്‌ എല്ലാ പുരുഷന്മാരും. കല്ല്യാണം കഴിക്കുന്നതോടെ ഇതെല്ലാം തീരും. നിങ്ങള്‍ ഏത്‌ ഷര്‍ട്ട്‌ ധരിക്കുന്നു, ഏത്‌ സിനിമയ്‌ക്ക്‌ പോകുന്നു, ഭാര്യയുടെ സുഹൃത്തുക്കളോട്‌ എങ്ങനെ പെരുമാറുന്നു എന്നുവേണ്ട എല്ലാത്തിലും നിയന്ത്രണം വരും.

അഭിമാനം

വിവാഹം കഴിയുന്നതോടെ ഭാര്യ പറയുന്ന എല്ലാ കാര്യങ്ങളും തലയാട്ടി അനുസരിക്കുന്ന ഒരു വിഡ്‌ഢിയായി നിങ്ങള്‍ മാറേണ്ടി വരും. ഇല്ലെങ്കില്‍ അപമാനിതനാകാന്‍ ആയിരിക്കും നിങ്ങളുടെ വിധി. കുടുംബത്തെ നന്നായി സംരക്ഷിക്കാന്‍ നിങ്ങള്‍ക്ക്‌ കഴിയുന്നുണ്ടെങ്കില്‍ ഭാഗ്യം. അല്ലാത്തപക്ഷം വീടിനകത്തും പുറത്തും അപമാനഭാരത്തോടെ നിങ്ങള്‍ക്ക്‌ ജീവിക്കേണ്ടി വരും. ഇത്‌ നിങ്ങളുടെ തെറ്റല്ല. നിങ്ങളുടെ ആത്മാഭിമാനം ചോദ്യം ചെയ്യുകയാണ്‌ അവര്‍ക്ക്‌ വേണ്ടത്‌ നേടിയെടുക്കാനുള്ള ഏറ്റവും നല്ല വഴിയെന്ന്‌ സ്‌ത്രീകള്‍ക്ക്‌ അറിയാം.

സുഹൃത്തുക്കള്‍

വിവാഹത്തോടെ നിങ്ങള്‍ക്ക്‌ ചിരകാല സുഹൃത്തുക്കളെ പോലും ഉപേക്ഷിക്കേണ്ടി വന്നേക്കാം. ജോലി തിരക്കുകളും വീട്ടിലെ കാര്യങ്ങളും നോക്കിയ ശേഷം നിങ്ങള്‍ക്ക്‌ സുഹൃത്തുക്കള്‍ക്കൊപ്പം ചെലവഴിക്കാന്‍ സമയം കിട്ടാത്തത്‌ മൂലമാകാം ഇങ്ങനെ സംഭവിക്കുന്നത്‌, മന:പൂര്‍വ്വമാകണമെന്നില്ല. നിങ്ങളുടെ സുഹൃത്തുക്കള്‍ അവിവാഹിതാരണെങ്കിലോ പുകവലി പോലുള്ള ഭാര്യയ്‌ക്ക്‌ ഇഷ്ടമില്ലാത്ത ശീലങ്ങള്‍ ഉള്ളവരാണെങ്കിലോ ആ സൗഹൃദം ഉപേക്ഷിക്കുക. അല്ലെങ്കില്‍ വീട്ടിലെ സമാധാനം നഷ്ടപ്പെടും.