പ്രണയിക്കുന്നവര്‍ വായിച്ചറിയാന്‍.....

പ്രണയം ഒരു അനുഭൂതിയാണെന്നും ആവേശമാണെന്നുമെല്ലാം വര്‍ണനകള്‍ പലതുണ്ട്‌. എന്നാല്‍ പ്രണയിക്കുന്നവര്‍ പാലിയ്‌ക്കേണ്ട ചില മര്യാദകളുണ്ട്‌, അറിഞ്ഞിരിയ്‌ക്കേണ്ട ചില കാര്യങ്ങളുണ്ട്‌. പ്രണയം വിജയിക്കാന്‍, സന്തോഷം നല്‍കാന്‍ ഇരുവരും ഒരുപോലെ സംതൃപ്‌താരാകാന്‍ ഇതെല്ലാം അത്യാവശ്യവുമാണ്‌.

ഒരാളെ പ്രേമിയ്‌ക്കുമ്പോള്‍ അയാളുടെ എല്ലാ സ്വാതന്ത്ര്യത്തിലും കൈ കടത്തുകയെന്നര്‍ത്ഥമില്ല. അയാള്‍ എല്ലാ അര്‍ത്ഥത്തിലും നിങ്ങളുടേതായെന്നര്‍ത്ഥമില്ല. അവര്‍ക്ക്‌ അവരുടേതായ സ്വാതന്ത്ര്യമുണ്ട്‌, ചിന്തകളും അതനുസരിച്ചു പ്രവര്‍ത്തിയ്‌ക്കാനുള്ള ന്യായങ്ങളുമുണ്ട്‌.

പ്രണയിക്കുമ്പോള്‍ നിങ്ങളായി തന്നെ പ്രണയിക്കുക. ഇല്ലാത്ത ഗുണങ്ങള്‍ പങ്കാളിയുടെ മുന്നില്‍ അഭിനിയിക്കരുത്‌, ദുസ്വഭാവങ്ങള്‍ മറച്ചു വയ്‌ക്കുകയുമരുത്‌. നിങ്ങളുടെ നന്മതിന്മകള്‍ തിരിച്ചറിഞ്ഞു വേണം പ്രണയിക്കുന്നയാള്‍ നിങ്ങളെ സ്വീകരിയ്‌ക്കാന്‍. അല്ലെങ്കില്‍ ഭാവിയില്‍ ദോഷങ്ങളുറപ്പ്‌.

അവനവനെത്തെന്നെ അംഗീകരിയ്‌ക്കുക, ആത്മവിശ്വാസവും വേണം. ഇതല്ലെങ്കില്‍ പ്രണയത്തില്‍ പരാജയപ്പെട്ടു പോകും.

പരസ്‌പരവിശ്വാസം പ്രണയത്തില്‍ അത്യാവശ്യമാണ്‌. മറ്റുള്ളവര്‍ ശ്രമിച്ചാല്‍ തെറ്റിദ്ധാരണയുണ്ടാക്കാന്‍ പറ്റുന്ന ബന്ധമാകരുത്‌ നിങ്ങളുടേത്‌.

പങ്കാളിയെ ബഹൂമാനിയ്‌ക്കാന്‍ പഠിയ്‌ക്കുക. തീരുമാനങ്ങളെടുക്കുമ്പോള്‍ പങ്കാളിയുടെ തീരുമാനങ്ങള്‍ക്കും വില കല്‍പ്പിയ്‌ക്കുക.