കാമുകന്‍മാര്‍ക്ക് ഒരു മുന്നറിയിപ്പ്

ആദ്യപ്രണയം പൊട്ടിപ്പൊളിഞ്ഞതിനു ശേഷം വീണ്ടും പ്രണയിച്ചെങ്കിലും ആദ്യപ്രണയത്തെ അത്ര പെട്ടെന്ന് മറക്കാനാവില്ലെന്നാണ് പഠനം. ബ്രിട്ടണിലെ ഒരു സര്‍വ്വകലാശാല നടത്തിയ പഠനമാണ് ഇത്തരമൊരു നിഗമനത്തിലെത്തിയത്. എത്രയൊക്കെ മറ്റു ബന്ധങ്ങളില്‍ ഇഴുകിച്ചേര്‍ന്നാലും ആദ്യാനുരാഗം മറക്കാന്‍ കഴിയില്ലെന്നാണ് ഇവരുടെ കണ്ടെത്തല്‍. പത്തില്‍ ആറു പേരും ഇത്തരത്തില്‍ ആദ്യ പ്രണയത്തിന്റെ നൊമ്പരം പേറുന്നവരാണ് എന്നായിരുന്നു കണ്ടെത്തല്‍.

മുന്‍കാല പ്രണയിനിയുമായി പലര്‍ക്കും ഇപ്പോഴും ഫേസ്ബുക്ക് വഴി വരെ ബന്ധമുണ്ടെന്നും പഠനത്തില്‍ പറയുന്നു. ബ്രേക്കപ്പിനു ശേഷം എത്ര കാലം കഴിഞ്ഞാലും പലര്‍ക്കും പ്രിയപ്പെട്ടതായിരിക്കും ആദ്യം പ്രണയം.

വളരെക്കുറച്ചു പേര്‍ ആദ്യം പ്രണയത്തെ ഓര്‍ക്കാനിഷ്ടപ്പെടുന്നില്ലെങ്കിലും പകുതിയിലധികം പേരും ഇപ്പോഴും തങ്ങള്‍ക്കു പ്രിയപ്പെട്ടതായി ആദ്യ പ്രണയം കൊണ്ടു നടക്കുന്നു.

പന്ത്രണ്ട് ശതമാനം പേരും ആദ്യ പ്രണയിനിയെ ഇപ്പോഴും നല്ല സുഹൃത്തായി കൊണ്ടു നടക്കാനാഗ്രഹിക്കുന്നവരാണ്. എന്നാല്‍ ഇതിനുള്ളിലെ തമാശ ഇതൊന്നുമല്ല, പലരുടേയും പങ്കാളികള്‍ക്കറിയില്ലായിരിക്കും ഇപ്പോഴും തങ്ങളുടെ പ്രിയപ്പെട്ടവര്‍ ആദ്യ പ്രണയത്തിന്റെ ഹാങ് ഓവറില്‍ നിന്നും മാറിയിട്ടില്ലെന്ന കാര്യം. എന്തായാലും അത് പലപ്പോഴും ജീവിതത്തെ പ്രതിസന്ധിയിലാക്കാനും ഇടയുണ്ട്.