പ്രണയം മാത്രമല്ല ജീവിതം

സ്വപ്‌നങ്ങള്‍ ഇരുകൂട്ടര്‍ക്കും

എനിയ്‌ക്കെന്ന പോലെ നമ്മുടെ പങ്കാളിയ്ക്കും സ്വപ്‌നങ്ങള്‍ ഉണ്ടെന്നു മനസ്സിലാക്കുക. ഞാന്‍, എനിയ്ക്ക് എന്നിങ്ങനെയുള്ള കാര്യങ്ങള്‍ മനസ്സില്‍ കൊണ്ടു നടക്കുന്നവര്‍ക്ക് ബന്ധങ്ങളില്‍ വിജയിക്കാനും അത് മുന്നോട്ട് കൊണ്ടു പോകാനും കഴിയില്ല.

കുടുംബം ഇരുകൂട്ടര്‍ക്കും

നമുക്കെന്ന പോലെ നമ്മുടെ പങ്കാളിയ്ക്കും കുടുംബം ഉണ്ടെന്നോര്‍ക്കുക. അതുകൊണ്ടു തന്നെ ഇരുവരുടേയും കുടുംബത്തേയും ബന്ധുക്കളേയും അംഗീകരിച്ച് മുന്നോട്ടു പോകണം.

സുഹൃത് ബന്ധങ്ങള്‍ക്ക് വിലക്ക് വേണ്ട

സുഹൃത്ബന്ധങ്ങള്‍ക്ക് വിലക്ക് തീര്‍ക്കാതിരിക്കുക. നമ്മുടെ പങ്കാളിയ്ക്ക് നമ്മുടെ ഏതെങ്കിലും സുഹൃത്തിനെ ഇഷ്ടമല്ലെങ്കില്‍ അത്തരം സുഹൃത്തുമായി ബന്ധം സ്ഥാപിക്കാന്‍ അവരെ നിര്‍ബന്ധിക്കാതിരിക്കുക.

സാമ്പത്തിക ഞെരുക്കം

പ്രേമിക്കുമ്പോള്‍ ആദ്യം നമ്മളോര്‍ക്കേണ്ടത് നമ്മുടെ സാമ്പത്തിക സ്ഥിതിയെക്കുറിച്ചാണ്. ചിലവുകളെല്ലാം ഒരാള്‍ തന്നെ വഹിക്കാതെ പരസ്പരം തുല്യമായി വീതിക്കുക. അല്ലാത്ത പക്ഷം അത് ബന്ധങ്ങളില്‍ വിള്ളല്‍ വീഴാന്‍ കാരണമാകും.

പരസ്പരം താഴ്ത്തിക്കെട്ടുക

പരസ്പരം താഴ്ത്തിക്കെട്ടി സംസാരിക്കുന്നത് ഏറ്റവും വലിയ പ്രശ്‌നമാണ്. മാത്രമല്ല വഴക്ക് മൂര്‍ച്ഛിക്കുമ്പോള്‍ വാക്കുകള്‍ സൂക്ഷിച്ച് ഉപയോഗിക്കാന്‍ പഠിക്കണം.

ഇഷ്ടമില്ലാത്ത കാര്യം നിര്‍ബന്ധിച്ച് ചെയ്യിപ്പിക്കരുത്

ഇഷ്ടമില്ലാത്ത കാര്യം പങ്കാളിയെകൊണ്ട് നിര്‍ബന്ധിച്ച് ചെയ്യിപ്പിക്കരുത്. ഇത് പ്രശ്‌നങ്ങള്‍ക്കു മാത്രമേ വഴിവെയ്ക്കൂ എന്നത് സത്യം.