അസൂയയെ തുരത്തുന്നതെങ്ങനെ

1. വിശ്വാസം

ഏത് ബന്ധത്തിന്‍റെയും അടിസ്ഥാനം വിശ്വാസമാണ്. വിശ്വാസമില്ലാതെ ഒരു ബന്ധവും വിജയിക്കില്ല. പങ്കാളിയെ വിശ്വസിക്കുക എന്നത് പ്രധാനമായ കാര്യമാണെങ്കിലും അന്ധമായ വിശ്വാസത്തെയല്ല ഇതുകൊണ്ട് അര്‍ത്ഥമാക്കുന്നത്. പങ്കാളി നിങ്ങളുടെ വിശ്വാസം ആര്‍ജ്ജിക്കുകയാണ് ചെയ്യുക. അതായത് ആര്‍ജ്ജിച്ചെടുക്കേണ്ടുന്ന ഒന്നാണ് വിശ്വാസം. വിശ്വാസം നഷ്ടമായാല്‍ അത് വീണ്ടെടുക്കുക എന്നത് അത്ര എളുപ്പമുള്ള കാര്യമല്ല. അതിനാല്‍ തന്നെ അസൂയ ഒഴവാക്കാനുള്ള ഒരു മാര്‍ഗ്ഗം എന്നത് പങ്കാളിയില്‍ നിന്ന് വിശ്വാസം നേടുക എന്നതാണ്.

2. ആശയവിനിമയം

ബന്ധങ്ങളിലെ പാലമാണ് ആശയവിനിമയം. പങ്കാളികള്‍ക്കിടയിലെ ആശയവിനിമയം നഷ്ടമായാല്‍ ബന്ധവും തകരും. രണ്ട് ആളുകള്‍ ഒരുമിക്കുക എന്നാല്‍ അവര്‍ ഒരുമിച്ച് ജീവിതം ചെലവഴിക്കുക എന്നാണ് അര്‍ത്ഥമാക്കുന്നത്. പങ്കാളിയുമൊത്തുള്ള ജീവിതം സെക്സില്‍ മാത്രം ഒതുക്കി നിര്‍ത്താവുന്നതല്ല. ശരിയായ ആശയവിനിമയത്തിന് ബന്ധങ്ങള്‍ക്കിടയിലെ അസൂയ നീക്കം ചെയ്യാനാവും.

3. വൃക്തിത്വം

അവരവരുടെ വ്യക്തിത്വം സംരക്ഷിക്കാന്‍ ബന്ധങ്ങളില്‍ സാധിക്കണം. മറ്റുള്ളവരുടെ വ്യക്തിത്വത്തിലേക്ക് കടന്ന് കയറ്റം പാടില്ല. ഇതിന് ഭംഗം വന്നാല്‍ അസൂയയും അരക്ഷിതാവസ്ഥയും കടന്ന് വരും. പങ്കാളിയുടെ ജീവിതത്തില്‍ എന്ത് സംഭവിക്കുന്നു എന്ന ബോധ്യം നിങ്ങള്‍ക്കുണ്ടാവണം. എന്നാല്‍ അത് ഒരു കടന്ന് കയറ്റമാകരുത്. എത്രത്തോളം നിങ്ങള്‍ പങ്കാളിയുടെ മേല്‍ സ്വാധീനം ചെലുത്തുന്നുവോ ബന്ധം അത്രത്തോളം ദുര്‍ബലപ്പെടുകയും ചെയ്യും.

4. ധാരണ

പങ്കാളിയെ മനസിലാക്കുകയാണ് അസൂയ ഒഴിവാക്കാനുള്ള ഒരു മാര്‍ഗ്ഗം. ആരോഗ്യകരമായ ഒരു ബന്ധത്തില്‍ പരസ്പരമുള്ള മനസിലാക്കല്‍ അനിവാര്യമാണ്. പങ്കാളിയുടെ ആവശ്യങ്ങളെന്തൊക്കെയെന്ന് മനസിലാക്കുക. വിശ്വാസവും ധാരണയും വ്യത്യസ്ഥമായ കാര്യങ്ങളാണ്. വ്യത്യസ്ഥമായ പല കാര്യങ്ങളും തുല്യപ്രാധാന്യത്തോടെ പരിപാലിച്ചാല്‍ മാത്രമേ ബന്ധങ്ങള്‍ നിലനില്‍ക്കുകയുള്ളൂ.

5. സ്നേഹം

ബന്ധങ്ങളെ നിലനിര്‍ത്തുന്നത് പ്രണയമാണ്. പങ്കാളിയോടുള്ള സ്നേഹം നഷ്ടമായതായി അനുഭവപ്പെട്ടാല്‍ വേര്‍പിരിയലിനെക്കുറിച്ച് ചിന്തിക്കുന്നതാണുചിതം. ഒരു ബന്ധം തുടരാന്‍ ഏറ്റവും അനിവാര്യമായത് സ്നേഹമാണ്. ഏതിരെ വരുന്ന പ്രശ്നങ്ങളെ അഭിമുഖീകരിക്കാന്‍ ശക്തിനല്കുന്നതാവണം പരസ്പര സ്നേഹം. സ്നേഹമുണ്ടെങ്കില്‍ അസൂയയും അരക്ഷിതബോധവും അകറ്റാനാവുമെന്നതില്‍ സംശയം വേണ്ട.