അവനെ ആകര്‍ഷിക്കാന്‍ ചെയ്യരുതാത്തത്‌

1. പൊട്ടന്‍ കളിക്കരുത്‌

പ്രിയന്റെ ശ്രദ്ധയും പ്രീതിയും പിടിച്ചുപറ്റുന്നതിനായി പെണ്‍കുട്ടികള്‍ ഒന്നും അറിയാത്തത്‌ പോലെ പെരുമാറാറുണ്ട്‌. ഇത്‌ നിങ്ങള്‍ക്ക്‌ ഗുണം ചെയ്യില്ല. ബുദ്ധിയും കാര്യവിവരവുമുള്ള പെണ്‍കുട്ടികളയെ ആയിരിക്കും ആണുങ്ങള്‍ക്ക്‌ ഇഷ്ടം. അതിനാല്‍ പക്വതയോടും ബുദ്ധിപരമായും പെരുമാറുക.

2. ഒരേ രീതിയിലുള്ള വസ്‌ത്രധാരണം

ചില പെണ്‍കുട്ടികളുടെ വസ്‌ത്രധാരണ രീതിയും തിരച്ചടി സൃഷ്ടിക്കാം. ശരീരഭാഗങ്ങള്‍ പ്രദര്‍ശിപ്പിക്കുന്ന തരത്തിലുള്ള വസ്‌ത്രങ്ങള്‍ ധരിച്ചാല്‍ കാമുകന്റെ ശ്രദ്ധ ആകര്‍ഷിക്കാന്‍ കഴിയുമെന്ന്‌ കരുതുന്നവരുണ്ട്‌. ഇവര്‍ ഇറക്കം കുറഞ്ഞ വസ്‌ത്രങ്ങളും ഹോട്ട്‌ പാന്റുകളും ധരിച്ച്‌ കാമുകന്റെ ശ്രദ്ധ ആകര്‍ഷിക്കാന്‍ ശ്രമിക്കും. ഒരു കാര്യം ഓര്‍ക്കുക, ഇത്തരം വസ്‌ത്രങ്ങള്‍ അവന്‌ ഇഷ്ടമാകാം. എന്നാല്‍ എപ്പോഴും ഇത്തരം വസ്‌ത്രങ്ങള്‍ ധരിക്കുന്നത്‌ അവന്‌ ഇഷ്ടപ്പെടണമെന്നില്ല. ഇത്തരം വസ്‌ത്രങ്ങള്‍ പതിവായി ധരിക്കുന്നത്‌ നിങ്ങളുടെ മാന്യതയ്‌ക്ക്‌ പോലും ക്ഷതം തട്ടിക്കും. കാമുകന്റെ ശ്രദ്ധ ആകര്‍ഷിക്കണമെങ്കില്‍ മാന്യമായി വസ്‌ത്രം ധരിക്കുക.

3. പെരുമാറ്റം ശ്രദ്ധിക്കുക

വളരെ മാന്യമായി പെരുമാറുന്ന പെണ്‍കുട്ടികള്‍ പുരുഷന്മാരുടെ മനം കവരും. മറ്റുള്ളവരോടുള്ള ബഹുമാനം, എളിമ തുടങ്ങിയ ഗുണങ്ങള്‍ നിങ്ങളെ മറ്റുള്ളവരില്‍ നിന്ന്‌ വ്യത്യസ്‌തയാക്കും. അതുകൊണ്ട്‌ എല്ലാവരോടും മാന്യമായി പെരുമാറുക. തെരുവിലെ ഭിക്ഷക്കാരനോടും സംസാരിക്കുമ്പോഴും അച്ഛനോട്‌ സംസാരിക്കുമ്പോഴും ഈ മാന്യത നിങ്ങളിലുണ്ടാവണം.

4. കാമുകനെ ശപിക്കരുത്‌

പല പെണ്‍കുട്ടികള്‍ക്കും ഉള്ള ഒരു കുഴപ്പമാണിത്‌. കാമുകന്‌ ചില കഴിവുകള്‍ ഇല്ലെന്ന്‌ പറഞ്ഞ്‌ അവനെ കുറ്റപ്പെടുത്തും. നിങ്ങള്‍ക്ക്‌ മറ്റ്‌ പ്ര്‌ശ്‌നങ്ങളൊന്നും തോന്നിയില്ലെങ്കില്‍ പോലും അവനെ ശപിക്കരുത്‌. ഇത്‌ അവനെ മറ്റുള്ളവരുടെ മുന്നില്‍ നാണം കെടുത്തുന്നതിന്‌ തുല്ല്യമാണ്‌. അതിനാല്‍ ഇത്തരം സംഭവങ്ങള്‍ നിങ്ങളുടെ ബന്ധത്തില്‍ വിള്ളലുകള്‍ വീഴ്‌ത്താം. അതുകൊണ്ട്‌ ഇത്തരം കാര്യങ്ങള്‍ ശ്രദ്ധയോടെ കൈകാര്യം ചെയ്യുക.

5. അകലം പാലിക്കുക

മറ്റുള്ളവരുടെ ശ്രദ്ധ ആകര്‍ഷിക്കാനായി പെണ്‍കുട്ടികള്‍ ഒഴിഞ്ഞുമാരി ഇരിക്കാറുണ്ട്‌. ഇതുപോലെ വലിയൊരു മണ്ടത്തരമില്ല. അവനെ അവന്റെ കുടുംബാംഗങ്ങളില്‍ നിന്നും മറ്റും അകറ്റി നിര്‍ത്താനും നിങ്ങള്‍ ശ്രമിച്ചേക്കാം. ഇതെല്ലാം വിപരീതഫലങ്ങള്‍ ഉണ്ടാക്കാന്‍ പോന്ന പ്രവൃത്തികളാണ്‌. ഇത്തരം പ്രവൃത്തികള്‍ നിങ്ങളുടെ ബന്ധം ശക്തിപ്പെടുത്തുകയില്ലെന്ന്‌ മാത്രമല്ല അത്‌ ശിഥിലമാക്കുകയും ചെയ്യും. നിങ്ങള്‍ക്ക്‌ പുറമെ വേണ്ടപ്പെട്ട പലരും അവനുണ്ടെന്ന കാര്യം മനസ്സിലാക്കി പ്രവര്‍ത്തിക്കുക.