എങ്ങനെ നല്ലൊരു ശ്രോതാവാകാം?

1. താല്പര്യപ്രകടനം

നിങ്ങള്‍ക്ക് താല്പര്യമുണ്ട് എന്ന് കാണിക്കുന്നത് പങ്കാളിയെ ശാന്തമാക്കും. അതിനാല്‍ തന്നെ സംസാരിക്കുന്ന സമയത്ത് ഫോണ്‍ പരിശോധിക്കുക, ഇടക്കിടെ വാച്ചില്‍ നോക്കുക, കോട്ടുവായിടുക, അലക്ഷ്യമായി ചുറ്റും നോക്കുക തുടങ്ങിയ പരിപാടികള്‍ ചെയ്യാതിരിക്കുക.

2. മറുപടി

നല്ലൊരു കേള്‍വിക്കാരനില്‍ നിന്ന് മറുപടിയുമുണ്ടാകണം. നിങ്ങളില്‍ നിന്ന് പോസീറ്റീവായ ഒരു സമീപനം മറുഭാഗത്ത് പ്രതീക്ഷിക്കപ്പെടുന്നുണ്ട്. അത് മനസിലാക്കി പങ്കാളിയുടെ സംസാരത്തോട് പ്രതികരിക്കുക.

3. ചോദ്യങ്ങള്‍

പറയുന്ന വിഷയങ്ങളെ സംബന്ധിച്ച് ചോദ്യങ്ങള്‍ ചോദിക്കുന്നത് നിങ്ങള്‍ ശ്രദ്ധിക്കുന്നുണ്ടന്ന തോന്നല്‍ നല്കാന്‍ സഹായിക്കും. പറഞ്ഞ എന്തെങ്കിലും കാര്യത്തെക്കുറിച്ച് ചോദിക്കുന്നതാണ് നല്ലത്. ഇത് വഴി നിങ്ങള്‍ നല്ലൊരു ശ്രോതാവാണെന്ന തോന്നലുണ്ടാക്കാം.

4. മുന്‍ സംഭാഷണങ്ങള്‍

സംസാരത്തിനിടെ മുമ്പ് പറഞ്ഞ എന്തെങ്കിലും കാര്യത്തെപ്പറ്റി ഓര്‍മ്മിപ്പിക്കാം. പറഞ്ഞ കാര്യങ്ങള്‍ നിങ്ങളിപ്പോഴും ഓര്‍മ്മിക്കുന്നുണ്ട് എന്ന് തോന്നുന്നത് അവര്‍ക്ക് സന്തോഷകരമാകും. എങ്ങനെ നല്ലൊരു ശ്രോതാവാകാം എന്നതിനെ സംബന്ധിച്ച് ഇത് നിങ്ങള്‍ക്ക് ബോധ്യം നല്കും.

5. ഇടയില്‍ കയറി സംസാരിക്കാതിരിക്കുക

പങ്കാളിയുടെ സംസാരം തടസപ്പെടുത്തി ഇടയ്ക്ക് കയറി പറയാതിരിക്കുക. എന്തെങ്കിലും പറയാനുണ്ടെങ്കില്‍ അവരുടെ സംസാരം പൂര്‍ത്തിയായ ശേഷം പറയുക. ഇത് അവര്‍ പറയുന്നത് നിങ്ങള്‍ മുഴുവനായും കേട്ടു എന്ന തോന്നലുണ്ടാക്കും.

6. ശരീരഭാഷ

നിങ്ങള്‍ കാര്യങ്ങള്‍ പറയുന്നത് ശ്രദ്ധിക്കുന്നുണ്ട് എന്ന് തോന്നിപ്പിക്കാനുള്ള മാര്‍ഗ്ഗമാണ് ശരീരഭാഷ. അനുകൂലമായ ശരീര ചലനങ്ങള്‍ വഴി നിങ്ങള്‍‌ കാര്യങ്ങള്‍ കേട്ട് മനസിലാക്കുന്നുണ്ട് എന്ന തോന്നല്‍ നല്കാനാവും.

7. പ്രോത്സാഹനം

നിങ്ങളുടെ പങ്കാളി എന്തെങ്കിലും പറയുമ്പോള്‍ അതിനെ പ്രോത്സാഹിപ്പിക്കുക. മിക്കപ്പോഴും നിങ്ങള്‍ അപ്രധാനമെന്ന് കരുതുന്ന കാര്യങ്ങള്‍ പങ്കാളിയെ സംബന്ധിച്ച് പ്രധാനമായിരിക്കും. അതിനാല്‍ തന്നെ സംസാരത്തിനിടെ അവരുടെ വികാരങ്ങള്‍ കൂടി പരിഗണിക്കുക.