സഹപ്രവര്‍ത്തകയോട് പ്രണയമോ?

1. ചിന്ത

നിങ്ങള്‍ സഹപ്രവര്‍ത്തകനുമായി പ്രണയത്തിലാണ് എന്നതിന്‍റെ പ്രധാന സൂചന എപ്പോഴും അയാളെക്കുറിച്ചുള്ള ചിന്തകള്‍ വരുന്നതാണ്. നിങ്ങളുടെ സ്വപ്നത്തിലും ഭാവനയിലും നിറയുകയും അയാളെക്കുറിച്ചുള്ള ചിന്ത ഇല്ലാതെയിരിക്കുന്നത് അസാധ്യമാവുകയും ചെയ്യും.

2. സാമീപ്യം

ഓഫിസ് സമയത്തിന് ശേഷവും ആഴ്ചാവസാനത്തെ അവധി ദിനങ്ങളിലും ഒരുമിച്ചിരിക്കാനുള്ള ആഗ്രഹം മനസില്‍ രൂപപ്പെടും. മെസേജ്, ഫോണ്‍ കോള്‍, സോഷ്യല്‍ നെറ്റ്‍വര്‍ക്കുകള്‍ വഴിയുള്ള ചാറ്റിങ്ങ് എന്നിവയൊക്കെ വഴി സാമീപ്യത്തിന് ശ്രമിക്കും.

3. ചെറിയ കാര്യങ്ങളും ഓര്‍മ്മിക്കുക

പ്രണയത്തിലാണ് എന്നതിന്‍റെ സൂചനയാണ് അയാളെ സംബന്ധിച്ച ചെറിയ കാര്യങ്ങള്‍ വരെ ഓര്‍മ്മയിലുണ്ടാവുക എന്നത്.

4. സമ്മാനങ്ങള്‍

നിങ്ങള്‍ ഇഷ്ടപ്പെടുന്നയാളുടെ ജന്മദിനം ഓര്‍മ്മിച്ചിരിക്കുന്നുവെങ്കില്‍ അത് പ്രണയത്തിന്‍റെ സൂചനയാണ്. സുഹൃത്തിന് ആശംസാകാര്‍ഡോ, കേക്കോ, സമ്മാനങ്ങളോ നല്കുകയും ചെയ്യുന്നതും ഇതിന്‍റെ സൂചനയാണ്.

5. സഹായം

ഓഫിസ് ജോലികളില്‍ പല സഹായങ്ങളും ചെയ്ത് കൊടുക്കാന്‍ നിങ്ങള്‍ തയ്യാറാകും. പലപ്പോഴും ചെയ്യാവുന്നതിനും അപ്പുറത്തുള്ള സഹായങ്ങള്‍ നിങ്ങള്‍ ചെയ്ത് കൊടുക്കും.

6. അസൂയ

ഓഫിസില്‍ ഒരാളോട് മാത്രം മൃദുസമീപനം നിങ്ങള്‍ക്കുണ്ടെങ്കില്‍ അത് ഒരു സൂചനയാണ്. നിങ്ങള്‍ക്ക് താല്പര്യമുള്ളയാള്‍ മറ്റുള്ളവരുമായി സംസാരിക്കുന്നത് പലപ്പോഴും നിങ്ങളില്‍ അസൂയയുണ്ടാക്കും.

7. വിവരങ്ങള്‍ ശേഖരിക്കല്‍

നിങ്ങളുടെ സഹപ്രവര്‍ത്തകന്‍ അല്ലെങ്കില്‍ സഹപ്രവര്‍ത്തകയെപ്പറ്റി കിട്ടാവുന്നിടത്തോളം വിവരങ്ങള്‍ ശേഖരിക്കാനുള്ള പ്രവണത നിങ്ങള്‍ കാണിക്കും. മറ്റ് സഹപ്രവര്‍ത്തകരില്‍ നിന്നാവും മിക്കവാറും ഈ വിവരം ശേഖരിക്കല്‍.

8. ചിരി

തിരക്കിനിടയിലും, സമ്മര്‍ദ്ധം നിറഞ്ഞ ജോലി സാഹചര്യത്തിലും താല്പര്യമുള്ളയാളെ കണ്ടാല്‍ ഒരു ചിരി സമ്മാനിക്കാന്‍ നിങ്ങള്‍ മടിക്കില്ല. ഇത് പതിവില്ലാത്തതായിരിക്കും . ഇതിന് പുറമേ അയാളുടെ അല്ലെങ്കില്‍ അവളുടെ കഴിവിനെ പ്രശംസിക്കാനും, വസ്ത്രധാരണത്തെ പുകഴ്ത്താനും നിങ്ങള്‍ പ്രത്യേക ശ്രദ്ധ കാണിക്കുകയും ചെയ്യും.