ഗേള്‍ഫ്രണ്ട് പിണങ്ങിയെങ്കില്‍....

പ്രണയബന്ധത്തില്‍ പരസ്പരമുള്ള പിണക്കങ്ങളും ഇണക്കങ്ങളുമെല്ലാം സ്വാഭാവികം. ഇത് ബന്ധത്തിന് ഭംഗി നല്‍കുമെന്നും പറയാം.

എന്നാല്‍ പിണക്കങ്ങള്‍ വേണ്ട രീതിയില്‍ കൈകാര്യം ചെയ്തില്ലെങ്കില്‍ ബന്ധം തന്നെ തകര്‍ന്നു പോകുവാനുള്ള സാധ്യതയും കുറവല്ല.

നിങ്ങളുടെ ഗേള്‍ഫ്രണ്ടിന് ദേഷ്യം വന്നാല്‍ ശാന്തമാക്കാനുള്ള ചില വഴികളെക്കുറിച്ചറിയൂ,

നല്ല ബന്ധത്തിന് ക്ഷമ വളരെ പ്രധാനമാണെന്നു മനസിലാക്കുക. ദേഷ്യപ്പെട്ട് അതുമിതും പറയുന്ന കൂട്ടുകാരിയ്‌ക്കൊപ്പം പറയാന്‍ നില്‍ക്കാതെ മൗനം പാലിയ്ക്കുക. ഇത് വലിയ ഗുണം ചെയ്യും.

ഒരു ബന്ധം രക്ഷിച്ചെടുക്കുന്നതിനു വേണ്ടി അല്‍പസ്വല്‍പം വിട്ടുവീഴ്ച ചെയ്യുന്നതില്‍ തെറ്റില്ല. അല്‍പം താണു കൊടുക്കുന്നതു കൊണ്ട് തെറ്റില്ലെന്നു വേണം പറയാന്‍. പ്രത്യേകിച്ച് ഗേള്‍ഫ്രണ്ട് വിട്ടുവീഴ്ചാമനോഭാവമില്ലാത്തയാളാണെങ്കില്‍.

തല്ലു കൂടുന്ന സമയത്ത് മൗനം പാലിയ്ക്കുന്നതാണ് ബുദ്ധിയെങ്കില്‍ പരസ്പരം സംസാരിയ്ക്കുവാന്‍ മുന്‍കയ്യെടുക്കുക. ഇത് വഴക്കിനൊരു പരിഹാരമാകും.

പരസ്പരമുള്ള തെറ്റിദ്ധാരണകള്‍ പറഞ്ഞു തീര്‍ക്കുക. ഇത് ഒരു ബന്ധത്തില്‍ വളരെ പ്രധാനമാണ്.

സ്‌നേഹത്തോടെയുള്ള സ്പര്‍ശനവും വലിയ പ്രയോജനം ചെയ്യും. ഇത് പലപ്പോഴും സംസാരിക്കാതെ തന്നെയുള്ള സാന്ത്വനവുമായി മാറാറുണ്ട്.

ചിലപ്പോള്‍ ആദ്യതവണ സംസാരിയ്ക്കാന്‍ ശ്രമിച്ചാല്‍ കൂട്ടുകാരി മിണ്ടിയെന്നു വരില്ല. ശ്രമമുപേക്ഷിയ്ക്കരുത്. ഇത് പരസ്പരമുള്ള വഴക്കു തീര്‍ക്കാന്‍ സഹായകമാകും.