ബന്ധം പിരിയുമ്പോള്‍ അറിഞ്ഞിരിക്കാന്‍ !

ബന്ധം പിരിയുമ്പോള്‍...

ഇഷ്ടപ്പെടുന്ന ആരെയെങ്കിലും കണ്ടെത്തുക എന്നത് വേണ്ടുന്നത് തന്നെയാണ്. എന്നാല്‍ ബന്ധം പിരിഞ്ഞയുടനെ തന്നെ പുതിയ ബന്ധങ്ങള്‍ ആരംഭിക്കുന്നത് ആശ്വാസ്യമല്ല. ഇത്തരമൊരു ചിന്ത തന്നെ ഒഴിവാക്കേണ്ടതാണ്. അല്ലെങ്കില്‍ ഇത് കൂടുതല്‍ ആശയക്കുഴപ്പത്തിനും, മറ്റ് പ്രശ്നങ്ങള്‍ക്കുമിടയാക്കും.

ഭൂതകാലത്തില്‍ ജീവിക്കുക

തന്‍റെ പഴയ ഇണയെ വിചാരിച്ച്, അവള്‍ പറഞ്ഞതും, ചെയ്തതും, ഒരുമിച്ച് ചെലവഴിച്ച നിമിഷങ്ങളുമോര്‍ത്ത് കാലം കഴിക്കുന്നത് അനുഗുണമല്ല. ഇത് മാനസികസംഘര്‍ഷത്തിനിടയാക്കും. ഭുതകാലത്തെ മറന്ന് വര്‍ത്തമാനകാലത്തില്‍ ജീവിക്കുക, അതോടൊപ്പം ഭാവിയെക്കുറിച്ച് ചിന്തിക്കുകയും ചെയ്യുക.

വീണ്ടും ഫോണ്‍ വിളിക്കുക

നിങ്ങളുടെ പൂര്‍വ്വകാല ഇണയുടെ ഫോണ്‍ നമ്പര്‍ നിങ്ങളുടെ കൈയ്യിലുണ്ടാവും. എന്നാല്‍ അത് ഉപേക്ഷിക്കുകയാണ് നിങ്ങള്‍ ചെയ്യേണ്ടത്. നിങ്ങള്‍ വീണ്ടും അവളെ വിളിക്കാതിരിക്കാനുള്ള ഏറ്റവും നല്ല മാര്‍ഗ്ഗം നമ്പര്‍ നീക്കം ചെയ്യുകയാണ്.

ഒറ്റപ്പെടല്‍

അല്പസമയം ഒറ്റയ്ക്ക് ചെലവഴിക്കുന്നത് നല്ലതാണ്. അവനവനെക്കുറിച്ച് വിലയിരുത്താന്‍ അത് അവസരം നല്കും. എന്നാല്‍ ഒറ്റപ്പെട്ട ജീവിതം നയിക്കുന്നത് ആശാസ്യമല്ല. പകരം കുടുംബത്തോടും, കൂട്ടുകാരോടൊപ്പം ചെലവഴിക്കുക.

ആത്മനിയന്ത്രണമില്ലായ്മ

ഇഷ്ടപ്പെട്ട ആഹാരം പരിധിയില്ലാതെ കഴിക്കുക, അമിതമായി മദ്യപിക്കുക തുടങ്ങിയവയൊക്കെ ബന്ധം അവസാനിച്ചതിന്‍റെ വിഷമം മറക്കാനായി ചെയ്തേക്കാം. ഇത് ഒരു കാരണവശാലും ചെയ്യാതിരിക്കുക.

അടുത്ത പ്രണയം

ബന്ധം വേര്‍പിരിഞ്ഞാലുടനെ അടുത്ത ബന്ധത്തിലേക്ക് വീണ്ടുവിചാരമില്ലാതെ എടുത്ത് ചാടരുത്. ഉടന്‍ തന്നെ അടുത്ത ബന്ധം ആരംഭിക്കുന്നത് നല്ലതല്ല. അഥവാ അത്തരമൊരു ബന്ധം ഉണ്ടായാലും ആദ്യത്തെ ബന്ധത്തിന്‍റെ വിടവ് ഒഴിവാക്കാനേ ഉപകരിക്കൂ.

സെക്സ്

ബന്ധം പിരിഞ്ഞതിന് ശേഷം ബ്രഹ്മചര്യം സ്വീകരിക്കുന്നത് സാധ്യമാവുന്നതല്ല. ആദ്യബന്ധത്തിന് ശേഷം മാനസികമായ പൂര്‍വ്വസ്ഥിതിയിലായ ശേഷം പറ്റിയ ബന്ധം ലഭിക്കുമ്പോള്‍ ലൈംഗികബന്ധം തുടരുക. അപ്പോള്‍ വികാരങ്ങളും, ഹോര്‍മോണുകളും ഒരേ നിലയിലായിരിക്കും.

സുഹൃത്ത് വഴിയുള്ള അന്വേഷണം

ബന്ധമുണ്ടായിരുന്ന കാലത്ത് ഇണയുടെ സുഹൃത്തുമായും നിങ്ങള്‍ക്ക് സുഹൃദ് ബന്ധമുണ്ടായിരുന്നിരിക്കും. എന്നാല്‍ ഇപ്പോള്‍ അവള്‍ നിങ്ങളുടെ സുഹൃത്തല്ല. അതിനാല്‍ തന്നെ സുഹൃത്തില്‍ നിന്നും അകന്ന് നില്‍ക്കുക.

ഒറ്റയ്ക്കുള്ള ജീവിതം

ഒറ്റയ്ക്ക് ജീവിക്കുന്നത് പല പ്രശ്നങ്ങളിലേക്കും നിങ്ങളെ കൊണ്ടുചെന്നെത്തിക്കും. തനിയെ ജീവിക്കുമ്പോള്‍ അവളെക്കുറിച്ച് ചിന്തിക്കാനും, ഫോണ്‍വിളിക്കണമെന്ന് തോന്നാനുമിടയാകും. ചിന്തകളില്‍ മുഴുവന്‍ ഓര്‍മ്മകള്‍ നിറഞ്ഞ് മനസ് അസ്വസ്ഥമാക്കുന്നതിന് പകരം സമൂഹത്തിലേക്കിറങ്ങി ആളുകളുമായി ഇടപെടുക.

ഫേസ്ബുക്കിലെ ഒളിഞ്ഞ്നോട്ടം

ഇണയുടെ ഫേസ്ബുക്ക് പ്രൊഫൈലില്‍ ഇടക്കിടക്ക് സന്ദര്‍ശനം നടത്തുന്നത് ഒഴിവാക്കുക. അവള്‍ക്ക് മാറ്റാളുകളുമായുള്ള ബന്ധം നിങ്ങളെ അസ്വസ്ഥപ്പെടുത്തുകയേ ഉള്ളൂ.