ഭാര്യയോട് പറയരുതാത്തവ..

'തടി കൂടുതലാണ് '

ഭാര്യയോട് എന്ന് പറയരുത് - വീട്ടുജോലികളും മറ്റ് തിരക്കുകളുമായി ഭാര്യയുടെ സൗന്ദര്യം കുറയാനിടയായിട്ടുണ്ടാവും. എന്നാല്‍ ഒരിക്കലും ഭാര്യക്ക് തടി കൂടുതലാണെന്ന് തുറന്നടിച്ച് പറയരുത്.

നീ എന്നോളം ജോലി ചെയ്യുന്നില്ല

നിങ്ങളുടെ ജോലി ഭാരം വലുതായിരിക്കാം. എന്നാല്‍ നിങ്ങള്‍ മാത്രമാണ് കുടുംബത്തിന് വേണ്ടി അധ്വാനിക്കുന്നതെന്ന വിധത്തില്‍ സംസാരിക്കരുത്. പ്രത്യേകിച്ച് ഭാര്യ കുടുംബത്തിലെ ജോലികള്‍ക്കും, കുട്ടികള്‍ക്കും വേണ്ടി സ്വന്തം ജോലി ഉപേക്ഷിച്ചവളാണെങ്കില്‍..

ഓഫീസ് ഗോസിപ്പുകള്‍

നിങ്ങളുടെ ഓഫീസിലെ ഗോസിപ്പുകള്‍ കേള്‍ക്കാന്‍ ഭാര്യയ്ക്ക് തീരെ താല്പര്യമുണ്ടാകില്ല. ഭാര്യ ഇഷ്ടപ്പെടുന്നത് തന്‍റെ കാര്യങ്ങള്‍ നിങ്ങളോട് പറയാനായിരിക്കും.

അന്യസ്ത്രീ സുന്ദരിയാണ്

അന്യസ്ത്രീയുടെ സൗന്ദര്യത്തെക്കുറിച്ച് ഒരിക്കലും ഭാര്യയോട് വര്‍ണ്ണിക്കാതിരിക്കുക. ഒരു സ്ത്രീക്ക് ഒരിക്കലും ഇത്തരമൊരു കാരയം ഭര്‍ത്താവില്‍ നിന്ന് കേള്‍ക്കുന്നത് ഇഷ്ടമാകില്ല.

നിന്‍റെ സംസാരം എനിക്ക് കേള്‍ക്കേണ്ട

വല്ലപ്പോഴും മാത്രമാണ് ഇത്തരത്തില്‍ പറയുന്നതെങ്കില്‍ പ്രശ്നമില്ല. നിങ്ങളുടെ ഇടയില്‍ എന്തെങ്കിലും ആശയവിനിമയത്തിന്‍റെ പ്രശ്നമുണ്ടെങ്കില്‍ അത് തുറന്ന പരിഹാരത്തിന് ശ്രമിക്കുക.

നീ ചെയ്യുന്നതെല്ലാം തെറ്റാണ്

ഇത്തരമൊരു വാചകം പറയുന്നത് ഒഴിവാക്കുക. ഈ പ്രസ്താവന തകര്‍ന്ന മാനസികാവസ്ഥയിലുള്ള ഭാര്യയെ കൂടുതല്‍ തളര്‍ത്തും.

എന്തിനാണ് നീ വീണ്ടും ഷോപ്പിംഗിന് പോകുന്നത് -

ഇടക്കിടക്ക് ഷോപ്പിംഗിന് പോകുന്നത് ഭര്‍ത്താവിന് ഇഷ്ടമാകില്ലെന്ന് ഭാര്യയ്ക്ക് ബോധ്യമുണ്ടാകും. എങ്കിലും ഇത്തരത്തില്‍ ആവശ്യം വരുന്നുവെങ്കില്‍ ​​അംഗീകരിക്കുക.

നിനക്ക് ഈ വസ്ത്രം ചേരില്ല

ഭാര്യയുടെ വസ്ത്രം ഇഷ്ടപ്പെട്ടില്ലെങ്കില്‍ അത് തുറന്നടിച്ച് പറയാതിരിക്കുക. അഥവാ അഭിപ്രായം പറയുന്നുവെങ്കില്‍ അത് മയപ്പെടുത്തി പറയുക.

നീ നിന്‍റെ അമ്മയേപ്പോലെ പെരുമാറുന്നു

ഒരിക്കലും ഇത്തരത്തില്‍ ഭാര്യയോട് പറയരുത്. ഒരു സ്ത്രീയും മറ്റൊരു സ്ത്രീയുമായുള്ള താരതമ്യം ഇഷ്ടപ്പെടുന്നില്ല. ഇത്തരമൊരു പറച്ചിലിലൂടെ ഭാര്യയുടെ അമ്മയെയും നിങ്ങള്‍ വിധിക്കുകയാണ്. ഇത്തരമൊരു പ്രസ്താവനക്ക് കുടുംബജീവിതത്തില്‍ വലിയ വിലയും നല്കേണ്ടി വരും.

സ്വകാര്യകാര്യങ്ങളെക്കുറിച്ചുള്ള പരാമര്‍ശം

വാഗ്വാദങ്ങളുണ്ടാകുമ്പോള്‍ പ്രത്യാരോപണമായി ചിലപ്പോള്‍ സ്വകാര്യകാര്യങ്ങളെക്കുറിച്ചുള്ള പരാമര്‍ശം നടത്തിയേക്കാം. ഇത് ഒഴിവാക്കുക.