മധുരിക്കട്ടെ മധുവിധുയാത്രകള്‍

കാര്യങ്ങള്‍ നേരത്തേ ചെയ്യുക

ഒന്നും അവസാന നിമിഷത്തേക്ക് മാറ്റിവെക്കാതെ ഹോട്ടല്‍ ബുക്കിംഗടക്കം കാര്യങ്ങള്‍ നേരത്തേ ചെയ്യുക. സ്ഥലത്തത്തെുമ്പോള്‍ ഹോട്ടല്‍ ലഭിക്കാത്തടക്കം പ്രശ്നങ്ങള്‍

ഇതിലൂടെ പരിഹരിക്കാനാകും. യാത്ര എങ്ങോടാകണം എന്നടക്കം കാര്യങ്ങള്‍ വീട്ടുകാര്‍ നവദമ്പതികള്‍ക്ക് വിട്ടുകൊടുക്കണം. പുരുഷന്‍മാര്‍ ഏകപക്ഷീയമായും കാര്യങ്ങള്‍ തീരുമാനിക്കരുത്. തന്‍െറ പങ്കാളിയുടെ ഇഷ്ടാനിഷ്ടങ്ങളും അറിഞ്ഞിരിക്കുക.

ബജറ്റ്

യാത്രയുടെ ബജറ്റ് പരമപ്രധാനമാണ്. പാക്കേജ് ടൂറാണെങ്കില്‍ വ്യത്യസ്ത നിരക്കുകള്‍ അറിഞ്ഞിരിക്കുക. ഇന്‍റര്‍നെറ്റില്‍ പരതിയാല്‍ വിവിധ സ്ഥലങ്ങളിലെ ഹോട്ടലുകളുടെ നിരക്കുകളും മറ്റും അറിയാന്‍ കഴിയും. യാത്രക്ക് മുമ്പ് ചെറു യാത്രാക്രമം തന്നെ തയാറാക്കണം.

കാലാവസ്ഥ

കാലാവസ്ഥയെ കുറിച്ച് അറിയണം. പുറം കാഴ്ചകള്‍ കാണാന്‍ ബുദ്ധിമുട്ടുള്ള സമയങ്ങളില്‍ ഒരിക്കലും യാത്ര പോകരുത്. യാത്ര പോകുന്ന സമയത്തെ കാലാവസ്ഥാ വിവരങ്ങള്‍ ഗൂഗിളില്‍ പരതിയാല്‍ നിങ്ങള്‍ക്ക് ലഭിക്കും.

യാത്രാ രേഖകള്‍

യാത്രാ രേഖകള്‍ കൃത്യമായിരിക്കണം. പുറം രാജ്യത്തേക്കാണ് പോകുന്നതെങ്കില്‍ പങ്കാളിയുടെ പാസ്പോര്‍ട്ട് സംബന്ധിച്ച വിശദാംശങ്ങള്‍ ഉറപ്പാക്കണം. പാസ്പോര്‍ട്ടിലെ പേര് അനുസരിച്ചാകണം ടിക്കറ്റ് ബുക്ക് ചെയ്യേണ്ടത്. പാസ്പോര്‍ട്ട് കാലാവധി ശ്രദ്ധിക്കുക. യാത്രക്കിടയില്‍ കാലാവധി കഴിയുന്നപക്ഷം ഒരുപാട് പൊല്ലാപ്പുകള്‍ക്ക് അത് വഴിയൊരുക്കും. വിസ,തിരിച്ചറിയാല്‍ കാര്‍ഡുകള്‍ തുടങ്ങിയവയും ഒരുക്കിവെക്കണം. യാത്രക്ക് രണ്ടാഴ്ച മുമ്പേ ഇത്തരം കാര്യങ്ങള്‍ ശ്രദ്ധിക്കണം.

പണം

പൊതുവായ പണമിടപാടുകള്‍ക്ക് ട്രാവലേഴ്സ് ചെക്കുകളും ക്രെഡിറ്റ് കാര്‍ഡുകളും ഉപയോഗിക്കുന്നതാണ് നല്ലത്. പുറം രാജ്യത്തേക്കാണ് പോകുന്നതെങ്കില്‍ അവിടത്തെ പ്രാദേശിക കറന്‍സി കുറച്ച് കൈവശം വെക്കാന്‍ ശ്രമിക്കുക. ചെറുകിട സ്ഥാപനങ്ങളില്‍ പലതും പണം നേരിട്ട് നല്‍കേണ്ടിവരുമെന്നതിനാലാണിത്.

മെഡിക്കല്‍ കിറ്റ്

ബാന്‍േറജുകള്‍, പെയിന്‍ കില്ലറുകള്‍ തുടങ്ങിയവ അടങ്ങിയ മെഡിക്കല്‍ കിറ്റ് യാത്രകളില്‍ കൈവശം വെച്ചിരിക്കണം. നിങ്ങളോ പങ്കാളിയോ പതിവായി കഴിക്കുന്ന മരുന്നുകളും കിറ്റില്‍ ഉള്ളതായി ഉറപ്പാക്കണം.

ക്യാമറ

ചിത്രങ്ങളാണ് മധുവിധു യാത്രകളുടെ ഓര്‍മകള്‍. അതുകൊണ്ട് തന്നെ ക്യാമറഎടുക്കാന്‍ ഒരിക്കലും മറക്കരുത്. ഓര്‍മകള്‍ക്ക് നിറം പകരാന്‍ ഒരുമിച്ചുള്ള നിരവധി ചിത്രങ്ങള്‍ എടുക്കുക.

വസ്ത്രങ്ങള്‍

വസ്ത്രങ്ങള്‍ ശ്രദ്ധയോടെ തെരഞ്ഞെടുക്കുക. പോകേണ്ട സ്ഥലത്തെ കുറിച്ച് പങ്കാളിക്ക് ചെറിയ സൂചനയെങ്കിലും നല്‍കുക.

രാത്രി വസ്ത്രങ്ങള്‍

ശാരീരികമായി അടുപ്പമുണ്ടാകുന്ന സമയം കൂടിയാണ് മധുവിധു രാത്രികള്‍. അതുകൊണ്ട് തന്നെ പങ്കാളിക്കായി സെക്സിയായ രാത്രി വസ്ത്രങ്ങള്‍ എടുക്കാന്‍ മറക്കണ്ട.

സര്‍പ്രൈസ്

പങ്കാളിക്ക് സര്‍പ്രൈസ് ഒരുക്കാന്‍ ശ്രമിക്കുക. ഇതു സംബന്ധിച്ച് ഇന്‍റര്‍നെറ്റില്‍ പരതുകയോ ടൂര്‍ ഓപ്പറേറ്ററോട് അന്വേഷിക്കുകയും ചെയ്യുക.