ആണിനു വേണ്ടാ ഈ പ്രശംസകള്‍

അഭിനന്ദനങ്ങള്‍, ഭംഗി വാക്കുകള്‍ കേള്‍ക്കാന്‍ ഇഷ്ടമില്ലാത്തവര്‍ കുറവായിരിക്കും. ഇത് പുരുഷനാണെങ്കിലും സ്ത്രീയാണെങ്കിലും.

പുരുഷന്മാരുടെ കാര്യമെടുക്കാം. അവര്‍ക്കും അഭിനന്ദനങ്ങള്‍ ഇഷ്ടം തന്നെ. എന്നാല്‍ ചില അഭിനന്ദനങ്ങള്‍, ഭംഗിവാക്കുകള്‍, കേള്‍ക്കാന്‍ ഇവര്‍ ഇഷ്ടപ്പെട്ടുവെന്നു വരില്ല. പ്രേേത്യകിച്ചും സ്ത്രീകളില്‍ നിന്നും.

സെന്‍സിറ്റീവ് എന്ന പ്രയോഗത്തിന് അര്‍ത്ഥങ്ങളേറെയുണ്ട്. തൊട്ടവാടിയെന്നു മലയാള പരിഭാഷ. സെന്‍സിറ്റീവ് എന്ന വാക്ക് പൊതുവെ നല്ല അര്‍ത്ഥത്തില്‍ തന്നെയാണ് ഉപയോഗിക്കാറും. എന്നാല്‍ തങ്ങള്‍ സെന്‍സിറ്റീവാണെന്നു കേള്‍ക്കുന്നത് പുരുഷന്‍ മിക്കവാറും ഇഷ്ടപ്പെടില്ല.

ഇതുപോലെ ഇമോഷണലാണ് താനെന്ന മറ്റുള്ളവരുടെ, പ്രത്യേകിച്ച് സ്ത്രീകളുടെ പരാമര്‍ശവും ഇവര്‍ ഇഷ്ടപ്പെട്ടെന്നു വരില്ല.

ഈ പ്രശ്‌നം നിങ്ങള്‍ പരിഹരിച്ചുവെന്നു വിശ്വസിക്കാനാകുന്നില്ലെന്നു പറഞ്ഞു നോക്കൂ. ഇത് അഭിനന്ദനാര്‍ത്ഥത്തിലാണ് ഉപയോഗിക്കുന്നതെങ്കിലും ആണുങ്ങള്‍ക്ക് ഇത് കേള്‍ക്കാന്‍ ഇഷ്ടമുണ്ടാകില്ല. ഇത് തന്റെ കഴിവിലുള്ള വിശ്വാസക്കുറവായേ ഇവര്‍ കാണൂ.

സ്ത്രീകള്‍ക്കൊപ്പമില്ലെങ്കിലും സൗന്ദര്യത്തില്‍ പുരുഷനും ശ്രദ്ധാലു തന്നെ. ഇതുപോലെ കുടവയര്‍ പുരുഷസൗന്ദര്യത്തെ കുറയ്ക്കുന്ന ഒന്നുമാണ്. നിങ്ങളുടെ ഈ കുടവയര്‍ എനിക്കിഷ്ടമെന്നു പറഞ്ഞാല്‍ ഇത് നെഗറ്റീവായേ പുരുഷന്‍ സ്വീകരിക്കൂ.

വീട്ടുപണികളില്‍ അല്ലെങ്കില്‍ അടുക്കളപ്പണികളില്‍ നിങ്ങള്‍ മിടുക്കനാണെന്ന അഭിനന്ദനവും പുരുഷന്‍ ഇഷ്ടപ്പെട്ടെന്നു വരില്ല. ഇതൊരു പോരായ്മയായേ പല പുരുഷന്മാരും കണക്കാക്കൂ.