ബന്ധവും പ്രായവും തമ്മില്‍....

ഒരു പ്രണയബന്ധത്തിലും വിവാഹബന്ധത്തിലും പല കാര്യങ്ങളും കണക്കിലെടുക്കും. ഇത് ഓരോ വ്യക്തികളെ സംബന്ധിച്ചിടത്തോളം വ്യത്യസ്തവുമായിരിക്കും.

പ്രായക്കൂടുതലും പ്രായക്കുറവും ഇത്തരം ബന്ധങ്ങളില്‍ എന്തെങ്കിലും സ്വാധീനം ചെലുത്തുന്നുണ്ടോയെന്നതാണ് ചോദ്യം.

സാധാരണ സമൂഹത്തിന്റെ ഒരു കാഴ്ചപ്പാടനുസരിച്ച് പ്രണയ, വിവാഹ ബന്ധത്തില്‍ പുരുഷന്‍ പ്രായത്തില്‍ സ്ത്രീയേക്കാള്‍ മുതിര്‍ന്നയാളായിരിക്കണം എന്നാണ് പറയുക.

സ്ത്രീയാണ് പുരുഷനേക്കാള്‍ മുതിര്‍ന്നതെങ്കില്‍ ഇവിടെ കൂടുതല്‍ ഭരണം ലഭിക്കുക സ്ത്രീയ്ക്കാണെന്നു പറയും. പങ്കാളി പ്രായത്തില്‍ മൂത്തതാണെങ്കില്‍, ഇത് സ്ത്രീയാണെങ്കിലും പുരുഷനാണെങ്കിലും താഴെയുള്ള ആള്‍ക്ക് പരിഗണന കൂടുതല്‍ ലഭിക്കുമെന്നും പറയും.

മുതിര്‍ന്ന ഒരാളെ പ്രണയിക്കുമ്പോള്‍, അല്ലെങ്കില്‍ വിവാഹം കഴിയ്ക്കുമ്പോള്‍ അയാള്‍ക്ക് ജീവിതത്തെ പറ്റിയും ലോകപരിചയവും കൂടുതലുണ്ടാകുമെന്നും പറയാം.

പ്രായക്കൂടുതലുള്ള ഒരാളെ പ്രണയിച്ചാല്‍, വിവാഹം ചെയ്താല്‍ അവര്‍ സാമ്പത്തികമായി നല്ല അവസ്ഥയിലായരിക്കാമെന്ന ഗുണവും പലരും പറയും.

എന്തൊക്കെ ഗുണങ്ങളും ദോഷങ്ങളും പറഞ്ഞാലും പ്രായം കൂടുതലെങ്കിലും കുറവെങ്കിലും മനസിന്റെ പൊരുത്തവും പരസ്പരമുള്ള വിട്ടുവീഴ്ചകളുമാണ് ഒരു ജീവിതത്തെ സുന്ദരമാക്കുന്നതെന്ന കാര്യവും ഒാര്‍ത്തിരിക്കുക.