ഡിവോഴ്‌സ് ഒഴിവാക്കും ചില ഓര്‍മകള്‍

പ്രണയിച്ചു വിവാഹിതരായവരാണെങ്കില്‍ ആദ്യത്തെ കണ്ടുമുട്ടലിനെക്കുറിച്ച് ഓര്‍ത്തുനോക്കൂ. എപ്പോഴും മനസില്‍ സൂക്ഷിക്കാന്‍ പറ്റുന്ന ഒരു സന്ദര്‍ഭമാണിത്.

മിക്കവാറും സൗഹൃദങ്ങള്‍ തന്നെയാണ് പ്രണയത്തിലേക്കു വഴി തുറക്കാറ്. ഒരുമിച്ചു പങ്കിട്ട നല്ല സൗഹൃദനിമിഷങ്ങള്‍ ഓര്‍ത്തു നോക്കൂ. ഈ സൗഹൃദം പിരിയണമോയെന്ന ചിന്ത മനസിലെത്തും.

സൗഹൃദം പ്രണയത്തിലെത്തുന്ന നിമിഷവുമുണ്ടാകും. പ്രണയം തുറന്നു പറയുന്ന നിമിഷം. ഇത്തരം നിമിഷങ്ങള്‍ എപ്പോഴും മനസില്‍ ഓര്‍ത്തെടുക്കാം.

പ്രണയത്തിലായ ശേഷം ഒരുമിച്ചു പങ്കിട്ട നല്ല സന്ദര്‍ഭങ്ങളുണ്ടാകും. ഇത്തരം സന്ദര്‍ഭങ്ങള്‍ എല്ലാവരുടേയും മനസില്‍ പച്ച പിടിച്ചു നില്‍ക്കുകയും ചെയ്യും.

ആദ്യമായി പ്രൊപ്പോസ് ചെയ്ത നിമിഷം ഓര്‍ത്തു നോക്കൂ. ഒരു ജീവിതം ഒരുമിച്ച് പങ്കിടാമെന്ന സന്തോഷം ഇടയ്ക്ക് അവസാനിപ്പിക്കണമോയെന്ന ചിന്തയുണ്ടാകും.

വിവാഹിതരാകാന്‍ തീരുമാനിച്ച ശേഷം ഒരുമിച്ചുള്ള വിവാഹഷോപ്പിംഗ് ഓര്‍ക്കാവുന്ന നിമിഷങ്ങളായിരിക്കും.

വിവാഹദിനം ആര്‍ക്കും മറക്കാനാവില്ല. ജീവിതത്തില്‍ ആര്‍ക്കും മറക്കാനാവാത്ത ദിനമായിരിക്കും ഇത്.

ഹണിമൂണ്‍ യാത്രകള്‍ എത്ര കാലം കഴിഞ്ഞാലും ഭാര്യാ ഭര്‍ത്താക്കന്മാരുടെ ഉള്ളില്‍ പച്ച പിടിച്ചു നില്‍ക്കും.

പിണക്കങ്ങളാണ് കൂടുതല്‍ സ്‌നേഹിക്കാന്‍ പഠിപ്പിക്കുന്നത്. ആദ്യത്തെ പിണക്കവും ഇതേത്തുടര്‍ന്നുള്ള ഇണക്കവും ഓര്‍ത്തിരിക്കാവുന്ന ഒന്നാണ്.

കുട്ടികളുള്ളവരാണെങ്കില്‍ ഓര്‍ത്തിരിക്കാവുന്ന ഒരു പ്രധാന ദിവസമാണിത്. ആദ്യമായി അച്ഛനും അമ്മയും ആകാന്‍ പോകുന്നുവെന്നറിഞ്ഞ ദിവസം, കുഞ്ഞുണ്ടായ ദിവസം ആര്‍ക്കും മറക്കാനാവില്ല.