ഇതൊന്നു ആണുങ്ങള്‍ സമ്മതിക്കില്ല

വിവാഹിതരായ പുരുഷന്മാര്‍ സമയം തികയുന്നില്ലെന്ന പരാതി കാണും. ഭാര്യ സ്വന്തം വീട്ടില്‍ പോകാനൊരുങ്ങുമ്പോള്‍ കുറച്ചു ദിവസത്തേക്കെങ്കിലും ബാച്ചിലര്‍ ജീവിതം ആഘോഷിക്കാമല്ലോ എന്നു പറയുന്നവരും കാണും. എന്നാല്‍ ഇത് പുറമേയുള്ള കാണിക്കല്‍ മാത്രമായിരിക്കും. ജോലി കഴിഞ്ഞോ പുറത്തു പോയോ തിരിച്ചു വരുമ്പോള്‍ വീട്ടില്‍ ഭാര്യ കാണുന്നതു തന്നെയാണ് ഇവര്‍ക്കു സന്തോഷം.

ഭാര്യയുടെ പാചകം സ്വന്തം അമ്മയുടെ പാചകത്തേക്കാള്‍ മികച്ചതാണെങ്കിലും മിക്കവാറും പുരുഷന്മാര്‍ ഇത് തുറന്നു സമ്മതിച്ചു തരില്ല. ഭാര്യയുടെ മുന്‍പിന്‍ അമ്മ ചെറുതാകുന്നുവെന്ന തോന്നലായിരിക്കും ഇതിന് പ്രേരിപ്പിക്കുന്നത്.

ഭാര്യ വയ്ക്കുന്ന ഭക്ഷണം കഴിയ്ക്കാന്‍ ഏതു ഭര്‍ത്താക്കന്മാര്‍ക്കും ആഗ്രഹമുണ്ടാകും. എന്നാല്‍ ഇതും ഇവര്‍ സമ്മതിച്ചു തന്നെന്നു വരില്ല.

ഭാര്യയ്‌ക്കൊപ്പം പോകുമ്പോള്‍ ഭംഗിയുള്ള മറ്റു സ്ത്രീകളെ കണ്ടാല്‍ ശ്രദ്ധിക്കുന്ന പുരുഷന്മാരുണ്ട്. എന്നാല്‍ ആ സ്ത്രീയുടെ സൗന്ദര്യം ശ്രദ്ധിച്ചില്ലേ എന്നു ഭാര്യ ചോദിച്ചാല്‍ ആര് എന്നായിരിക്കും മറു ചോദ്യം.

ഭാര്യ സുന്ദരിയാണെങ്കിലും മിക്കവാറും പുരുഷന്മാര്‍ ഇക്കാര്യം സമ്മതിച്ചു കൊടുക്കില്ല. പകരം തമാശയ്‌ക്കെങ്കിലും കളിയാക്കാനേ ഒരുങ്ങൂ