വിവാഹത്തെ ഭയക്കുന്നവര്‍?

വിവാഹം വേണ്ടെന്നു വയ്ക്കുന്ന രണ്ടു കൂട്ടരുണ്ട്. വിവാഹത്തോട് താല്‍പര്യമില്ലാത്തവരായിരിക്കും ഒരു കൂട്ടര്‍, വിവാഹം വെറുക്കുന്നവര്‍ എന്നു വേണമെങ്കില്‍ പറയാം. മറ്റൊരു കൂട്ടരാകട്ടെ, വിവാഹത്തെ ഭയക്കുന്നവരും.

വിവാഹം ഭയപ്പെടുത്തുന്നവര്‍ക്ക് ഇതിന് ചൂണ്ടിക്കാണിക്കാനുള്ള കാരണങ്ങളും പലതായിരിക്കും. ഉത്തരവാദിത്വങ്ങള്‍ മറന്നായിരിക്കും ചിലരെങ്കിലും വിവാഹം വേണ്ടെന്നു വയ്ക്കുന്നത്. വിവാഹത്തെയല്ലാ, ഉത്തരവാദിത്വങ്ങളെ ഭയക്കുന്നവരെന്നാണ് ഇവരെക്കുറിച്ചു പറയേണ്ടത്.

വിവാഹജീവിതം വിട്ടുവീഴ്ചകളുടേതു കൂടിയാണ്. ഇത്തരം വിട്ടുവീഴ്ചകള്‍ക്ക് തയ്യാറാകാത്തവരും വിവാഹത്തെ ഭയക്കുക തന്നെ ചെയ്യും.

എപ്പോഴും സ്വന്തം ഇഷ്ടങ്ങള്‍ക്കു മാത്രം മുന്‍തൂക്കം നല്‍കുകയും ഇതുമാത്രം നടത്തുന്നവരുമുണ്ട്. എന്നാല്‍ വിവാഹജീവിതത്തില്‍ ഇത് സാധ്യമായെന്നു വരില്ല. പരസ്പരമുള്ള താല്‍പര്യങ്ങള്‍ സംരക്ഷിക്കേണ്ടത് ആവശ്യം. സ്വന്തം ഇഷ്ടം എപ്പോഴും നടപ്പാക്കണമെന്നു ഇതില്‍ അല്‍പം പോലും വിട്ടുവീഴ്ച ചെയ്യില്ലെന്നുമുള്ളവരും വിവാഹം കഴിയ്ക്കാന്‍ മടിക്കും. കാരണം ഇത്തരം തന്നിഷ്ടങ്ങള്‍ വിവാഹജീവിതത്തില്‍ പ്രശ്‌നമുണ്ടാക്കുമെന്ന് അറിയുന്നതു കൊണ്ടു തന്നെ.

വിവാഹത്തെ തുടര്‍ന്നു ലഭിക്കുന്ന പങ്കാളിയെ പറ്റിയുള്ള ഭയവും ചിലരെ വിവാഹത്തില്‍ നിന്ന് അകറ്റി നിര്‍ത്തും. ലഭിക്കുന്ന ഭാര്യ, അല്ലെങ്കില്‍ ഭര്‍ത്താവ് പ്രശ്‌നക്കാരാണെങ്കില്‍ ജീവിതമേ ഇല്ലാതാകുമെന്ന ഭയവും ചിലര്‍ക്ക് വിവാഹം കഴിയ്ക്കുന്നതില്‍ നിന്നും വിലക്കും.

പ്രണയിക്കുന്നവരും ചിലപ്പോഴെങ്കിലും വിവാഹത്തെ ഭയക്കാറുണ്ട്. വിവാഹത്തിന് ശേഷം പര്‌സപമുള്ള പ്രണയം നഷ്ടപ്പെടുമോ, പങ്കാളിയുടെ സ്വാഭാവം മാറുമോ തുടങ്ങിയ ചിന്തകളായിരിക്കും ഇതിന് പിന്നില്‍.