ഇണക്കം, പിന്നെ പിണക്കം

Relationship

oi-Saritha

By Veena

Published: Wednesday, June 6, 2012, 15:17 [IST]

ഇണക്കങ്ങളും പിണക്കങ്ങളുമെല്ലാം എല്ലതരം ബന്ധങ്ങളിലും സര്‍വസാധാരണമാണ്. ഇത് പ്രണയത്തിലുമുണ്ട്. എന്നാല്‍ കാമുകിയുടെ സ്വഭാവം അടിക്കടി മാറിക്കൊണ്ടിരിക്കുകയാണെങ്കിലോ, ചിലപ്പോള്‍ ദേഷ്യം, തൊട്ടടുത്ത നിമിഷം സ്‌നേഹം, പെട്ടെന്ന് സങ്കടം. കഷ്ടപ്പെട്ടു പോകില്ലേ, കാമുകന്‍.

സ്ത്രീകളുടെ ഇത്തരം മൂഡു മാറ്റത്തിന് പുറകില്‍ പല കാരണങ്ങളുമുണ്ട്. ചിലപ്പോള്‍ ഇതിന് കാരണം ഹോര്‍മോണ്‍ പ്രശ്‌നങ്ങളായിരിക്കും. ഗര്‍ഭകാലത്തും മാസമുറ സമയത്തും മെനോപോസിലും ഹോര്‍മോണ്‍ മാറ്റങ്ങള്‍ സ്ത്രീകളുടെ മാനസിക നിലയെ ബാധിക്കാറുണ്ട്. ചില സ്ത്രീകള്‍ക്ക് ഇത്തരം സമയങ്ങളില്‍ ഡിപ്രഷന്‍ വരെ അനുഭവപ്പെടും. മൂഡുമാറ്റത്തിനുള്ള യഥാര്‍ത്ഥ കാരണം അറിയേണ്ടത് പ്രധാനം.

ഇത്തരം സന്ദര്‍ഭങ്ങളില്‍ അല്‍പസമയം അവരെ ഒറ്റയ്ക്കു വിടുക. ഇത് ഒരു പരിധി വരെ പ്രയോജനം ചെയ്യും. പിന്നീട് ഗേള്‍ഫ്രണ്ടിനോട് കാര്യങ്ങള്‍ തിരക്കാം. അവള്‍ക്ക് പ്രശ്‌നങ്ങള്‍ തുടന്നു പറയാനുള്ള സമയം നല്‍കാം. പ്രശ്‌നങ്ങളില്‍ നിങ്ങള്‍ ഒപ്പമുണ്ടാകുമെന്ന ഉറപ്പ് ഒരു പരിധി വരെയെങ്കിലും കാമുകിയെ സഹായിക്കും.

ഗേള്‍ഫ്രണ്ടുമായി ചെലവഴിക്കാന്‍ സമയം കണ്ടെത്തുക. ഇത് ഇരുകൂട്ടര്‍ക്കും ആശ്വസമാകും. സിനിമയ്‌ക്കോ ഡിന്നറിനോ അല്ലെങ്കില്‍ വെറുതെ നടക്കാനോ ഒരുമിച്ചു പോവുക. പതിവ് ദിനചര്യകളുടെ ബോറടിയില്‍ നിന്നും ഇത് രണ്ടു കൂട്ടര്‍ക്കും ആശ്വാസം നല്‍കും. ഗേള്‍ഫ്രണ്ടിന്റെ മൂഡോഫ് മാറുകയും ചെയ്യും.

ഏതെങ്കിലും പ്രത്യേക കാര്യത്തിന്റെ പേരിലാണ് ഈ മൂഡോഫെങ്കില്‍, ഇതിന് പെട്ടെന്ന് പരിഹാരം കണ്ടെത്താന്‍ സാധിക്കില്ലെങ്കില്‍ ഇക്കാര്യത്തെക്കുറിച്ചുള്ള ചിന്ത തിരിച്ചുവിടാന്‍ ശ്രമിക്കുക. മറ്റെന്തെങ്കിലും കാര്യത്തെക്കുറിച്ച് സംസാരിക്കുക.

ഇത്തരം ഭാവമാറ്റങ്ങള്‍ നിസാരമായി തള്ളിക്കളയാനാവില്ലാ, പരിഹരിക്കാനാവില്ലായെന്നുണ്ടെങ്കില്‍ കൗണ്‍സിലറുടെ സഹായം തേടാം.