പ്രണയം ചോര്‍ന്നു പോകുന്നുവോ?

Published: Friday, June 1, 2012, 14:31 [IST]

ചിലര്‍ക്കെങ്കിലും ചിലപ്പോഴെങ്കിലും പ്രണയവും മടുക്കും. നിങ്ങള്‍ക്കെന്നോട് സ്‌നേഹം കുറഞ്ഞുവെന്നുള്ള പരാതി മറുവശത്തു നിന്നു കേള്‍ക്കുമ്പോള്‍ ഇക്കാര്യം നിഷേധിക്കാനാവത്ത അവസ്ഥ. കാമുകനോട്, അല്ലെങ്കില്‍ കാമുകിയോട് താല്‍പര്യക്കുറവ് തുടങ്ങിയോയെന്നു തിരിച്ചറിയാന്‍ ചില ലക്ഷണങ്ങളുമുണ്ട്.

പ്രണയത്തിന് അല്‍പം കഴിയുമ്പോള്‍ താല്‍പര്യക്കുറവ് തോന്നിക്കുക. തുടക്കത്തിലുണ്ടായിരിക്കുന്ന ആ താല്‍പര്യം, ആവേശം കുറഞ്ഞെന്നു മനസിലാക്കാന്‍ അവനവനു തന്നെ കഴിയും. പഴയ എക്‌സൈറ്റ്‌മെന്റ് ഇല്ലെന്നു വേണമെങ്കില്‍ പുതുഭാഷയില്‍ പറയാം.

പരസ്പരം കാണുന്നതിനേക്കാള്‍ ഒഴിവാക്കാന്‍ കാരണങ്ങള്‍ അമ്പേഷിച്ചു പിടിക്കുക. മുന്‍പ് എപ്പോഴും കാണണമെന്ന തോന്നലുണ്ടായിരുന്ന കമിതാക്കള്‍ പരസ്പരം ഒഴിവാക്കാന്‍ ശ്രമിക്കുമ്പോള്‍ പ്രണയം മരിച്ചു കൊണ്ടിരിക്കുകയാണെന്ന് മനസിലാക്കാന്‍ മറ്റെന്തു വേണം.

പ്രണയിക്കുന്നവര്‍ക്ക് പരസ്പര ആകര്‍ഷണം തോന്നുന്നത് സ്വാഭാവികം. ഇത്തരം ആകര്‍ഷണം കുറയുന്നത് പരസ്പമുള്ള ഇഷ്ടം കുറയുന്നതിന്റെ ലക്ഷണമാണ്.

ഇഷ്ടപ്പെടുന്നവര്‍ തമ്മില്‍ ആശയവിനിമയവും ഉണ്ടാകും. മണിക്കൂറുകള്‍ നിര്‍ത്താതെ സംസാരിച്ചു കൊണ്ടിരുന്നവര്‍ക്ക് പരസ്പരം മിണ്ടാന്‍ തോന്നാതിരിക്കുക, സംസാരിക്കാന്‍ വിഷയമുണ്ടാകാതിരിക്കുക, പരസ്പം സംസാരിച്ചില്ലെങ്കിലും ഒരു ബുദ്ധിമുട്ടും തോന്നാതിരിക്കുക തുടങ്ങിയവയെല്ലാം പ്രണയം കുറയുന്നതിന്റെ ലക്ഷണങ്ങള്‍ തന്നെയാണ്.

പ്രണയിക്കുന്നവരുടെ ലക്ഷ്യം മിക്കപ്പോഴും ഒന്നായിരിക്കും. ഇരുവര്‍ക്കും ഇതില്‍ നിന്നും വ്യത്യസ്തമായി നിന്റെ വഴി, എന്റെ വഴി എന്നൊരു തോന്നലുണ്ടാകുന്നതു തന്നെ പ്രണയം കുറഞ്ഞുവെന്നതിന്റെ തെളിവാണ്. അവനവനെ പറ്റി മാത്രം ചിന്തിക്കുന്നുവെന്നതാണ് കമിതാക്കള്‍ വ്യത്യസ്ത വഴി തെരഞ്ഞെടുക്കുമ്പോള്‍ മനസിലാകുക.