സ്ത്രീയെന്നാല്‍, ചില തമാശകളും

Relationship

oi-Saritha

By Veena

Published: Thursday, May 3, 2012, 15:14 [IST]

സ്ത്രീകളെപ്പറ്റി പല തമാശകളും പറഞ്ഞു കേള്‍ക്കാറുണ്ട്. പ്രത്യേകിച്ച് പുരുഷന്മാരുടെ കണ്ണില്‍ തമാശയെന്നു തോന്നുന്ന ചിലത്. ചിലപ്പോഴെങ്കിലും ദേഷ്യം പിടിപ്പിക്കുന്ന ചിലത്.തിരിഞ്ഞും മറിഞ്ഞും ആലോചിച്ചാലും ഇതിന്റെ ഉള്ളടക്കം പിടികിട്ടുകയുമില്ല.

എങ്ങോട്ടു തിരിഞ്ഞാലും സന്തതസഹചാരിയായി സ്ത്രീകളുടെ കയ്യില്‍ ഉണ്ടാകും, ഒരു ഹാന്റ്ബാഗ്. ഇതില്‍ ഇത്ര ഭദ്രമായി കൊണ്ടു നടക്കുന്നതെന്താണെന്ന് പലപ്പോഴും സംശയം തോന്നുന്നത് സ്വാഭാവികം.

ഷോപ്പിംഗ് മിക്കവാറും സ്ത്രീകളുടെ ദൗര്‍ബല്യം തന്നെയാണെന്നു പറയാം. എത്ര വസ്ത്രങ്ങള്‍ വാങ്ങിക്കൂട്ടിയാലും മതിയാവില്ല. എന്നിട്ടും എന്തെങ്കിലും ആഘോഷവേളയിലോ പുറത്തു പോകാനിറങ്ങുമ്പോഴോ അലമാരി തുറന്ന് കുറേ നേരം നോക്കി നില്‍ക്കുന്നത് സ്ത്രീ സഹജം, പിന്നാലെ വാക്കുകളുമുണ്ടാകും, 'എനിക്കൊന്നും ഇടാനില്ല'. ഇവള്‍ക്കിതെന്തിന്റെ കേടാണെന്ന് ഏതു പുരുഷനും ചിന്തിച്ചു വശം കെടും.

മറ്റുള്ളവരുടെ മുന്നില്‍ താന്‍ അധികം ഭക്ഷണം കഴിയ്ക്കില്ലെന്ന് അഭിനയിക്കുന്നതും സ്ത്രീ സ്വഭാവം. എന്നാല്‍ തനിയെയാകുമ്പോള്‍ ആവശ്യത്തിന് കഴിയ്ക്കുകയും ചെയ്യും. ഇതെന്തിന് എന്ന ചോദ്യത്തിന് വ്യക്തമായ അര്‍ത്ഥമില്ല. ഒരു സ്വഭാവം എന്നേ പറയാനാവൂ.

ടിവി സീരിയലുകളുടെ പേരിലാണ് സ്ത്രീകള്‍ ഏറെ പഴി കേള്‍ക്കാറ്. ഇതു കാണുന്നതിന് പിന്നില്‍ തന്നേക്കാള്‍ മോശക്കാരായ സ്ത്രീകളുണ്ട് എന്ന സമാധാനമാണെന്ന് തമാശയുമുണ്ട്.

ഇതിന് പുറമെ സ്ത്രീകളെ നിര്‍വചിക്കാവുന്ന ചില കാര്യങ്ങളുണ്ട്. തനിക്കുള്ളതു പോലുള്ള വസ്ത്രം മറ്റൊരാള്‍ ധരിച്ചാല്‍ ഇവര്‍ക്ക് ഈര്‍ഷ്യ തോന്നും. സാധനങ്ങള്‍ വാങ്ങാന്‍ ഉദ്ദേശമില്ലെങ്കിലും തര്‍ക്കിച്ചു കൊണ്ടിരിക്കും.

70 ശതമാനം സ്ത്രീകളും സെക്‌സിനേക്കാള്‍ ചോക്ലേറ്റ് ഇഷ്ടപ്പെടുന്നവരാണത്രെ.

ഇവയെല്ലാം തമാശ രൂപത്തില്‍ പറയുന്ന കാര്യങ്ങള്‍ മാത്രമാണ്. ചില യാഥാര്‍ത്ഥ്യങ്ങള്‍ തള്ളിക്കളയാനാവില്ലെങ്കിലും.