നീയെന്നെ അറിയുന്നുവെങ്കില്‍...

ഫോണ്‍ പരിശോധന വേണ്ട. ഇത് പലപ്പോഴും സംശയലക്ഷണമായേ ആരും കണക്കാക്കൂ. സംശയവും വിശ്വാസക്കുറവും ഒരു ബന്ധത്തിന്റെ ആണിക്കല്ലിളക്കും. എത്ര അടുപ്പമുണ്ടെങ്കിലും മറ്റുള്ളവരുടെ സ്വകാര്യതയില്‍ കടന്നു കയറുന്നത് നല്ല ശീലവുമല്ല.

സമ്മാനങ്ങള്‍ പുരുഷന്മാരേക്കാള്‍ സ്ത്രീകള്‍ ഇഷ്ടപ്പെടും. പക്ഷേ സമ്മാനം തെരഞ്ഞെടുക്കുന്ന കാര്യത്തിലും പ്രത്യക ശ്രദ്ധ വേണം. ചെരിപ്പുകളും മറ്റും സമ്മാനമായി കൊണ്ടുകൊടുത്താല്‍ ആര്‍ക്കും പിടിച്ചെന്നു വരില്ല. പങ്കാളിയുടെ ഇഷ്ടത്തെക്കുറിച്ച് അറിയില്ലെങ്കില്‍ ഷോപ്പിംഗിന് കൂട്ടിക്കൊണ്ടു പോകുന്നതായിരിക്കും നല്ലത്.

സ്‌നേഹവും പ്രണയവും സ്ത്രീകള്‍ക്ക് മനസിലാകും. പക്ഷേ ഇതൊരിക്കലും സ്വാര്‍ത്ഥമാകരുത്. സ്വാര്‍ത്ഥത സ്‌നേഹത്തിന്റെ ഭംഗി കളയും. സ്വാര്‍ത്ഥതയുടെ പര്യായങ്ങളാണ് വിശ്വാസക്കുറവ്, അരക്ഷിതാവസ്ഥ, അസൂയ തുടങ്ങിയവ. നിങ്ങളുടെ പങ്കാളിയുടെ കാര്യത്തില്‍ സ്വാര്‍ത്ഥത കാണിക്കുമ്പോള്‍ ഇത്തരം കാര്യങ്ങളും കൂടെയുണ്ടാകുമെന്ന് ഓര്‍ക്കുക. പരിധി കവിഞ്ഞുള്ള സ്വാര്‍ത്ഥത ബന്ധം തകര്‍ക്കുമെന്ന് അറിയുക.

പങ്കാളിയുടെ ഇഷ്ടവും അനിഷ്ടവും പരസ്പരം അറിഞ്ഞിരിക്കുക. ഇത് ബന്ധത്തിന് കൂടുതല്‍ ഉറപ്പു നല്‍കും. പങ്കാളിയെ ശരിയായി തിരിച്ചറിയുന്നുവെന്നാണ് ഇത്തരം കാര്യങ്ങള്‍ സൂചിപ്പിക്കുന്നത്.