ദാമ്പത്യം പങ്കുവയ്‌ക്കേണ്ടാത്ത ചില കാര്യങ്ങള്‍

Relationship

oi-Saritha

By Veena

Published: Thursday, April 19, 2012, 15:40 [IST]

ദാമ്പത്യം സുഖവും ദുഖവുമുള്‍പ്പെടെ എല്ലാം പങ്കു വയ്ക്കലാണെന്നു പറയും. ഈ പങ്കുവയ്പ് ചിലപ്പോള്‍ അബദ്ധം ക്ഷണിച്ചു വരുത്തുമോയെന്ന് ചിലപ്പോഴെങ്കിലും ചിലര്‍ക്കെങ്കിലും തോന്നിയിരിക്കം. ദാമ്പത്യത്തില്‍ ഒഴിവാക്കേണ്ട ചില പങ്കുവയ്പുകളിതാ,

ഫേസ്ബുക്ക് ഇപ്പോള്‍ ഒരു ട്രെന്റായിട്ടുണ്ടെന്നു തന്നെ പറയാം. ഇതിലൂടെ കണ്ടുമുട്ടി വിവാഹിതരായവരുടെ കഥകളും സുലഭം. എന്നാല്‍ ഫേസ്ബുക്ക് പാസ്‌വേഡ് പങ്കാളിയുമായി പങ്കുവയ്ക്കുന്നത് ചിലപ്പോഴെങ്കിലും അബദ്ധമായേക്കാം. സ്‌നേഹത്തിന്റെ കാര്യത്തില്‍ പുരുഷനായാലും സ്ത്രീയായാലും അല്‍പം സ്വാര്‍ത്ഥത കാണിക്കുന്നത് സ്വാഭാവികം. ഫേസ്ബുക്ക് പരസ്പരം പരിശോധിക്കുമ്പോള്‍ എത്ര അടുപ്പമുള്ളവരെങ്കിലും ചിലപ്പോഴെങ്കിലും സംശയമുണ്ടാകാന്‍ സാധ്യതയുമുണ്ട്.

സ്വന്തം മൊബൈലിലെ മെസേജുകളും പരസ്പരം കാണിക്കുകയും ചര്‍ച്ച ചെയ്യുന്നതും സംശയാലുവായ പങ്കാളികളാണെങ്കില്‍ അപകടം ക്ഷണിച്ചു വരുത്തും.

പങ്കാളിക്കു പരിചയമില്ലാത്ത നിങ്ങളുടെ സുഹൃത്തിന്റെ നമ്പര്‍ പരസ്പരം കൊടുക്കുന്നത് ഒഴിവാക്കണം. എത്ര വിശ്വാസമുള്ളവരാണെങ്കിലും ഇതൊരു പക്ഷേ സുഹൃത്ത് അല്ലെങ്കില്‍ പങ്കാളി ദുരുപയോഗം ചെയ്‌തേക്കാം.

സ്വന്തം സമ്പാദ്യത്തെക്കുറിച്ച്, പുരുഷന്മാര്‍ പ്രത്യേകിച്ച്, രഹസ്യമായി സൂക്ഷിക്കുന്നത് ചിലപ്പോഴെങ്കിലും ഗുണം ചെയ്യും. ഇഷ്ടപ്പെട്ട എന്തെങ്കിലും ഭാര്യ വാങ്ങിച്ചു കൊടുക്കാന്‍ ആവശ്യപ്പെട്ടാല്‍ ഇത് നിരാകരിക്കാന്‍ ബുദ്ധിമുട്ടു വരും. വാങ്ങിക്കില്ലെന്നു പറഞ്ഞാല്‍ സമ്പാദ്യമുണ്ടെന്നറിയാവുന്ന പങ്കാളി വഴക്കിടാനും സാധ്യയുണ്ട്.

ഇതെല്ലാം എല്ലാവരുടെ കാര്യത്തിലും പ്രശ്‌നമുണ്ടാക്കില്ലെന്നും ഓര്‍ത്തിരിക്കണം.