ചില 'പെണ്‍'കള്ളങ്ങള്‍

Relationship

oi-Saritha

By Veena

Published: Monday, April 16, 2012, 16:06 [IST]

സ്ത്രീകളായാലും പുരുഷന്മാരായാലും പരസ്പരബന്ധത്തില്‍ ചിലതെല്ലാം മറച്ചു പിടിക്കുകയും കള്ളം പറയുകയും ചെയ്യും. നിരുപദ്രവകരമാണെങ്കിലും ഇവയ്ക്ക് പലപ്പോഴും ചില പൊതുസ്വഭാവങ്ങളുമുണ്ടാകും. സ്ത്രീകള്‍ പൊതുവെ പറയുന്ന കള്ളങ്ങള്‍ എന്തൊക്കെയാണെന്നറിയാന്‍ ആഗ്രഹമുണ്ടോ.

പര്‌സപരം പ്രണയിക്കുന്ന രണ്ടുപേരുടെ ഇടയില്‍ വിവാഹത്തിന്റെ വിഷയം കടന്നുവന്നാല്‍ ഇപ്പോള്‍ വിവാഹമൊന്നും വേണ്ടെന്നു പറയുന്ന കാമുകിമാരെ കാണാം. ഇതു കൊണ്ട് അവര്‍ രണ്ടുകാര്യങ്ങളായിരിക്കും ഉദ്ദേശിക്കുന്നത്. ഒന്നുകില്‍ ബോയ്ഫ്രണ്ടില്‍ നിന്ന് അകലാന്‍ ശ്രമിക്കുന്നു. അല്ലെങ്കില്‍ വിവാഹത്തിന് കാമുകന്റെ ഭാഗത്തു നിന്നുള്ള നിര്‍ബന്ധവും മുന്‍ഗണനയും ആഗ്രഹിക്കുന്നു. പരസ്പര ബന്ധത്തെ കരുതലോടെയാണ് കാണുന്നതെന്നര്‍ത്ഥം.

ഷോപ്പിംഗ് ചെയ്യുമ്പോള്‍ തനിക്കു വാങ്ങിയ സാധനത്തിന് ഞാന്‍ കൊടുത്തോളാം എന്നു പറയും. പക്ഷേ ഇത് മനിസില്ലാമനസോടെയുള്ള പറച്ചിലാണെന്നു തിരിച്ചറിയുക. പണം ചെലവാക്കുന്നത് ബോയ്ഫ്രണ്ടു തന്നെയാകണം എന്നായിരിക്കും മിക്കവാറും പേര്‍ ആഗ്രഹിക്കുക.

കാമുകന്‍ ആരെ നോക്കിയാലും പ്രശ്‌നമില്ലെന്നു പറയുന്ന, അങ്ങനെ ഭാവിക്കുന്ന പെണ്‍കുട്ടികളുണ്ടാകും. ഇതു വെറും പാഴ്‌വാക്ക്. ഇതു മുഖവിലയ്‌ക്കെടുത്ത് മറ്റു സ്ത്രീകളെ നോക്കിയാല്‍ വിവരമറിയും. ഒരു ബന്ധം തകരാന്‍ ചിലപ്പോള്‍ ഇതു തന്നെ ധാരാളം.

എനിക്കിതുവരെ മറ്റൊരു പുരുഷനോടും ഇഷ്ടമോ താല്‍പര്യമോ ആരാധനയോ തോന്നിയിട്ടില്ലെന്നു പറയുന്നവരുണ്ടാകും. ഇത് കള്ളമായിരിക്കും. കാമുകന്റെ കണ്ണില്‍ പൊടിയിടാനുള്ള തന്ത്രം.

ഇത്തരം കാര്യങ്ങള്‍ എല്ലാവരുടേയും കാര്യത്തില്‍ സംഭവിക്കുന്ന പൊതുകാര്യങ്ങള്‍ മാത്രം. വ്യത്യാസങ്ങളുണ്ടാകാം.