പുരുഷന്‍ എളുപ്പം തെറ്റിദ്ധരിക്കപ്പെടും

സ്ത്രീയുടെയും പുരുഷന്റെയും അടിസ്ഥാന സ്വാഭാവങ്ങള്‍ തമ്മിലുള്ള വ്യത്യാസം തന്നെയാണ് ഇത്തരം തെറ്റിദ്ധാരണകള്‍ക്കുള്ള പ്രധാന കാരണം. ഒരോരുത്തരും അവരുടേതായ കാഴ്ചപ്പാടിലാണ് ഒരോ കാര്യങ്ങള്‍ കാണുന്നതും വിലയിരുത്തുകയും ചെയ്യുന്നത്.

സ്ത്രീയുടെ അത്രയും വികാരങ്ങള്‍ പ്രകടിപ്പിക്കാനുള്ള കഴിവ് പുരുഷന് കുറവാണ്. ഇത് സ്ത്രീകളില്‍ പുരുഷനെ പറ്റി തെറ്റിദ്ധാരണകള്‍ ഉണ്ടാക്കാന്‍ പ്രധാന കാരണമാകും. ഉദാഹരണത്തിന് സ്‌നേഹം പുറമെ പ്രകടിപ്പിക്കാനറിയാത്ത പുരുഷന്മാരുണ്ട്. ഇത് സ്‌നേഹമില്ലാത്തയാള്‍ എന്ന ധാരണയായിരിക്കും സ്ത്രീയിലുണ്ടാക്കുക.

പ്രതീക്ഷകള്‍ പലപ്പോഴും വില്ലനാകാറുണ്ട്. പ്രതീക്ഷിച്ച് നിരാശപ്പെടുന്നവരില്‍ സ്ത്രീകളാണ് മുന്‍പന്തിയില്‍. ആഗ്രഹിച്ച വാക്കോ പ്രവൃത്തിയോ പുരുഷനില്‍ നിന്നുണ്ടാകാതാകുമ്പോള്‍ അയാളെ പാടെ തെറ്റിദ്ധരിച്ചു കളയും ചിലര്‍.

സംസാരിക്കില്ല എന്ന പരാതി ആണുങ്ങളെക്കുറിച്ച് സ്ത്രീകള്‍ പൊതുവെ പറയുന്നതാണ്. ഇത് സ്‌നേഹമില്ലാത്തവന്‍, മൂരാച്ചി തുടങ്ങിയ ധാരണങ്ങള്‍ക്കു വഴി വയ്ക്കും. പുരുഷന്മാര്‍ പൊതുവെ ഗൗരവപ്രകൃതക്കാരാണെന്ന കാര്യമൊന്നും സ്ത്രീകള്‍ ഓര്‍ത്തെന്നു വരില്ല. കാര്യങ്ങള്‍ തുറന്നു പറയാത്തത് പലപ്പോഴും സ്ത്രീകളുടെ കണ്ണില്‍ പുരുഷനെ തെറ്റുകാരനാക്കും.

തെറ്റിദ്ധാരണകളുണ്ടാക്കുന്ന പുകില്‍ ചില്ലറയൊന്നുമല്ല. ഇതൊഴിവാക്കാന്‍ മനസു തുറന്നുള്ള സംസാരമാണ് പ്രധാനമെന്നോര്‍ക്കുക.