മേക്കപ്പില്‍ ഇവന് താല്‍പര്യമില്ല

പുരുഷന്റെ ഈ മേക്കപ്പ് വിരോധത്തിന് പിന്നില്‍ പല കാര്യങ്ങളുമുണ്ട്. സ്ത്രീകളുടെ സൗന്ദര്യം തന്നെയായിരിക്കും ഒറ്റനോട്ടത്തില്‍ അവനെ ആകര്‍ഷിക്കുക. എന്നാല്‍ സ്വാഭാവിക സൗന്ദര്യത്തിലാണെന്നു മാത്രം.

പുറംമോടിയേക്കാള്‍ മനസിന്റെ സൗന്ദര്യത്തില്‍ ആകൃഷ്ടരാകുന്നവരുണ്ട്. ഇവരില്‍ പലരും ബാഹ്യസൗന്ദര്യത്തിന് അധികം വില കല്‍പിക്കുന്നവരുമാകില്ല. മേക്കപ്പിട്ടാലും കാര്യമില്ലെന്നര്‍ത്ഥം.

മിക്കവാറും ആണുങ്ങളുള്‍പ്പെട്ട സമൂഹം ധാരാളം മേക്കപ്പിട്ട സ്ത്രീകളെ ഒരു വിചിത്രജീവിയെന്നോണമാണ് വീക്ഷിക്കുക. ഇത്തരം സ്ത്രീകളെ മറ്റുള്ളവര്‍ ശ്രദ്ധിക്കുമായിരിക്കും. എന്നാല്‍ ഇവരെ അടുപ്പിക്കാന്‍ ചിലരെങ്കിലും ഒന്നു മടിക്കും.

സ്ത്രീയുടെ ശാലീനതയെ ആഗ്രഹിക്കുന്ന പുരുഷന്മാരുമുണ്ട്. ഇത്തരക്കാര്‍ക്ക് മേക്കപ്പിനോട് അലര്‍ജി വന്നില്ലെങ്കിലല്ലേ അദ്ഭുതമുള്ളൂ.

1942 എ ലവ്‌സ്‌റ്റോറിയിലെ മനീഷ കൊയരാള, പരീണിതയിലെ വിദ്യാ ബാലന്‍ തുടങ്ങിയവരുടെ ശാലീനമുഖങ്ങളായിരിക്കും ഇവരുടെ മേക്കപ്പുള്ള മുഖത്തേക്കാള്‍ ആളുകളുടെ മനസില്‍ പതിഞ്ഞിട്ടുണ്ടാവുക.