സ്ത്രീയുടെ കണ്ണില്‍ മര്യാദക്കാരനാകാം

ശ്രദ്ധ ചില ചെറിയ കാര്യങ്ങളില്‍ നിന്നും തുടങ്ങണം. ഒരു സ്ത്രീ കൂടെയുണ്ടെങ്കില്‍, അത് യാത്ര ചെയ്യുമ്പോഴാണെങ്കിലും പുറത്തു പോയി ഭക്ഷണം കഴിയ്ക്കുമ്പോഴാണെങ്കിലും മുന്‍ഗണന അവള്‍ക്കാകണം. സ്ത്രീക്കു വേണ്ടി വാതില്‍ തുറന്നു കൊടുക്കുക, അവള്‍ ഇരുന്ന ശേഷം ഇരിക്കുക തുടങ്ങിയ ചെറിയ കാര്യങ്ങള്‍ മതി, എത്ര മാന്യന്‍ എന്ന തോന്നല്‍ സ്ത്രീക്കുണ്ടാകും.

പാര്‍ട്ടിയിലാണെങ്കിലും ഒറ്റയ്ക്കാണെങ്കിലും അനാവശ്യമായ സംസാരമോ ചേഷ്ടകളോ പെരുമാറ്റമോ സ്ത്രീകളോടെടുക്കരുത്. അവസരം മുതലെടുക്കുന്നവര്‍ എന്ന തോന്നല്‍ ഒരുക്കലും ഒരു സ്ത്രീയുടെ മനസില്‍ ഉണ്ടാക്കരുത്. മാത്രമല്ലാ, നിങ്ങളുടെ കൂടെ വരുന്ന സ്ത്രീയെ സംരക്ഷിക്കാനുള്ള ഉത്തരവാദിത്വം ഏറ്റെടുക്കുകയും ചെയ്യണം. ഇത്തരം കാര്യങ്ങള്‍ പുരുഷന് സ്ത്രീയുടെ മനസില്‍ ജെന്റില്‍മാന്‍ ഇമേജ് ഉണ്ടാക്കുകയും ചെയ്യും.

സ്ത്രീകളെ ബഹുമാനിക്കുന്ന പുരുഷനോട് സ്ത്രീക്കും ബഹുമാനമുണ്ടാകും. മാത്രമല്ലാ, സ്ത്രീകളോടുള്ള ബഹുമാനം ഏതു സമൂഹത്തിനും നല്ലൊരു മര്യാദയായി അംഗീകരിക്കപ്പെട്ടിട്ടുള്ളതുമാണ്.

ഇത്തരം ചില കാര്യങ്ങള്‍ ശ്രദ്ധിച്ചുനോക്കൂ, നിങ്ങള്‍ക്കും സ്ത്രീയുടെ കണ്ണില്‍ ജെന്റില്‍മാനാകാം.