ഇഷ്ടപ്പെട്ട പെണ്‍കുട്ടിയോട് സംസാരിക്കുമ്പോള്‍

നിങ്ങള്‍ ഇഷ്ടപ്പെടുന്ന പെണ്‍കുട്ടിയെ പറ്റി ആദ്യമേ വിവരങ്ങള്‍ അറിഞ്ഞു വയ്ക്കുന്നത് നല്ലതായിരിക്കും. ആശയക്കുഴപ്പം ഒഴിവാക്കാനുള്ള പ്രധാന വഴിയാണിത്. ആകാവുന്നത്ര കാര്യങ്ങള്‍ അറിഞ്ഞു വയ്ക്കണം.

പെണ്‍കുട്ടിക്ക് താല്‍പര്യമുള്ള വിഷയങ്ങള്‍ എന്തെന്നു കണ്ടെത്തുക. ഇതേക്കുറിച്ച് സംസാരിക്കുന്നത് പെണ്‍കുട്ടിക്കും താല്‍പര്യമായിരിക്കും.

സംസാരത്തിലും നോട്ടത്തിലും പെരുമാറ്റത്തിലും മാന്യത പുലര്‍ത്തുക. അല്ലെങ്കില്‍ ആദ്യമേ നിങ്ങളോട് പെണ്‍കുട്ടിക്ക് വെറുപ്പു തോന്നാന്‍ കാരണമാകും. സംസാരത്തിലും പെരുമാറ്റത്തിലും കൃത്രിമത്വം ഒഴിവാക്കണം. കൂടുതല്‍ മിടുക്കനാകാന്‍ അഭിനയിക്കേണ്ടെന്ന് അര്‍ത്ഥം.

മിതമായ സംസാരമായിരിക്കും കൂടുതല്‍ നല്ലത്. പറയാന്‍ വേണ്ടി എന്തെങ്കിലും പറയാതെ അര്‍ത്ഥമുള്ള സംസാരം മാത്രമെ പാടുള്ളൂ. വെറുതേ അതുമിതും സംസാരിക്കുന്നത് നിങ്ങളെക്കുറിച്ചുള്ള മതിപ്പ് കുറയാന്‍ ഇട വരുത്തും. പെണ്‍കുട്ടിക്ക് അല്‍പമെങ്കിലും സൗഹൃദം തോന്നുന്നതു വരെ മനസിലെ ഇഷ്ടം തുറന്നു പറയാതിരിക്കുകയാണ് നല്ലത്.