വിവാഹം ഒഴിവാക്കാനും ചില കാരണങ്ങള്‍

സ്വാതന്ത്ര്യം പോകുമെന്ന കാരണം പറഞ്ഞ് വിവാഹത്തില്‍ നിന്ന് ഒഴിവാകുന്നവരുണ്ട്. എന്തിനും ഏതിനും പങ്കാളിയോട് കാരണം ബോധിപ്പിക്കേണ്ടി വരുമെന്നത് ഒരു കാര്യം. കല്യാണം കഴിഞ്ഞാല്‍ ഉത്തരവാദിത്വം ഏറ്റെടുക്കാനുള്ള മടിയും കാണും ചിലര്‍ക്ക്.

ഒന്നിലധികം ബന്ധങ്ങളില്‍ ചെന്നു ചാടുന്നവരുണ്ട്. ഇത്തരം കാര്യങ്ങള്‍ ആസ്വദിക്കുന്നവര്‍ക്ക് കല്യാണം ശരിക്കുമൊരു കയറിട്ടു കെട്ടലാകും. ഇത്തരം സ്വാതന്ത്ര്യം നഷ്ടപ്പെടുത്താല്‍ ആഗ്രഹിക്കാത്തവരുണ്ട്.

സ്വന്തം മുറിയും സാധനങ്ങളും പങ്കു വയ്ക്കാന്‍ ഇഷ്ടപ്പെടാത്തവരുണ്ട്. തന്റെ സ്വാകാര്യതയില്‍ മറ്റാരെയും അടുപ്പിക്കാന്‍ ഇഷ്ടപ്പെടാത്തവര്‍. ഇത്തരക്കാര്‍ക്ക് വിവാഹത്തോട് ചിലപ്പോള്‍ താല്‍പര്യം കാണില്ല.

വിവാഹത്തോടെ സൗഹൃദങ്ങള്‍ നഷ്ടപ്പെടുമെന്ന് പേടിക്കുന്നവരുണ്ടാകും. പ്രത്യേകിച്ച് പുരുഷനാണെങ്കില്‍ സ്ത്രീ സൗഹൃദങ്ങളും സ്ത്രീയാണെങ്കില്‍ പുരുഷസൗഹൃദങ്ങളും. ഇത്തരക്കാര്‍ ചിലപ്പോള്‍ വിവാഹത്തോട് വിമുഖത കാണിക്കും.

വളരെ ചെറിയൊരു വിഭാഗമെങ്കിലും പറയുന്ന കാര്യമുണ്ട്, വിവാഹം ശരീരഭംഗി നശിപ്പിക്കുമെന്നത്. സാധാരണ വിവാഹത്തോടെ സ്ത്രീയായാലും പുരുഷനായാലും തടി കൂടുന്നതായി കണ്ടുവരാറുണ്ട്. ഇതിന് പലവിധ കാരണങ്ങളുമുണ്ടാകാം. ഇൗ കാരണം വിവാഹം ഒഴിവാക്കാനുള്ള ഒരു കാരണമായി പറയാനാകില്ലെങ്കിലും ഇതും ഒരു കാര്യം തന്നെയാണ്.