സ്ത്രീ മോഹിക്കും പുരുഷഗുണം

Relationship

oi-Saritha

By Veena

Published: Friday, March 9, 2012, 15:19 [IST]

സ്ത്രീകള്‍ ആഗ്രഹിക്കുന്ന ചില പുരുഷന്മാരുണ്ട്. അവരുടെ സങ്കല്‍പത്തിലെ പുരുഷന്‍. ഇത്തരം ഗുണങ്ങള്‍ ഉള്ളതു കൊണ്ടാകണം, ചില പ്രശസ്ത വ്യക്തികളെ അവര്‍ ആരാധിക്കുന്നതും. അത് സിനിമാതാരങ്ങളാകാം, സ്‌പോട്‌സ് താരങ്ങളാകാം, ഏതൊരാളുമാകാം.

നല്ല പെരുമാറ്റമുള്ള പുരുഷന്മാര്‍ സ്ത്രീകളുടെ ശ്രദ്ധ പെട്ടെന്നു പിടിച്ചു പറ്റും. അത് സംസാരത്തിന്റെയോ ഇടപഴകലിന്റെയോ പ്രത്യേകതയാകാം.

ശരീരഭംഗി കൊണ്ട് പുരുഷന്മാരെ ഇഷ്ടപ്പെടുന്നതവരുണ്ട്. പ്രത്യേകിച്ചും സിനിമാ, സ്‌പോട്‌സ് താരങ്ങള്‍. പൗരുഷമുള്ള രൂപവും മസിലുകളും പല പെണ്‍കുട്ടികളും ഇഷ്ടപ്പെടുന്ന ഗുണങ്ങളാണ്.

സാഹസികരായ പുരുഷന്മാരെ സ്ത്രീകള്‍ക്ക് പൊതുവെ ആരാധനയാണ്. പേടിച്ചു പിന്‍വാങ്ങി നില്‍ക്കുന്നവരെയല്ലാ, എല്ലാ കാര്യങ്ങളിലും തന്റേടത്തോടെ മുന്നിട്ടിറങ്ങുന്നവരെയാണ് സ്ത്രീകള്‍ ഇഷ്ടപ്പെടുന്നത്.

ആരുടെയും മുഖത്തു നോക്കി സത്യം പറയുന്നവരെയും കാര്യങ്ങള്‍ മുന്നിട്ടിറങ്ങി ചെയ്യുന്നവരെയും സ്ത്രീകള്‍ക്കിഷ്ടമാണ്. ഇത്തരം പുരുഷന്മാരോട് ആരാധന കലര്‍ന്ന ഒരു ഇഷ്ടമാണ് പൊതുവെ സ്ത്രീകള്‍ക്കുണ്ടാകുക.